Buk me Aŋwen pa Moses ma Gilwoŋo Wel 10:10 - Acoli Baibul

¹⁰ I nino ma cwinywu yom iye bene, ki i nino madito ma gicikowu pigi, ki i kare me por dwe ducu, wubikuto iye tum i wi gitum awaŋa mewu, ki i wi gitum mewu me gityer lakwecwiny; gibikutogi wek Lubaŋa opo piwu; an a Rwot Lubaŋawu.”

Buk me Aŋwen pa Moses ma Gilwoŋo Wel 10:10 Iomraidhean Croise

2 Luker 4:23

Ogamo ni, “Piŋo icito wa bote tin? Pien dwe peya opor, kadi cabit bene pudi.” En ogamo ni, “Bibedo ber.”

1 Tekwaro 15:24

Cebania, Jocapat, Netanel, Amacai, Jekaria, Benaya ki Eleajar, ma gin ducu ajwagi, ticgi me kuto tum i nyim canduk pa Lubaŋa, Obed-edom ki Jekia gin bene gubedo lugwok-doggola me canduk pa Lubaŋa.

1 Tekwaro 15:28

Yam jo Icrael ducu gukelo canduk me gicikke pa Rwot kit meno, ma giwayo ma rwatte ki koko bila, ki tum, ki atego agoya-gu, kun giwero ki nana ki opuk-gu maloŋo.

1 Tekwaro 16:42

Eman ki Jedutun onoŋo gitye ki tura ki atego agoya pi wer agoya, ki jami agoya mukene ma gigoyo i kare me wero wer maleŋ, Litino awobe pa Jedutun yam giketogi pi gwoko doggola ot pa Rwot.

2 Tekwaro 29:26

Lulevi gucuŋ gumako jami wer pa Daudi, kun ajwagi gumako tumgi.

2 Tekwaro 29:28

Lwak ma gucokke ducu gumiyo woro bot Lubaŋa, luwer guwero wer, ki lukut tum gukuto tumgi; gumedde kwede nio waŋ ma tyero gitum awaŋa otum.

2 Tekwaro 7:6

Ajwagi gucuŋ i kabedogi, kacel ki Lulevi ma gumako jami me wer megi me pako Rwot, kit ma yam kabaka Daudi oyubo pi miyo pwoc bot Rwot, ni, pien mar mere ma pe lokke bedo nakanaka. Meno timme i kare ducu ma yam Daudi pako iye Lubaŋa, kun gin gikonye ki jami wergi. Ki jo ma gucuŋ ma’ gukemogi gin ajwagi ma gikuto tum, kun noŋo jo Icrael ducu gucuŋ mot.

Ejira 3:10

Ka doŋ lugedo guketo guti me te ot pa Rwot, ajwagi guruko ginaruka me tic megi gukato kwede anyim ma gumako tumgi; ki Lulevi ma likwayo pa Acap onoŋo gitye ki atego agoya-gu me pako Rwot, kit ma yam Daudi kabaka me Icrael ociko.

Nekemia 12:35

Ka dok ajwagi ma gubino gulubogi ma gubedo ka kuto tum obedo Jekaria wod pa Yonacan, ma wod pa Cemaya, ma wod pa Matania, ma wod pa Mikaya, ma wod pa Jakur, ma wod pa Acap,

Jabuli 150:3

Wupake kun wukuto tum; wupake ki nyamulere ki ŋaŋa!

Jabuli 81:3

Wukut tum i kare ma dwe pud opor apora, dok ka doŋ ogudo got, ki i ninowa madit.

Jabuli 81:4

Pien man obedo cik i Icrael, gin ma Lubaŋa pa Yakobo yam ociko.

Jabuli 89:15

Gitye ki gum jo ma giwori kun giwero boti wer ki dwan maloŋo, ma giwoto i ceŋ me kicani, ai Rwot.

Buk me Aryo pa Moses ma Gilwoŋo Nia 28:29

Wek Aron otiŋ nyiŋ awobe pa Icrael i kicaa kor me ŋolo kop i pal cwinye i kare me donyo i kabedo maleŋ nino ducu, wek obed me po i komgi i nyim Rwot.

