Lulevi 4:3 - Acoli Baibul

³ ka ce ajwaka ma giwiro ki moo aye obalo, kun okelo bal i kom lwak, myero en otyer bot Rwot wod twon ma kome pe ki mwonyo pi bal ma en otimo, obed gitum me bal.

Lulevi 4:3 Iomraidhean Croise

2 Tekwaro 29:21

Gucako kelo twoni abiro, nyogi romi abiro, litino romi abiro ki nyogi dyegi abiro pi itum me bal pi ker, pi kabedo maleŋ ki pi Juda. Ci ociko ajwagi ma gin likwayo pa Aron me tyerogi i wi keno tyer pa Rwot.

Ejira 8:35

I kare meno jo ma yam gudwogo ki i opii i rok, gucako tyero gitum awaŋa bot Lubaŋa pa Icrael. Gutyero twoni dyaŋi apar wiye aryo pi jo Icrael ducu, ki nyogi romi pyeraboŋwen wiye abicel, ki litino nyogi romi pyerabiro wiye abiro, ki nyogi dyegi apar wiye aryo pi gitum me bal; meno ducu obedo gitum awaŋa bot Rwot.

Buk me Aryo pa Moses ma Gilwoŋo Nia 29:14

Ento riŋo wod twon-nu ki pyenne ki wee iye-gu, ibiwaŋo awaŋa ki mac wa i ŋe gony; en aye gitum me bal.

Buk me Aryo pa Moses ma Gilwoŋo Nia 29:21

Ka ibikwanyo remo manok ma i wi keno tyer, ki moo wir, ci ikirogi i kom Aron ki i kom boŋŋi arukane, ki i kom awobene ki i kom boŋŋi aruka pa awobene, ci en ki boŋŋi arukane gibibedo maleŋ, kacel ki awobene ki boŋŋi arukagi bene.

Buk me Aryo pa Moses ma Gilwoŋo Nia 29:7

Ka ibikwanyo moo me wir, iwiro kwede,

Buk me Aryo pa Moses ma Gilwoŋo Nia 30:10

Aron myero otim gin lakwany bal i kom ten keno aŋwen ducu ma i kome i mwaka acel kicel; en bitimo gin lakwany bal ki i kome ki remo me gitum me bal me lakwany bal i mwaka acel kicel wa i kare pa likwayowu ducu: en aye gin maleŋ makato bot Rwot.”

Ejekiel 40:39

Onoŋo tye meja aŋwen i kicika me doggola me donyo, aryo tye tuŋcel ki aryo mukene gicibo tuŋcel, ma lee me gitum awaŋa ki gitumme bal kigitum me tiŋo alii onoŋo giŋolo gi i wi meja magi,

Ejekiel 43:19

ci ibimiyo twon me gitum pi bal bot ajwagi ma gin Lulevi ma gin jo me dog ot pa Jadok, ma gibino cok kweda ka tic bota,

Ejekiel 44:27

I nino ma en cito i kabedo maleŋ, i dyekal ma i iye, ka tic kunnu, en ajwaka bityero gitum pi balle, Man Rwot Lubaŋa ma owaco.

Lulevi 1:10

“Ka ce okwanyo gityerre me gitum awaŋa ki i kin romi nyo dyegi, en bityero nyok ma kome pe ki mwonyo.

Lulevi 1:3

“Ka ce dano mo okwanyo gityerre me gitum awaŋa ki i kin dyaŋi, en bityero twon ma kome pe ki mwonyo; en bityero i doggola kema me rwatte, wek Rwot ogame,

Lulevi 16:11

“Aron bityero twon me bedo gitum me bal ma otiko en kun timo gin lakwany bal ki i kome ki i kom jo ma i ode; bineko twon obed gitum me bal ma otiko eno

Lulevi 16:3

Ento Aron bidonyo i kabedo maleŋ ki gin magi: bidonyo iye ki wod twon pi gitum me bal, ki nyok romo pi gitum awaŋa,

Lulevi 16:5

Dok en bigamo ki bot lwak jo Icrael nyogi dyegi aryo pi gitum me bal, ki nyok romo acel me gitum awaŋa.

