Lulevi 20:2 - Acoli Baibul

² “Wac bot Icrael ni, Dano mo ma i kin jo Icrael, nyo labedo ma bedo i kin jo Icrael, ma omiyo latinne mo bot jok Molek gibineko woko; lwak gibicele woko ki got.

Lulevi 20:2 Iomraidhean Croise

1 Luker 11:7

Solomon dok ogero wan jok me woro Kemoc ma jok kipyeda pa jo Moab, ki me woro Molek ma jok kipyeda pa jo Ammon; oketo wan jogigi i wi got ma i ŋet Jerucalem yo tuŋ wokeen.

2 Luker 17:17

Gubedo ka waŋo awobegi ki anyiragi me gityergi, kun gityeto bene bot lutyet ki luŋi i dyel; gumine kekengi pi tiyo gin ma nen marac i wan Rwot, kun gimiyo kiniga make.

2 Luker 23:10

Kabaka dok obalo Topet, ma onoŋo tye i nota pa wod pa Kinom, wek dano mo pe dok owaŋ iye wode nyo nyare ki mac me gityer bot jok Molek.

2 Tekwaro 28:3

obedo ka waŋo odok eceta i nota pa wod pa Kinom, dok owaŋo wode me gityer, kun lubo kwede tim me kwer pa rok ducu ma Rwot yam oryemogi woko ki i nyim jo Icrael.

2 Tekwaro 33:6

Ocako wano awobene ki mac me gityer i nota pa wod pa Kinom, dok obedo ka tyet ki ajaa ki ŋiyo i dyel-gu kun uyo ki lutal ki lukor tipo-gu ki megi jogi. Obedo ka tiya gin ma nen marac i waŋ Rwot, kun miyo kiniga mako Rwot.

Jabuli 106:38

Guneko jo mapol ma gipe ki bal, ma gin aye litino awobegi ki anyiragi, ma yam gutyero bot cal jogi me Kanaan macalo gitum; ci pi remo pa dano ma guoyo omiyo lobo odoko gin me kwer.

Jeremia 32:35

Gugero waŋ jogi mapol me woro Baal i nota pa wod pa Kinom ka ma gityero iye awobegi ki anyiragi bot jok Molek. Pe awaco botgi ni gutim man, dok bene gin ma kit meno onoŋo pe odonyo i tamma ni gibitimo gin macalo meno ma bimiyo jo Juda timo bal.”

Jeremia 7:31

Guyubo waŋ jok i nota pa wod pa Kinom ma gilwoŋo ni Topet, ka ma gitwero waŋo iye awobegi ki anyiragi ki mac. Pe yam acikogi ni gutim kit meno, dok bene pe abedo ka tamo lok macalo meno wacel.

Ejekiel 20:26

Amiyo gubalo komgi ki mot mapatpat ma gityero bot cal jogi, dok bene amiyo gutyero litino kayogi ma co calo gitum awaŋa, Atimo man pi miyogi lworo madwoŋ ki pi keto can i komgi; wek guŋe ni an aye a Rwot.

Ejekiel 20:31

Kadi bed wa i kare man pud wutyero lakit mot acel-lu dok bene wutyero awobewu i wi mac me gitum awaŋa, mumiyo wubalo komwu kekenwu pi woro cal iogiwu-gu ducu. Wun jo Icrael pud dok wubibino ka penyo doga? Kit macalo atye kwe-ni, pe wubipenyo doga. Man Rwot Lubaŋa ma owaco.

Ejekiel 23:37

Gubedo ka timo abor dok bene guneko dano, gutimo abor ki cal jogigi-ni, dok bene litino awobegi ma gin kikomgi gunywalo kweda gutyero woko bot cal jogi me bedo camgi.

Ejekiel 23:39

Ka doŋ guneko litinogi me gitum ci gutyero bot cal jogigi, en i nino acel-lu gua gubino kwede i kabedona maleŋ ci gupyedo woko. Doŋ inen, man aye gin ma gutimo i oda.

Lulevi 17:13

Dano mo bene ki i kin jo Icrael, nyo ki i kin lubedo ma bedo i kingi, ma omako lee nyo winyo mo ma gicamo, ka en owoto ka dwar, bionyo remone woko piny i ŋom, ci umo woko ki lobo.

Lulevi 17:15

Dok ka dano mo ocamo geŋ ma oto kene, nyo lee ma ŋuu omwodo, kadi anywalli me lobo, kadi labedo, bilwoko boŋŋine, lwoko kome ki pii, ci bedo keni nio wa otyeno, ka doŋ bedo ma olony.

Lulevi 17:8

“Ci ibiwaco ki gin ni, Dano mo me ot pa Icrael, nyo ki i kin lubedo ma bedo i kingi, ma otyero gitum awaŋa, nyo gitum mo

Lulevi 18:21

Pe ibityero latinni mo me awaŋa ki mac bot jok Molek, pe ibipyedo nyiŋ Lubaŋani kulu; an a Rwot.

Lulevi 20:1

Rwot owaco bot Moses ni,

Lulevi 20:27

“Laco nyo dako mo ma lakor tipo nyo ma min jok gibineko woko; gibicelo woko ki got, remogi bidok i wigi.”

Lulevi 24:14

“Kel ŋat ma oceno cen woko i ŋe gony, jo ducu ma guwinyo lokke guket ciŋgi i wiye, ci wek lwak ducu gucele woko ki got.

Lulevi 24:16

Ŋat ma oyeto nyiŋ Rwot gibineko woko; lwak ducu gibicele woko ki got; labedo kacel ki anywalli me lobo, ka oyeto Nyiŋ meno gibineke woko.

Lulevi 24:23

Moses ocako lok ki jo Icrael, ci gutero dano ma oceno cen woko i ŋe gony, gucele woko ki got. Kit meno jo Icrael gutiyo kit ma Rwot ociko ki Moses.

Tic Pa Lukwena 7:43

Yam wutiŋo kema pa jok Molok, ka cal lakalatwe pa lubaŋa ma nyiŋe Repan, ma gin cal jogiwu ma wupayogi me awora. Pi meno an bene abikobowu woko wa i ŋe Babilon.’

Nwoyo Cik 12:31

Pe ibitimo kumeno i kom Rwot Lubaŋawu, pien gibedo ka timo gin me kwer ducu ma Rwot dagi pi woro lwak lubaŋagi; giwaŋo wa awobegi ki anyiragi ki mac macalo gitum me woro lubaŋagi.

Nwoyo Cik 17:2

“Gwok nyo gibinoŋo dano mo i gaŋ mo ma Rwot Lubaŋawu bimiyowu, laco nyo dako, ma otimo gin ma nen marac i waŋ Rwot Lubaŋawu pi taro gicikkene,

Nwoyo Cik 18:10

Pe ginoŋ ŋat mo i kinwu ma owaŋo wode nyo nyare me gityer, nyo dano mo ma odoko latyet, nyo latyet ki ajaa, laŋi i dyel, latal,

Nwoyo Cik 21:21

Ci dano ducu me gaŋ meno gibicele woko ki got nio ka oto. Kit meno miyo wubijwero gin marac woko ki i kinwu; jo Icrael ducu gibiwinyo ci miyo gilworo.

Nwoyo Cik 22:21

ci jo ma i gaŋ meno gibicele ki got gineko woko, pien otimo gin ma pe myero i Icrael pi codo co ki i ot pa wonne. Wubijwero tim marac woko ki i kinwu kit meno.