Lulevi 5:2 - Acoli Baibul

² Nyo ka dano mo ogudo kom gin ma gikwero, kadi bed kom lee tim ma keni muto, ma gikwero; nyo kom lee ma paco ma keni muto, ma gikwero, nyo kom gin ma nya ma corre limuk ma keni muto, ma gikwero, kun pe oneyo, en bene odoko keni, noŋo otiŋo alii.

Lulevi 5:2 Iomraidhean Croise

Jabuli 19:12

Aya ma twero neno balle kene? Lara ki i kom balla ducu mukanne.

Icaya 52:11

Wua, wua woko, wua woko ki kunnu, pe wugud gin mo ma kome ki keni; wua woko ki kunnu, wek wucit wulonnye kekenwu, wun jo ma tino jami pa Rwot.

Lulevi 11:11

Gibibedo me kwer botwu; pe wubicamo riŋogi, dok komgi mutone bene bedo me kwer botwu.

Lulevi 11:8

Pe wucam rinogi, pe wugud wa komgi ma oto bene; gin bedo keni botwu, wubikwerogi.

Lulevi 4:13

“Ka lwak jo Icrael ducu gutimo bal ma pe gutimo akaka, ce lokke pe oŋene i nyim kacokke, kun gitiyo gin mo acel i kom gin ducu ma yam Rwot ociko ni pe gitim, ci gutiŋo alii;

Lulevi 5:17

“Ka dano mo obalo kun otiyo gin mo acel i kom gin ducu ma yam Rwot ociko ni pe gitim, kadi bed pe oneyo, noŋo otiŋo alii, ci bal bidok i wiye.

Lulevi 5:3

Nyo ka ogudo gin me kwer ma i kom dano, kit gin mo-ni makwer ma twero miyo dano doko keni, kun pe oneyo, ka doŋ oniaŋ iye, noŋo otiŋo alii.

Lulevi 5:4

Nyo ka dano mo okwono kwon laboŋo tamo tere pi timo gin mo marac nyo maber, kit kwon ma dano kwoŋo kun pe gitamo tere, kun pe oniaŋ iye, ka doŋ oniaŋ iye ci bitiŋo alii, ka otimo lok mo acel i kom magi.

Lulevi 7:21

Ka ŋat mo ogudo kom gin mo ma gikwero, kadi bed gin me kwer ma i kom dano, nyo lee ma gikwero, nyo kit gin mo-ni me kwer ma keni, ka dok camo kwede riŋo me gityer lakwecwiny pa Rwot, dano meno waŋe birwenyo woko ki i kin lutugi.”

Aggai 2:13

Aggai dok openyo ni, “Ka ce dano mo ma kome ki keni pi gudo kom dano muto, ogudo gin mo i kin jami magi, gin bene doko gin ma keni?” Ajwagi gudok iye ni, “Doko gin ma keni.”

Buk me Aŋwen pa Moses ma Gilwoŋo Wel 19:22

Gin ducu ma dano ma keni-ni ogudo bibedo keni; ŋat ma ogudo jami-nu bene bibedo keni nie wa otyeno.”

Luka 11:44

Wubineno can! Pien wurom ki lyel ma pe ginen ma dano woto i wigi kun pe giŋeyo.”

2 Jo Korint 6:17

Pi meno doŋ wua woko ki i kingi, wupokke woko kwedgi, man lok pa Rwot, pe wugud gin mo ma kome ki keni. miyo abijolowu,

Nwoyo Cik 14:8

Ki opego bene, pien kadi oboŋ tyene akara ento pe nyamo omen, en bene bedo keni botwu. Pe wucam riŋogi, pe wugud wa komgi ma oto bene.