Lulevi 16:6

“Aron bityero twon obed gitum me bal ma otiko en, kun timo gin lakwany bal ki i kome ki i kom jo ma i ode.

Lulevi 4:14

ka bal ma gutimo-ni doŋ onene, ci kacokke myero otyer wod twon me gitum me bal kun gikelo i nyim kema me rwatte.

Lulevi 4:23

ka gimiyo en oŋeyo bal ma en otimo-ni, ci en bikelo dyel pi gityerre, nyok ma kome pe ki mwonyo.

Lulevi 4:28

ka gimiyo en oneyo bal ma en otimoni, ci en bikelo dyel pi gityerre, bwonne ma kome pe ki mwonyo, pi balle ma en otimo-ni.

Lulevi 4:5

Ajwaka ma giwiro bikwanyo remo twon manok, tero i kema me rwatte;

Lulevi 5:6

okel gitumme me tiŋo alii bot Rwot pi bal ma en otimo-ni, bwon romo nyo bwon dyel, obed gitum me bal; ci ajwaka bitimo gin lakwany bal ki i kome pi balle.

Lulevi 6:18

Co ducu ma i kin likwayo pa Aron gitwero camo dul man ma gikwanyo ki i kom gityer ma giwaŋo ki mac bot Rwot; en cik ma bibedo matwal wa i kare pa likwayowu ducu. Ŋat ma ogudo bidoko maleŋ.”

Lulevi 8:12

Oonyo moo i wi Aron, owire kwede pi kwerone,

Lulevi 9:2

ci owaco bot Aron ni, “Kwany wod twon, pi gitum me bal, ki nyok romo pi gitum awaŋa, ma pe komgi ki mwonyo ducu, wek ityergi i nyim Rwot.

Lulevi 9:3

Dok iwac bot jo Icrael ni, ‘Wukwany nyok dyel pi gitum me bal, wod twon ki latin romo ma ditogi mwaka acel acel ma pe komgi ki mwonyo ducu, pi gitum awaŋa,

Buk me Aŋwen pa Moses ma Gilwoŋo Wel 16:22

Ento gin gupoto piny aryeba ic ci guwacci, “Ai Lubaŋa, Lubaŋa ma won tipo kom jo ducu, pi bal pa dano acel keken miyo kiniga maki i kom lwak ducu?”

Buk me Aŋwen pa Moses ma Gilwoŋo Wel 8:8

Lacen wek gin gukwany wod twon kacel ki gityer me moko kwon mutike, me moko kwon mapwote ma girubo ki moo, ka doki in ibikwanyo wod twon mukene pi gitum me bal.

Jo Roma 8:3

Gin ma onoŋo cik pe twero tiyo, pien kwowa ma ginywalowa kwede onoŋo oloko odoko goro, Lubaŋa aye ma doŋ otiyo. En ooro Wode kikome me bino i kit kom ma cal ki mewa ma bal obwoyo wokoni, macalo gitum ma gityero bot Lubaŋa pi bal. Kombeddi doŋ en oŋolo kop oloyo bal ma tye i komwa ma ginywalowa kwede,

2 Jo Korint 5:21

Ŋat ma yam pe oŋeyo bal, Lubaŋa oloke odoko bal piwa, wek pire wadok jo ma nywako kit pa Lubaŋa ma tye atir.

Jo Ibru 5:3

Pi man, en myero otyer gitum pi balle en kikome, kacel ki pi bal pa lwak.

Jo Ibru 9:12

En odonyo i Kabedo Maleŋ Makato Ducu kicel keken ma doŋ otyeko lok woko ducu, kun pe otero remo dyegi ki remo litino twoni, ento otero remone kikome, ci okokowa kwede doŋ matwal.