Buk me Aŋwen pa Moses ma Gilwoŋo Wel 11:1 - Acoli Baibul

¹ Dano gubedo ka lok ki akeca pi can ducu ma gitye iye, ci Rwot owinyo; ka Rwot otyeko winyone, kiniga omake, ci mac pa Rwot opoto, olyel i kingi, owaŋo kabedo mogo ma i ŋet gony.

Buk me Aŋwen pa Moses ma Gilwoŋo Wel 11:1 Iomraidhean Croise

Acakki 38:10

Gin ma otimo pe oyomo cwiny Rwot, ci oneke woko bene,

2 Camuel 11:27

Ka kwero cola otum, Daudi ocwalo kwena ci okelo Batceba i ode, odoko dakone, onywalo kwede latin laco. Ento gin ma Daudi otimo pe oyomo cwiny Rwot.

2 Luker 1:12

Ento Elia odok iye ki gin ni, “Ka ce an a dano pa Lubaŋa, wek mac aa ki malo i polo opot i komwu owaŋwu woko ducu, in kacel ki joni pyerabicci.” Ci mac pa Lubaŋa oa ki malo i polo owaŋo en ki jone pyerabic-ci ducu.

Yubu 1:16

Ka onoŋo pud tye ka lok, ŋat mukene dok obino ma wacci, “Mac pa Lubaŋa oa ki i polo, ci owaŋo romi ki lukwat, otyekogi woko ducu; ci an kena aye abwot me bino ka titti.”

Jabuli 106:18

Mac oturo ki lyel i wi lwakgi; ci leb mac ma lyel-l i owano jo maraco woko ducu.

Jabuli 78:21

Pi meno akemo omako Rwot matek i kare ma owinyo lok meno; omiyo olwenyo i kom jo pa Yakobo ki mac, kinigane onya omedde ameda i kom jo Icrael,

Jabuli 78:63

Mac owaŋo awobegi otyekogi woko liweŋ, ki anyiragi bene pe doŋ giwero wer nyommo.

Buk me Aryo pa Moses ma Gilwoŋo Nia 16:7

ki odiko bene wubineno deyo pa Rwot, pien otyeko winyo ka wuŋur i kom Rwot. Pien waŋ aŋagi ma wuŋur i komwa-ni?

Buk me Aryo pa Moses ma Gilwoŋo Nia 16:9

Moses owaco bot Aron ni, “Wac ki lwak jo Icrael ducu ni, ‘Wubin cok i nyim Rwot, pien otyeko winyo nurowu.’ ”

Icaya 10:17

Ceŋ pa jo Icrael bidoko mac, Lubaŋagi maleŋ-ŋi bidoko calo leb mac: biwaŋo okuto ki ocok tyeko woko i nino acel.

Icaya 30:33

Pien ka wanoŋe doŋ gityeko yubone woko wa con; ada, doŋ gityeko yubone woko pi kabaka, kabedone giyubo matut dok malac twatwal, ma mac ki yen bene tye madwoŋ ata, yamo dog Rwot katti calo gweŋ ma giliyo woko i mac, en aye calfa, ma bimoko mac iye.

Icaya 33:14

Lubalo ma tye i Cion doŋ lworo omakogi woko, jo ma kwero Lubaŋa komgi doŋ myel amyela. “Aŋa i kinwa ma twero bedo i ŋet mac ma wan neko dano? Aŋa i kinwa ma twero bedo i ŋet mac malyel nakanaka ma pe to?”

Koko 3:39

Dano makwo kok piŋo? Dano myero okok ka can opoto i kome pi balle?

Ejekiel 20:36

Kit macalo yam aŋolo kop i kom kwarowu i dye tim i lobo Ejipt, abiŋolo kop i komwu bene kit meno.” Man Rwot Lubaŋa ma owaco.

Lulevi 10:2

Ka mac oa ki i nyim Rwot, owaŋogi woko, ci guto woko ki i nyim Rwot.

Nakum 1:5

Godi ducu giyeŋŋe ka Rwot onen, cere-gu leny i nyime; piny doŋ noŋo matar ligwek, lobo ki jo ducu ma gibedo iye komgi myel.

Kabakuk 3:5

En cwalo two gemo i nyime, ka ociko to me lubo kore.

