Lulevi 4:2 - Acoli Baibul

² “Wac bot jo Icrael ni, Ka dano mo obalo ma pe otimo akaka, i kom gin ma yam Rwot ociko ni pe gitim, ce otimo acel mo i kingi,

Lulevi 4:2 Iomraidhean Croise

Acakki 20:9

Ka Abimelek olwoŋo Abraim bote, owacce ni, “Itimowa kuman piŋo? Aballi gin aŋo, mumiyo in ikelo bal madit i koma ki i kom kerra? In itimo gin ma pe myero atiya i kom dano.”

Jabuli 19:12

Aya ma twero neno balle kene? Lara ki i kom balla ducu mukanne.

Jabuli 19:13

Juka bene pe apot i bal mo ma obino pi cwiny me wakke; pe iwek oloya! Ci abibedo laboŋo bal mo i koma, abibedo ma pe atimo bal mo madit:

Latitlok 5:6

Pe iwek lok ma iloko oteri ka timo bal, dok pe myero iwac bot lukwena pa Lubaŋa ni meno dogi onoŋo ocer acera. Piŋo iweko kiniga mako Lubaŋa i komi pi lok ma iloko, ma miyo en balo ticci ducu ma yam itiyo ki ciŋi-ni?

Lulevi 22:14

Ka dano mo ocamo gin mo maleŋ ma pe ocamo akaka, en bimedo acel me abic i kom welle, ci culo waŋ gin meno maleŋ bot ajwaka.

Lulevi 4:1

Rwot owaco bot Moses ni,

Lulevi 4:13

“Ka lwak jo Icrael ducu gutimo bal ma pe gutimo akaka, ce lokke pe oŋene i nyim kacokke, kun gitiyo gin mo acel i kom gin ducu ma yam Rwot ociko ni pe gitim, ci gutiŋo alii;

Lulevi 4:22

“Ka laloc mo aye obalo ma pe otimo akaka, kun otiyo gin mo acel i kom gin ducu ma yam Rwot Lubaŋane ociko ni pe gitim, ci otiŋo alii,

Lulevi 4:27

“Ka ŋat mo acel ma i kin lwak obalo ma pe otimo akaka, kun otiyo gin mo acel i kom gin ducu ma yam Rwot ociko ni pe gitim, ci otiŋo alii,

Buk me Aŋwen pa Moses ma Gilwoŋo Wel 35:11

ci wubiyero gaŋi mogo wek gubed gaŋi me laro lunek dano, wek dano ma pe guneko dano akaka gurhj gular iye komgi.

Nwoyo Cik 19:4

“Man aye lok me konyo kom lanek dano. Ka dano mo pe oneko lawote akaka, ma yam mone mo pe i kingi, myero en oriŋ kunnu wek olar kome,

1 Temceo 1:13

kadi bed yam abedo ka yete pi keto ayela i kome ki balo nyiŋe. Ento en otima kica, pien ceŋ atimo meno ki kwiya piny laboŋo niye,

Jo Ibru 5:2

En twero tic ki dano ki mwolo, jo ma kwiya piny ki jo muŋak, pien en kikome bene noŋo goro oketo kome woko.

Jo Ibru 9:7

Ento kema me aryo ajwaka madit keken aye donyo iye kene, dok bene donyo iye kicel keken i mwaka acel acel, kun pe cito kunnu laboŋo remo, ma en tero me atyera pi balle ki pi bal pa lwak.

Yakobo 3:10

Pwoc ki ceno dano a i dog acel-lu. Utmegina, pe myero obed kit meno.

1 Camuel 14:27

Ento Yonacan onoŋo pe owinyo ka wonne kwoŋo kwoŋ kun ciko ki dano. Kit meno en oluto iye wi odoo ma onoŋo tye i ciŋe, ci orwako i peda kic, orwako ciŋe i doge; ci waŋe ocako gony woko.