Lulevi 20:3 - Acoli Baibul

³ An kikoma abiketo waŋa i kom dano meno, abimiyo waŋe rwenyo woko ki i kin lutugi, pien omiyo latinne bot jok Molek, kun obalo kwede kabedona maleŋ, dok opyedo nyina maleŋ,

Lulevi 20:3 Iomraidhean Croise

Buk me Aryo pa Moses ma Gilwoŋo Nia 30:33

Dok ŋat ma birubo macalo meno, nyo ŋat ma biwiro i kom dano mo ata, waŋe birwenyo woko ki i kin lutugi.’ ”

Ejekiel 20:39

Rwot Lubaŋa owacci, “Kombeddi doŋ wun jo Icrael, wun ducu wucit wuti giwu but cal jogiwu. Ento acikowu matek mada ni lacen i ŋe man myero doŋ wuwiny lokka, ma pe doŋ wupyedo nyiŋa maleŋ-ŋi matwal, dok pe doŋ wutyero motwu bot cal jogi bene.”

Ejekiel 5:11

Pi meno, kit macalo an Lubaŋa makwo-ni, man lok pa Rwot Lubaŋa, adada, pien doŋ wubalo kabedona maleŋ woko ki tim me kwerwu-gu ducu, ki gin ducu ma obedo cilo ma cwinya dagi, pi meno abinekowu woko, pe abinenowu ki wan maber, dok bene kica pe bimaka i komwu wacel.

Lulevi 15:31

“Myero wumi jo Icrael gugwokke i kom gin ma miyogi bedo keni kit meno, wek pe guto ma gitye keni pi balo kemana ma tye i kingi,”

Lulevi 17:10

“Ka dano mo me ot pa Icrael, nyo ki i kin lubedo ma bedo i kingi, ocamo remo mo, abiketo waŋa i kom dano meno ma ocamo remo-ni, dok abimiyo waŋe rwenyo woko ki i kin lutugi,

Lulevi 18:21

Pe ibityero latinni mo me awaŋa ki mac bot jok Molek, pe ibipyedo nyiŋ Lubaŋani kulu; an a Rwot.

Lulevi 19:12

Pe wukwoŋ kwoŋ i nyina ki goba, ma miyo wupyedo nyiŋ Lubaŋawu; an a Rwot.

Lulevi 20:4

Ka lwak pe guyabo wangi i kom dano meno kun en miyo latinne mo bot Molek, ce pe gumedo ki neko en,

Lulevi 21:6

Gubed jo maleŋ pi Lubaŋagi, pe gupyed nyiŋ Lubaŋagi, pien gin aye gityero gityer ma giwaŋo ki mac bot Rwot, en cam pa Lubaijagi; pienno myero gubed jo maleŋ.

Lulevi 7:20

ento ka ŋat mo ocamo riŋo me gityer lakwecwiny pa Rwot ma onoŋo en odoko keni, dano meno waŋe birwenyo woko ki i kin lutugi,

Lulevi 7:21

Ka ŋat mo ogudo kom gin mo ma gikwero, kadi bed gin me kwer ma i kom dano, nyo lee ma gikwero, nyo kit gin mo-ni me kwer ma keni, ka dok camo kwede riŋo me gityer lakwecwiny pa Rwot, dano meno waŋe birwenyo woko ki i kin lutugi.”

Buk me Aŋwen pa Moses ma Gilwoŋo Wel 19:13

Dano mo-ni ma ogudo kom dano muto, ce pe olonnye kekene, noŋo obalo kema pa Rwot, omiyo odoko keni. Dano meno waŋe birwenyo woko ki i kin jo Icrael. En bedo keni pien pii me lwoko kwer peya gionyo i kome, miyo keni mere pud tye i kome.

Buk me Aŋwen pa Moses ma Gilwoŋo Wel 19:20

“Ento ka dano mo onoŋo tye keni, ce pe olonnye kekene, dano meno waŋe birwenyo woko ki i dye lwak pa Lubaŋa, pien noŋo obalo kabedo maleŋ pa Rwot omiyo odoko keni, En bedo keni pien pii me lwoko kwer noŋo pe gionyo i kome,

2 Jo Korint 6:16

Ot pa Lubaŋa kono twero ribbe niŋniŋ ki cal jogi? Pien wan aye wabedo ot pa Lubaŋa makwo; macalo en Lubaŋa doŋ owaco ni, “An abibedo i igi, abibedo ka wot awota i kingi, abibedo Lubaŋagi, gin bene gibibedo jona.

1 Petero 3:12

Pien Rwot neno jo ma kitgi atir, dok ciko ite, winyo legagi; ento dag neno jo ma lutim maraco.”