Lulevi 26:3 - Acoli Baibul

³ “Ka wubilubo cikka kun wugwoko gin ma aciko ducu, wucobo kakare,

Lulevi 26:3 Iomraidhean Croise

Nekemia 1:9

ento ka wulokke wudwogo bota kun wulubo cikka, kadi bed gikeyowu giketowu woko ata nio wa i agikki piny, an abicokowu adwokowu cen wa i kabedo ma doŋ atyeko yerone pi nyiŋa wek wuwora iye.

Buk me Aryo pa Moses ma Gilwoŋo Nia 23:25

Wubiwc Rwot Lubaŋawu, ci abimiyo gum i kom kwonwu ki i kom piiwu; abikwanyo two woko ki i kinwu.

Icaya 1:19

Ka ce wuye lok, ma wutye ki winy, ci wubicamo gin mabeco ma ocek i lobo.

Icaya 30:23

Rwot bimiyo kot cwer botwu pi kodi ma doŋ wucoyo i potti ki pi cam ma tye ka cek i potti, bimiyo camwu cek maber dok mabup twatwal. I kare meno dyaŋiwu bibedo ka cam i bar olet malac;

Jeremia 11:4

En gicikke ma yam keto ki kwarowu i kare ma akwanyogi woko ki i lobo Ejipt, en lobo ma obedo alo buk mac me teto nyonyo ma otwak me waŋogi. I kare meno awaco otgi ni guwiny lokka dok guti gin ducu ma yam acikogi ni guti. Atito otgi ni ka gulubo ci gibibedo jona kin bene abibedo Lubaŋagi,

Lulevi 19:25

Ento i mwaka me abicce wutwero camo nyige, wek yadiwu gunyak ki wun nyiggi madwoŋ; an a Rwot Lubaŋawu.

Jekaria 8:12

An abimiyo kuc romo kabedo ducu, olok binyako nyige, lobo biceko cam, ki polo bene bimiyo toyo luk i kome; abimiyo jo ma gudoŋ-ŋi camo jami magi ducu.

Malaki 3:10

Wukel dul acel me apar i ot kano cam, wek cam obed tye i oda; dok wutema, ka pe abiyabo botwu waŋ dirica me polo, wek aony gum ma opoŋ madwoŋ i komwu,” man lok ma Rwot me mony owaco.

Nwoyo Cik 7:12

“Pien wun wuwinyo cik magi ma giŋolo, kun wugwokogi dok wucobogi, miyo Rwot Lubaŋawu bene bigwoko gicikkene kwedwu, ki mar mere ma pe lokke ma yam en okwoŋo pire bot kwarowu.

Niyabo 22:14

Jo ma lwoko ginarukagi wek gibed ki twero me camo nyig yat me kwo, ki me donyo i gaŋ ma noŋo giwok ki i dogcel, jo-nu aye tye ki gum.