Buk me Aŋwen pa Moses ma Gilwoŋo Wel 10:9 - Acoli Baibul

⁹ Ka wucito i mony ka lweny ki lukworwu ma gidiyowu i lobowu, ci wubimiyo oduru mony kok kun wukuto tum, wek Rwot Lubaŋawu opo piwu ci olarwu ki bot lukworwu.

Buk me Aŋwen pa Moses ma Gilwoŋo Wel 10:9 Iomraidhean Croise

Acakki 8:1

Lubaŋa opo kom Nua ki lee tim ducu, ki lee ma paco ducu ma yam tye kacel kwede i yeya. Lubaŋa omiyo yamo okodo wi lobo, ci pii ocako dwon.

2 Tekwaro 13:12

Nen, Lubaŋa tye kwedwa, tye ka telo wiwa, ki ajwagine gitye ki tum ma gikuto me ywayo mony me lweny i komwu, Aa wun awobe pa Icrael, pe wulweny i kom Rwot, Lubaŋa pa kwariwu: pien pe wutwero loyo mony.”

2 Tekwaro 13:14

Ka jo Juda guneno, gunoŋo ni mony tye i nyimgi ki i ŋegi bene; ci gucako kok bot Rwot, kun ajwagi gikuto tum.

Jabuli 106:4

Ai Rwot, po pira ka inyuto kicani bot lwakki; konya, bene, ka ibilarogi;

Jabuli 106:42

Lukworgi ounogi mada, gudiyogi piny i te locgi.

Jabuli 136:23

En opo piwa i kare ma doŋ giloyowa woko marac, pien mar mere ma pe lokke bedo nakanaka;

Icaya 18:3

Wuwiny, wun jo ducu ma wubedo i wi lobo, wun jo ma wubedo i lobo, ka ce gitiŋo bendera malo i wi got, myero wunen! Ka ce bene gikuto buriji, myero wuwiny!

Icaya 58:1

“Daŋŋe matek, pe iliŋ, yab dwani owinnye maloŋo calo koko tum, tit bot jona roc ma gin gutimo, tuc bot jo me ot pa Yakobo balgi.

Jeremia 4:19

Arem doŋ omaka woko, omaka woko do! Arem doŋ wano koma adada. Oii, mil wa i pal cwinya kikome! Adunona tye ka gone atata matek lirimrim; pe atwero liŋ wacel; pien abedo ka winyo koko tum ma gikuto, pi oduru me lweny.

Jeremia 4:21

Abibedo ka neno bendera pi kare marom mene, kun abedo ka winyo koko tum?

Jeremia 4:5

Wutit lok man i Juda, kun wutuco pire bene i Jerucalem, ma wuwacci, “Wukut tum wek kokone orom i lobo woko ducu; wudaŋŋe matek kunwuwacci, ‘Wucokke kacel wek wacitu i gaŋi me cel gogo-gu!’

Jeremia 49:2

Pi meno, nen, nino tye ka bino, en kare ma abimiyo jo me Raba winyo dwan me koko me lweny. Gaŋ pa jo Ammon gibiweko doŋ obur ki gaŋine matino ducu gibiwaŋogi woko ki mac. Lacen jo Icrael doŋ bimayo lobogi woko ki i ciŋ jo ma yam gumayo woko ki botgi ca. An Rwot, doŋ aloko.

Jeremia 6:1

Wun jo pa Benjamin, wuriŋ woko wular komwu! Wua woko ki i Jerucalem! Wukut tum okoki i Tekoa, ci wutiŋ bendera malo i Betakerem, pien gin marac tye ka bino a ki yo tuŋ acam, ma bityeko lobo woko liweŋ.

Jeremia 6:17

Aketo lukur-piny me kurowu kun awacci, ‘Wuwiny koko tum!’ Ento gin guwacci, ‘Pe wabiwinyone kadi matidi mo.’

Ejekiel 7:14

“Gukuto tum, gin ducu doŋ gitye ka yubbe. Ento ŋat mo pe ma cito ka lweny, pien akemo pa Rwot opoto i kom lwakgi ducu maromrom.

Kocea 5:8

Wukut bi la i Gibea, wukut gwara i Rama. Wugo oduru i Bet-awen; komi omyel, in Benjamin!

Lulevi 23:24

“Wac bot jo Icrael ni, I dwe me abiro, i nino dwe acel, wubikwero iye nino me yweyo mot, nino me po ma gituco pire ki koko gwara, nino me gurre maleŋ.

Amoc 3:6

Obute ka gikuto i gaŋ, lworo pe mako dano? Gin marac poto i gaŋ, ma Rwot aye pe otiyo?

Jepania 1:16

nino me koko gwara ki woo me lweny i kom gaŋi ma gicelo matek ki i kom cel ma gigero maboco.

Buk me Aŋwen pa Moses ma Gilwoŋo Wel 31:6

Moses ocwalogi woko ka lweny, kacel ki Finekaci wod pa ajwaka Eleajar ma omako jami maleŋ pa Lubaŋa ki tum me goyo oduru.

1 Jo Korint 14:8

Buriji bene ka pe gikuto i dwan me lwoŋo kikome, ci aŋa ma biyubbe pi cito i lweny?

Nwoyo Cik 20:1

“I kare ma wubicito ka monyo lumerokwu, ka ce wuneno gin tye ki lwak aguragura ki gadigadi lweny, dok monygi bene dit makato mewu, pe wubed ki lworo i komgi,’ pien Rwot Lubaŋawu bibedo kwedwu, en ma yam okwanyowu woko ki i lobo Ejipt.

Yocwa 6:5

Ka doŋ gikuto tuŋ nyogi romi, ka doŋ wuwinyo dwan obute maloŋo-ni, ci lwak ducu gibidaŋŋe ki dwangi maloŋo mapek; cel gogo me gaŋ bimuk, poto woko piny ducu, ci lwak gibicorre gicito iye kun dano acel acel kemo nyime atir.”

Luŋolkop 10:12

Jo Cidon bene ki jo Amalek ki jo Maon yam giunowu, ento i kare ma yam wukok bota, alarowu ki i ciŋgi.

Luŋolkop 10:8

Jo-nu guninyo jo Icrael guunogi matek i mwaka meno. Gubedo ka uno jo Icrael ducu ma gibedo loka Jordan i lobo pa jo Amor ma tye i lobo Gilead pi mwaka apar wiye aboro kulu.

Luŋolkop 2:18

I kare ducu ma Rwot omiyo botgi Laŋolkop mo, ci Rwot obedo ki laŋolkop meno; obedo ka larogi ki i ciŋ lumerokgi pi kare pa Laŋolkop meno ducu. Kica yam mako Rwot i komgi kare ki kare ka gicur i kom jo ma unogi kun gidiyogi ki tek.

Luŋolkop 3:27

Ka doŋ oo kunnu, okuto tum i lobo godi me Epraim; ci jo Icrael gucito kwede gua ki i lobo godi, kun en telo wigi,

Luŋolkop 6:34

Ento Cwiny pa Rwot obino i kom Gideon; okuto tum ci jo Abiejer gucokke i kore.

Luŋolkop 6:9

Yam alarowu ki i ciŋ jo Ejipt ki i ciŋ jo ma gubedo ka unowu ducu; aryemogi woko ki i nyimgi kun amiyo lobog botwu,

1 Camuel 10:18

Ka owaco bot ŋo Icrael ni, “Rwot Lubaŋa pa Icrael owaco kit man ni, ‘Yam akwanyo jo Icrael ki i Ejipt, alarowu ki i ciŋ jo Ejipt ki i ciŋ Luker ducu ma gubedo ka unowu.’