Buk me Aryo pa Moses ma Gilwoŋo Nia 30:16

Ibigamo lim me lakwany bal ki bot jo Icrael, i biketo pi tic me kema me rwatte, wek obed me po pi jo Icrael i nyim Rwot pi kwanyo bal ki i komwu.”

Icaya 27:13

Dok bene i nino meno, gibikuto iye tum madit mada, ka doŋ bimiyo jo ma yam onoŋo gurwenyo woko i lobo Aciria, ki mukene ma onoŋo giryemogi gucito i lobo Ejipt, gibidwogo cen ka woro Rwot i wi got maleŋ, i Jerucalem.

Lulevi 23:24

“Wac bot jo Icrael ni, I dwe me abiro, i nino dwe acel, wubikwero iye nino me yweyo mot, nino me po ma gituco pire ki koko gwara, nino me gurre maleŋ.

Buk me Aŋwen pa Moses ma Gilwoŋo Wel 10:9

Ka wucito i mony ka lweny ki lukworwu ma gidiyowu i lobowu, ci wubimiyo oduru mony kok kun wukuto tum, wek Rwot Lubaŋawu opo piwu ci olarwu ki bot lukworwu.

Buk me Aŋwen pa Moses ma Gilwoŋo Wel 28:11

“I acakki dwe ducu en aye wubityero iye gitum awaŋa bot Rwot: litino twoni aryo, nyok romo acel ki litino nyogi romi abiro ma ditogi mwaka acel acel, ma komgi pe ki mwonyo;

Buk me Aŋwen pa Moses ma Gilwoŋo Wel 29:1

“I nino dwe acel me dwe me abiro wubibedo iye ki gurre maleŋ; pe wuti iye tic mo matek. En aye nino ma wubimiyo gwara kok iye,

Matayo 11:28

Wubin bota, jo ducu muol ki ma yec onurowu, ci abimiyo wuywe.

Tic Pa Lukwena 10:4

En ociko waŋe i kome ki lworo madit, ci owaco ni, “Gin aŋo ba, ladit?” Ci owaco bote ni, “Legani ki motti me kony oito malo obedo gin me po i komi i nyim Lubaŋa.

1 Jo Korint 15:52

oyotoyot, pi kare manok mo keken, macalo waŋ ma neno piny litubetube, ka buriji me agikki doŋ bikok. Pien buriji bikok, ka doŋ gibicero jo muto woko kun pe dok gibito, wan bene gibilokowa woko.

1 Jo Tecalonika 4:16

Rwot kikome bilor piny kun a ki i polo ki lwoŋo me twer, ma dwan lamalaika maditte biwinnye, tum pa Lubaŋa bikok. Jo ma yam guto i Kricito aye ma gibikwoŋo cer,

Yocwa 4:7

Wun wubitito botgi ni, pii me Jordan yam iye opokke oŋol wo ko ki i nyim canduk me gicikke pa Rwot, i kare ma en ŋolo Jordan kato kwede loka ca-ni. Kit meno godi magi bibedo gin me po bot jo Icrael.”

Yocwa 6:4

kun ajwagi abiro bimako obute me tuŋ romi gitelo kwede nyim canduk me gicikke, I nino me abirone wubiwot wurumo gaŋ tyen abiro kun ajwagi gikuto obute.

Niyabo 22:17

Cwiny Maleŋ kacel ki nyako ger gitye ka wacci, “Bin!” Ŋat ma owinyo lok man bene myero ogam ni, “Bin!” Ŋat ma orwo neko myero obin, wek ŋat ma mito bene omat pii me kwo laboŋo wel.

1 Camuel 20:5

Daudi ogamo dog Yonacan ni, “Nen, dwe diki por; pe myero bedo ki kabaka i dog cam oloya. Ento wek koŋ aciti, acikanne woko i bar nio Wa i nino me adekke wi otyeno.