Lulevi 18:2 - Acoli Baibul

² “Wac bot jo Icrael ni, An a Rwot Lubaŋawu.

Lulevi 18:2 Iomraidhean Croise

Acakki 17:7

Dok abimoko gicikkena i kin an ki in ki likwayi ma bilubi, ki i yalwakgi ducu, me bedo gicikke ma bedo matwal, wek abed Lubaŋani, ki Lubaŋa pa likwayi ma bilubi bene.

Jabuli 33:12

Lwak me rok ma Rwot aye Lubaŋagi tye ki gum, gin aye jo ma en oyero me bedo jone kikome!

Buk me Aryo pa Moses ma Gilwoŋo Nia 20:2

“An a Rwot Lubaŋani, ma yam akwanyi woko ki i lobo Ejipt, i ot me opii.

Buk me Aryo pa Moses ma Gilwoŋo Nia 6:7

Abiterowu me bedo jona, dok an abibedo Lubaŋawu; wun wubiŋeyo ni an a Rwot Lubaŋawu, ma akwanyowu ki i kom peko ma jo Ejipt giketo i komwu.

Ejekiel 20:5

Tit botgi lok ma atye ka wacone-ni. I kare ma ayero Icrael, akwoŋo kwoŋ bot likwayo pa Yakobo. Anyutte botgi i lobo Ejipt, kun awaco botgi ni, ‘An a Rwot Lubaŋawu.’

Ejekiel 20:7

Awaco botgi bene ni gubol cal jogi me kwer ma gimaro-gu woko, dok ni pe myero gubal komgi ki lubaŋa mogo me gobagoba pa jo Ejipt, pien an aye a Rwot Lubaŋagi.

Lulevi 11:44

Pien an a Rwot Lubaŋawu; pi meno wulonnye kekenwu wubed maleŋ, pien an aleŋ. Pe wuballe wudok keni pi gin mo ma corre limuk ma lak i wi lobo.

Lulevi 18:1

Rwot owaco bot Moses ni,

Lulevi 18:30

Wumak gin ma aciko, ni, pe wunyebbe i kit me timo kipyeda macalo yam ginyebbe ka timone i nyimwu, pe wubed ka pyedde kekenwu ki kit tim macalo meno; an a Rwot Lubaŋawu.”

Lulevi 18:4

Myero wuti gin ma aciko, wumak cikka, wulubi. An a Rwot Lubaŋawu.

Lulevi 19:10

Pe wupwon nyig olokwu wugwer ducu, pe bene wucok nyige ma opoto piny i poto olokwu; wubiwekogi pi konyo lucan ki lubedo; an a Rwot Lubaŋawu.

Lulevi 19:34

Labedo ma obedo kwedwu bibedo macalo latin anywalli i kinwu, ibimare macalo imarre keni; pien wun bene yam wubedo lubedo i lobo Ejipt; an a Rwot Lubaŋawu.

Lulevi 20:23

Wun pe wulub kit pa lurok ma atye ka ryemogi woko i nyimwu-ni; pien gin gutimo gin magi ducu, mumiyo iya okwerogi woko.

Lulevi 20:7

Wulonnye kekenwu wubed maleŋ, pien an a Rwot Lubaŋawu,