Lulevi 2:2 - Acoli Baibul

² ka en bikelo bot awobe pa Aron ma gin aye ajwagi. Ajwaka bijobo moko kwon mapwot-ti poŋ ciŋ acel, kacel ki moo ki odok luban mere ducu; ci ajwaka biwaŋo man i wi keno tyer obed gin me po i kome; en gityer ma giwaŋo ki mac, gin ma ŋwece kur me yomo cwiny Rwot.

Lulevi 2:2 Iomraidhean Croise

Nekemia 13:14

Ai Lubaŋana, po pira i kom lok man, pe ijwa ticca mabeco ma doŋ atyeko tiyone me yubo ot pa Rwot Lubaŋana ki pi ticce woko.

Nekemia 13:22

Amiyo cik bot Lulevi ni myero gulonnye kekengi ci gucit ka kuro dogcel ducu, me neno ni gigwoko nino me cabit obedo maleŋ, Ai Lubaŋana, po pira, ki pi lok man bene, dok ilar kwena pi dit me mar meri ma pe lokke.

Buk me Aryo pa Moses ma Gilwoŋo Nia 30:16

Ibigamo lim me lakwany bal ki bot jo Icrael, i biketo pi tic me kema me rwatte, wek obed me po pi jo Icrael i nyim Rwot pi kwanyo bal ki i komwu.”

Icaya 66:3

“Dano ma neko twon rom ki ŋat ma neko dano; ŋat ma tyero latin romo macalo gitum, rom ki ŋat ma turo ŋut gwok; ŋat ma kelo gityer me moko kwon tyero bota, rom ki ŋat ma tyero remo opego; ŋat ma waŋo odok luban macalo gityer me po rom ki ŋat ma lego gum i kom cal jok. Jo magi guyero yogi pigi kengi, cwinygi yom mere ayoma i timgi me-kipyeda.

Lulevi 1:13

ento jam iye ki tyene ducu gibilwokogi ki pii. Ajwaka bityero ducu ki berre kun waŋo i keno tyer; en aye gitum awaŋa, gityer ma giwaŋo ki mac, en gin ma ŋwece kur me yomo cwiny Rwot.

Lulevi 1:17

biyecone ki bwome, ento pe bipoko iye. Ajwaka biwaŋo i keno tyer, i wi yen ma tye i mac; en aye gitum awaŋa, gityer ma giwaŋo ki mac, gin ma ŋwece kur me yomo cwiny Rwot.

Lulevi 1:9

ento jam iye ki tyene ducu gibilwokogi ki pii. Ajwaka biwaŋo woko ducu ki berre i keno tyer obed gitum awaŋa, gityer ma giwaŋo ki mac, en gin ma ŋwece kur me yomo cwiny Rwot.

Lulevi 2:16

Ajwaka biwaŋo bel mogo ma gieoto, kacel ki moo ki odok luban mere ducu, obed gin me po i kome; en aye gityer ma giwaŋo ki mac bot Rwot.

Lulevi 2:9

Ki i kom gityer me moko kwon ajwaka bikwanyo iye gin me po, biwaŋo i wi keno tyer obed gityer ma giwaŋo ki mac, gin ma ŋwece kur me yomo cwiny Rwot.

Lulevi 24:7

I kom tyen acel aoel ibiketo iye odok luban ma giliyo maten, wek obed gin me po i kom mug ati-nu, gityer ma giwaŋo ki mac bot Rwot.

Lulevi 4:31

En bikwanyo dwolone ducu macalo gikwanyo dwolo ki i gityer lakwecwiny, ajwaka biwaŋo i wi keno tyer obed gin ma ŋwece kur me yomo cwiny Rwot; kit meno ajwaka bitimo gin me i akwany bal ki i kome, ci Rwot biweko balle.

Lulevi 5:11

“Ento ka noŋo amam aryo nyo litino akuri aryo oloye, ci bikelo agwata moko kwon acel me moko mapwotte me gityer mere pi bal ma otimo, obed gitum me bal. Pe bionyo iye moo pe biketo rye odok luban, pren obedo gitum me bal.

Lulevi 5:12

Bikelo bot ajwaka, ci ajwaka bijobo poŋ ciŋ acel obed gin me po i kome, biwaŋone i wi keno tyer, i wi gityer ma giwaŋo ki mac bot Rwot; en aye gitum me bal.

Lulevi 6:15

ŋat acel bijobo moko kwon mapwot-ti poŋ ciŋ acel ki i gityer me moko kwon, kacel ki moone ki odok luban ma i kom gityer me moko kwon, ci wano i wi keno tyer obed gin me po i kome, gin ma ŋwece kur me yomo cwiny Rwot.

Buk me Aŋwen pa Moses ma Gilwoŋo Wel 5:18

Ka ajwaka bicibo dako i nyim Rwot, bigonyo yer wi dako wek oket ata lijayi, ci keto gityer me moko kwon me lapo wic i cinŋ, ma en aye gityer me moko kwon me nyeko. Ajwaka bimako pii makec me ceno dano i ciŋe.

Buk me Aŋwen pa Moses ma Gilwoŋo Wel 5:26

Ka ajwaka bijobo moko me gityer poŋ ciŋ acel obed gin me po i kome, biwaŋo i wi keno tyer; ka dok lacen en bimiyo dako-nu mato pii.

Tic Pa Lukwena 10:4

En ociko waŋe i kome ki lworo madit, ci owaco ni, “Gin aŋo ba, ladit?” Ci owaco bote ni, “Legani ki motti me kony oito malo obedo gin me po i komi i nyim Lubaŋa.