Buk me Aŋwen pa Moses ma Gilwoŋo Wel 10:33

Gucako a woko ki i nyim got pa Rwot, ci gutiŋo wot me nino adek; ci canduk me gicikke pa Rwot owoto otelo yo nyimgi wot me nino adek pi yenyo kabedo me yweyogi,

Buk me Aŋwen pa Moses ma Gilwoŋo Wel 11:18

Wac bot lwak ni, ‘Wulonnye kekenwu wubed maleŋ pi nino ma diki, ci wubicamo riŋo; pien wubedo ka kok i it Rwot kun wuwaco ni, “Aŋa ma bimiyowa riŋo me acamawa? Pien yam onoŋo watye maber giwa i Ejipt.” Pi meno Rwot bimiyowu riŋo ci wubicamo.

Buk me Aŋwen pa Moses ma Gilwoŋo Wel 12:2

Gubedo ka waco ni, “Rwot obedo ka lok ki dog Moses kene bo? Pe obedo ka lok ki dogwa bene?” Ci Rwot owinyo yo.

Buk me Aŋwen pa Moses ma Gilwoŋo Wel 14:2

Jo Icrael ducu gubedo ka nur i kom Moses ki Aron, ci lwakgi ducu guwaco botgi ni, “Kono nene wato giwa ki i Ejipt, kono ber! Nyo kono nene wato ki i tim kany!

Buk me Aŋwen pa Moses ma Gilwoŋo Wel 14:22

i kom jo ma guneno deyona ki lwak lanyut ma yam atiyo i Ejipt ki i tim, ento ma gubedo ka omo iya ma doŋ odoko tyen apar kulu, ma pe guwinyo doga bene, pe tye ŋat mo i kingi

Buk me Aŋwen pa Moses ma Gilwoŋo Wel 14:27

“Lwak man marac-ci gibiweko ŋuro i koma awene? Doŋ atyeko winyo lwak nuro ma jo Icrael gitye ka ŋuro kwede i koma.

Buk me Aŋwen pa Moses ma Gilwoŋo Wel 14:28

Wac botgi ni an Rwot awacci, ‘Macalo atye makwo-ni, gin ma doŋ wuwaco ma awinyo ki ita abitiyo botwu.

Buk me Aŋwen pa Moses ma Gilwoŋo Wel 16:11

Wun wubedo ka jemo i kom Rwot, mumiyo wun ki lwakwu ducu wucokke kacel-li. Aron kono gin aŋo mumiyo wuŋur i kome-ni?”

Buk me Aŋwen pa Moses ma Gilwoŋo Wel 16:35

Ka dok mac bene oa ki bot Rwot, owaŋo jo meno miya aryo ki pyerabic ma gubedo ka tyero odok eceta-ni, otyekogi woko.

Buk me Aŋwen pa Moses ma Gilwoŋo Wel 17:5

Ci odoo pa dano ma abiyero en aye bilot. Meno aye abinoŋo iye yo me juko jo Icrael ma gibedo ka nur i koma-ni.”

Buk me Aŋwen pa Moses ma Gilwoŋo Wel 21:5

gucako loko lok akeca i kom Lubaŋa ki, i kom Moses kun giwaco ni, “Piŋo wukwanyowa woko ki i Ejipt wek wato i tim? Cam pe, pii bene pe, owinywa ocido woko ki cam ma konnye pe-ni.”

1 Jo Korint 10:10

Pe waŋur, macalo jo mogo i kingi yam guŋur kwede, ci omiyo Lanek oŋinyogi woko.

Nwoyo Cik 25:18

kit ma yam gulwenyo kwede i komwu i yo ca, i kare ma onoŋo wuder, ma komwu ducu oloc woko, kit ma gin guŋolo kwede wi jo ma gudoŋ i ŋewu ma gi goro; gin yam pe gulworo Lubaŋa wacel.

Nwoyo Cik 32:22

Pien kinigana doŋ omoko mac woko, doŋ tye ka waŋ wa i te bur matut melyel, kun waŋo lobo ki gin ma ocek iye ducu, ka dok cwinyo mac waŋ wa te guti me godi.

Nwoyo Cik 9:22

“Dok bene yam i Tabera, ki i Maca ki i Kibrot-atava wubedo ka mi yo Rwot bedo ki akemo.

Jo Ibru 12:29

pien Lubaŋa-wa en aye mac ma waŋo piny.

Yakobo 5:4

Nen mucara pa lutic ma gitiyo i pottiwu ma wutwonogi kwede woko, tye ka kok; koko pa lukac doŋ owinnye bot Rwot me mony.

Juda 1:16

Meno gin jo ma bedo kar ŋur aŋura, ma gipyem apyema, kun gilubo mitgi keken, doggi opoŋ ki loko lok me wakke keken, gidworo dano wek ginoŋ gin ma cwinygi mito.