Lulevi 5:1 - Acoli Baibul

¹ “Ka dano mo obalo kun owinyo lam ma gilamo i kom lwak ni dano myero gutuc lok ma giŋeyo, ma kun en caden ma oneno nyo oniaŋ lokke, ce pe otuco, bal bidok i wiye.

Lulevi 5:1 Iomraidhean Croise

1 Luker 22:16

Ento kabaka dok owaco ni, “An mono abiciki i nyiŋ Lubaŋa tyen adi ni ilokka lok me ada keken i nyiŋ Rwot?”

1 Luker 8:31

“Ka ce dano mo otimo bal i kom wadi mo, ci gimiye okwoŋo kwoŋo pire, ka obino ce okwoŋo kwoŋo ki i nyim keno tyerri ma i ot man,

2 Tekwaro 18:15

Ento kabaka dok owacce ni, “An mono abiciki i nyiŋ Lubaŋa tyen adi ni ilokka lok ada keken i nyiŋ Rwot?”

Jabuli 38:4

Balla doŋ oketo koma woko; gipek calo yec ma pe aromo tiŋone,

Buk me Aryo pa Moses ma Gilwoŋo Nia 22:11

ci en bikwon ki nyiŋ Rwot, wek ginen ka pe en kikome aye oketo ciŋe i kom jami pa lawote; rwode myero oye kwon meno, en pe biculone.

Carolok 29:24

Ŋat ma lawot lakwor meno lamonene kekene pien dag kwone; kadi bed en winyo lok ma giceno ki dano, pe twero tuco lok mo

Carolok 30:9

Ka abibedo ki cam madwoŋ mukato kare, miyo abikweri woko, kun awacci, “Rwot en aŋa?” dok pe myero abed lacan, miyo akwalo kwo, miyo abipyedo nyiŋ Lubaŋana.

Icaya 53:11

bineno doŋ gin maber ma oa ki i cwercwiny ma yam owok ki iye; meno bikweyo cwinye. Laticca ma kite atir, bimiyo gikwano jo mapol ni kitgi atir; en bitiŋo balgi ducu i kome.

Jeremia 23:10

Pien lobo doŋ opoŋ ki lutim abor keken; gibedo ki kit kwo marac dok bene gitiyo ki tekogi i yo marac. Lobo tye ka kumo pien Rwot doŋ oceno woko, ki olet-gu bene doŋ gutwo woko.”

Ejekiel 18:20

Ento dano ma timo bal bito mere. Latin pe bineno can pi bal pa wonne, kadi ki wego bene pe myero olim can pi bal pa wode, Dano ma kite atir gire bilimu bakacic pi gin ma tye atir ma en otiyo, ki latim marac bene bilimo can pi gin maraco maen otimo.

Ejekiel 18:4

Nen, kwo pa wego nyo pa latin ducu mera. Dano ma timo bal bito.

Lulevi 17:16

Ento ka pe olwoko boŋŋine, nyo pe olwoko kome, ci bal bidok i wiye.”

Lulevi 19:8

ŋat ma ocamo-ni bal bidok i wiye, pien opyedo gin maleŋ pa Rwot; dano meno waŋe birwenyo woko ki i kin lutugi.

Lulevi 20:17

“Ka dano mo otero laminne, kun nya pa wonne nyo nya pa minne, ce en oneno nyime, ki nyako bene oneno kome, meno lok me lewic atika, wangi birwenyo woko ki i kin lutugi. En obedo ki laminne, bal bidok i wiye.

Lulevi 4:2

“Wac bot jo Icrael ni, Ka dano mo obalo ma pe otimo akaka, i kom gin ma yam Rwot ociko ni pe gitim, ce otimo acel mo i kingi,

Lulevi 5:15

“Ka dano mo oturo cik pa Lubaŋa kun otimo bal ma pe otimo akaka i kom mot mo maleŋ ma myero en omi bot Rwot, en bikelo gitumme me tiŋo alii bot Rwot, nyok ma kome pe ki mwonyo ma okwanyo ki i kin romi i wel ma iŋolo i cekel me ryal kun ilubo cekel me kabedo maleŋ, obed gitum me tiŋo alii.

Lulevi 5:17

“Ka dano mo obalo kun otiyo gin mo acel i kom gin ducu ma yam Rwot ociko ni pe gitim, kadi bed pe oneyo, noŋo otiŋo alii, ci bal bidok i wiye.

Lulevi 7:18

Ka gicamo riŋo mo me gitum mere me gityer lakwecwiny i nino me adekke, Lubaŋa pe bigamo ŋat ma otyero-ni, dok pe gibikwaŋo ni en otyero gin mo, Bibedo gin me kwer: ŋat ma ocamo, bal bidok i wiye.

Buk me Aŋwen pa Moses ma Gilwoŋo Wel 9:13

Ento dano ma olony, ma pe ocito ka wot mo, ento dok oweko kwero nino madit me Kato, dano meno waŋe birwenyo woko ki i kin lutugi, pien onoŋo pe otyero gityer pa Rwot i kare ma giciko; dano meno balle bidok i wiye.

Matayo 26:63

Ento Yecu oliŋ woko aliŋa. Ajwaka madit pa Lubaŋa dok owacce ni, “Amito ikwoŋ kwoŋ ki nyiŋ Lubaŋa makwo, tit botwa ka ce in aye i Kricito ma Lubaŋa oyero, Wod pa Lubaŋa.”

1 Petero 2:24

Ento en otiŋo balwa i kome kene i kom yatariya, wek wan wato i bal, ka doŋ wabed kwo i kit ma atir. Pi pwod ma gipwode kwede omiyo wucaŋ.

Luŋolkop 17:2

Owaco bot minne ni, “Lim ryal alip apar wiye acel ma yam gikwalo ki boti-ni, ma yam iloko iceno iye dano-ni, kun an bene awinyo, nen, ryal-lu tye bota, an aye yam akwanyo.” Minne ogamo ni. “Rwot omiyi gum, latinna.”