Buk me Aŋwen pa Moses ma Gilwoŋo Wel 1:3 - Acoli Baibul

³ cakke ki i kom jo ma ditogi romo mwaka pyeraryo dok kwede malo, jo Icrael ducu ma romo cito ka lweny; wubikwanogi wun ki Aron ki bucagi.

Buk me Aŋwen pa Moses ma Gilwoŋo Wel 1:3 Iomraidhean Croise

2 Camuel 24:9

Ka Joab omiyo wel dano ma okwano-ni bot kabaka, i Icrael onoŋo tye iye oteka lweny ma wegi pala lucwan alip miya aboro, ki i Juda alip miya abic.

1 Tekwaro 5:18

Jo pa Reuben, jo pa Gad, ki nucu kaka pa Manace yam gitye ki twoni oteka lweny ma gitye ki kwotgi ki pala lucwangi, ma gutelo atumgi bene, ma gin oyita lweny, dano alip pyeraŋwen wiye aŋwen, ki miya abiro ki pyerabicel ma guyubbe pi lweny.

2 Tekwaro 25:5

Amajia dok ocoko lwak me Juda, ci oketogi muporo dog odi pa kwarogi i te ludito ma giloyo buca mony pa jo alip ki pa jo miya, pi jo Juda ki jo Benjamin ducu, Okwanojo ma mwaka me ditogi romo pyeraryo dok kwede malo, ci onoŋo ni jo ma giyero ma gin twoni oteka lweny giromo alip miya adek, ma giyerogi ayera ma giromo lweny, ma giŋeyo mako toŋ ki kwot.

Buk me Aryo pa Moses ma Gilwoŋo Nia 12:17

Wubikwero nino madito me Mugati ma Tobi Pe Iye, pien i kom nino meno kikome yam akwanyo iye bucawu ki i lobo Ejipt; mumiyo wubikwero nino meno, wun ki likwayowu ducu, obed cik matwal.

Buk me Aryo pa Moses ma Gilwoŋo Nia 30:14

Dano ducu ki acel acel ma doŋ gikwano welle, cakke i kom jo ma ditogi romo mwaka pyeraryo ki makato, bimiyo gityer bot Rwot.

Buk me Aryo pa Moses ma Gilwoŋo Nia 38:26

Onoŋo dano acel acel okelo beka acel, (en aye nucu cekel me kabedo maleŋ), pi dano acel acel ma yam gikwano welgi, cakke i kom jo ma ditogi romo mwaka pyeraryo ki dok kwede malo, jo alip miya abicel ki adek, ki miya abic ki pyerabic.

Buk me Aŋwen pa Moses ma Gilwoŋo Wel 14:29

Komwu muto biradde piny i dye tim man. I kin jo ma gikwanogi-ni, ma yam gikwano welgi cakke ki i kom jo ma ditogi romo mwaka pyeraryo dok kwede malo, ma gubedo ka nur i koma-ni,

Buk me Aŋwen pa Moses ma Gilwoŋo Wel 26:2

“Kwan Wel jo Icrael ducu, cakke ki i kom jo ma ditogi romo mwaka pyeraryo dok kwede malo, kun ilubo dog odi pa kwarogi, jo Icrael ducu ma romo cito ka lweny.”

Buk me Aŋwen pa Moses ma Gilwoŋo Wel 3:15

“Kwan wel likwayo pa Levi, kun ilubo dog odi pa kwarogi, ki doggolagi; ibikwano co ducu cakke ki i kom jo ma ditogi romo dwe acel dok kwede malo.”

Buk me Aŋwen pa Moses ma Gilwoŋo Wel 32:11

‘Ada, pe tye ŋat mo ki i kin jo ma yam gua ki i Ejipt, cakke ki i kom jo ma ditogi romo mwaka pyeraryo dok kwede malo ma bineno lobo ma yam akwoŋo pire ni abimiyo bot Abraim ki Icaka ki Yakobo, pien pe gubedo ka lubo gin ma amito ducu kakare,

Buk me Aŋwen pa Moses ma Gilwoŋo Wel 33:1

Jo Icrael yam guwoto kun gikobo ki wotgi kit man, i kare ma gua woko ki i lobo Ejipt ki bucagi kun Moses ki Aron gitelo wigi.

Buk me Aŋwen pa Moses ma Gilwoŋo Wel 4:3

cakke ki i kom jo ma ditogi romo mwaka pyeradek o wa i kom jo ma ditogi romo mwaka pyerabic, jo ducu ma giromo donyo i dog tic pi tiyo tic ma i kema me rwatte.

Nwoyo Cik 24:5

“Ka laco mo pud onyomo nyen, pe bicito woko kacel ki mony, dok pe gibicwale i dog tic mo; en bibedo paco mot pi mwaka acel, wek obed ki yomcwiny gin ki dakone ma onyomo-ni,

Nwoyo Cik 3:18

“Dok yam acikowu i kare meno kun awacci, ‘Rwot Lubaŋawu doŋ otyeko miyowu lobo man wucam obed mewu, Oteka lwenywu ducu myero gukat loka ca i nyim omegiwu jo Icrael kun noŋo guruko jami lwenygi;