Buk me Aŋwen pa Moses ma Gilwoŋo Wel 1:1 - Acoli Baibul

¹ Rwot oloko ki Moses i tim Cinai; i kema me rwatte, i kom nino dwe mukwoŋo me dwe me aryo, i mwaka me aryone nia i kare ma doŋ gua woko ki i lobo Ejipt. Owacci,

Buk me Aŋwen pa Moses ma Gilwoŋo Wel 1:1 Iomraidhean Croise

1 Luker 6:1

Lacen ka mwaka okato miya aŋwen ki pyeraboro cakke ki i kare ma jo Icrael gua iye ki i lobo Ejipt, i mwaka me aŋwenne me ker pa Solomon me loyo jo Icrael, i dwe Jib, ma en aye dwe me aryone, en aye Solomon ocako gero iye ot pa Rwot.

Buk me Aryo pa Moses ma Gilwoŋo Nia 19:1

I kom por dwe me adekke nia guo i tim Cinai i kom nino meno.

Buk me Aryo pa Moses ma Gilwoŋo Nia 19:2

Ka gua woko ki i Repidim ci gubino i tim Cinai, gugony i tim; jo Icrael gugony kunnu i nyim got.

Buk me Aryo pa Moses ma Gilwoŋo Nia 25:22

An abirwatte kwedi kunnu, ci abilok kwedi ki malo i wi kom me kica, ki i kin lukerubi ma gitye malo i wi canduk lok me caden-ni, kun aloko kwedi i kom cik ducu ma abimiyi pi jo Icrael.

Buk me Aryo pa Moses ma Gilwoŋo Nia 40:17

I dwe mukwoŋo, i mwaka me aryone, i nino dwe mukwoŋo aye giguro iye kema.

Buk me Aryo pa Moses ma Gilwoŋo Nia 40:2

“I nino dwe acel i dwe mukwoŋo, cak guro iye kema, en kema me rwatte.

Lulevi 1:1

Rwot olwoŋo Moses ci oloko kwede ki i kema me rwatte kun waco ni,

Lulevi 27:34

Magi aye cik ma yam Rwot ociko ki Moses pi jo Icrael ki i wi got Cinai.

Buk me Aŋwen pa Moses ma Gilwoŋo Wel 1:18

ci i kom nino mukwoŋo me dwe me aryo gucoko lwak ducu kacel. Gin gunyuto watgi kun gilubo doggolagi ki dog odi pa kwarogi, kit ma wel nyiŋgi tye kwede, cakke ki i kom jo ma ditogi romo mwaka pyeraryo dok kwede malo, ki acel acel,

Buk me Aŋwen pa Moses ma Gilwoŋo Wel 12:4

Cutcut Rwot owaco bot Moses ki Aron ki Miriam ni, “Wukat woko, wun adek ducu, wubin i kema me rwatte.” Gin adek ducu gukato woko.

Buk me Aŋwen pa Moses ma Gilwoŋo Wel 9:1

Rwot oloko ki Moses i tim Cinai i dwe mukwoŋo me mwaka me aryone ma onoŋo doŋ gua woko ki i lobo Ejipt kun wacce ni,

Nwoyo Cik 1:3

I mwaka me pyeraŋwenne, i nino dwe mukwoŋo me dwe me apar wiye acel, en aye Moses oloko iye ki jo Icrael i kom cik ducu ma Rwot yam omiye ma mako komgi.

Nwoyo Cik 2:14

Nia i kare ma waa ki i Kadec-bamea nio ka waŋolo nota ora me Jered onoŋo oromo mwaka pyeradek wiye aboro, nio kwede i kare ma yalwak meno ducu, ma en aye jo ma lulweny, doŋ guto gutum woko ki i gony, kit ma yam Rwot okwoŋo kwede kwoŋ i komgi-ni.

Nwoyo Cik 2:7

Pien Rwot Lubaŋawu obedo ka miyowu gum i kom tic ducu ma ciŋwu otiyo; en ŋeyo kit ma wuwok wukato kwede i dye tim man malac-ci. Rwot Lubaŋawu obedo kwedwu i lwak mwaka man ducu pyeranwen-ni, ma can gin mo pe omakowu.’