Lulevi 13:3 - Acoli Baibul

³ Ajwaka biŋiyo two ma orobo i del kome-ni; ci ka yer ma i del kome ma orobo-ni odoko lwar matar, dok ka twone onen ni ogolle matut ma okato del kome, ci meno two dobo, Ka ajwaka doŋ oniyo kome, ci bituco ni, kome ki keni,

Lulevi 13:3 Iomraidhean Croise

Acakki 13:3

Okobo, omedde ki wotte nia ki i Negeb, odak wa Betel, ka ma yam koŋ okwono guro iye kemane, ma tye i kin Betel ki Ai,

Ejekiel 16:30

Man gin ma Rwot Lubaŋa tye ka wacone ni, “Cwinyi doŋ odoko goro woko ki mar, aneno itimo gin magi ducu calo malaya ma lewic pe mako.

Ejekiel 44:23

“Gibipwonyo jona me ŋeyo apokapoka ma tye i kin jami maleŋ ki jami me nino ducu-gu, kun ginyuto botgi bene kit ma myero gupok kwede kin gin ma keni ki gin ma pe keni,

Kocea 7:9

Rok mukene gutyeko tekke woko, ento en pe oneyo; lwar okwaŋ i wiye, ento en pe ŋeyo,

Lulevi 10:10

Myero wupok kin jami maleŋ ki jami ma pe leŋ, ki kin gin ma keni ki gin ma olony,

Lulevi 13:10

Ajwaka biŋiyo, ci ka del kome mo tye ma okwot ma okwor matar, ma otyeko loko yer odoko lwar, dok bur odet manyen ka ma okwot-ti,

Lulevi 13:2

“Ka dano mo del kome okwot, nyo orugo, nyo orobo, ci odoko two me dobo i del kome, ci myero gikele bot ajwaka Aron, nyo bot ŋat acel i kin awobene ma gin aye ajwagi.

Lulevi 13:20

Ajwaka biŋiyo, ci ka onen ni ogolle matut okato del kom, ki yer bene odoko lwar, ajwaka bituco ni kome ki keni: meno two dobo ma otyer i waŋ odeke.

Lulevi 13:4

Ento ka del kome-ni orobo matar kun nen ni pe ogolle matut okato del, dok ka yer ma tye iye bene pe olokke odoko lwar, ci ajwaka bitweyo dano ma latwo-ni i ot pi nino abiro.

Lulevi 13:8

Ajwaka biŋiyo, ci ka onoŋo ni kome ma orugo-ni doŋ onya omedde i del kome, ajwaka bituco ni kome ki keni, meno two dobo.

Lulevi 14:37

En biŋiyo two; ka ce twone tye i kor ot kun omido ma obedo atworo atworo, nyo omido makwarkwar, ka nen ni odonyo wa matut i kor ot,

Lulevi 14:54

Man aye cik ma mako two dobo ducu: pi two akukuc,

Lulevi 14:56

nyo pi gin ma okwot, nyo orugo, nyo orobo del kom dano,

Lulevi 5:3

Nyo ka ogudo gin me kwer ma i kom dano, kit gin mo-ni makwer ma twero miyo dano doko keni, kun pe oneyo, ka doŋ oniaŋ iye, noŋo otiŋo alii.

Aggai 2:11

“Rwot me mony owaco kuman ni, Peny ajwagi wek gugam peny man,

Malaki 2:7

Ajwaka myero opwony dano guŋe Lubaŋa, dano myero guyeny pwony ma a ki i doge, pien en lakwena pa Rwot me mony.

Matayo 16:19

Abimii layab me ker me polo, doŋ gin ducu ma in itweyo i wi lobo man gibitweyo bene wa i polo, dok gin ducu ma igonyo i wi lobo man gibigonyo bene wa i polo.”

Jiri Ma Jon Ocoyo 20:23

Ka wugonyo bal pa ŋat mo, ci doŋ gigonyo; ka pe wugonyo bal pa ŋat mo, ci doŋ pe gigonyo.”

Tic Pa Lukwena 20:28

Wugwokke kekenwu ki dwol romiwu ducu ma Cwiny Maleŋ oketowu me bedo lugwokone, wek wukwa lwak pa Lubaŋa ma en owilogi ki remo me wel madwoŋ pa Wode.

Jo Roma 7:7

Wabiwaco lok aŋo mono? Cik mono bal? Pe kumeno gire! Ento kono yam cik pe obedo tye, onoŋo kono gira pe aŋeyo bal. Ka kono yam cik pe owaco ni, “Cwinyi pe opukke i kom jami pa ŋat mukene,” kono onoŋo bene pe abedo ki miti macalo meno.

1 Temceo 1:20

Jo mogo i kingi, Kumenayo ki Alegijada, yam amiyogi i ciŋ Catan wek gupwonnye guwek yeto Lubaŋa.

2 Temceo 3:13

kun jo maraco ki jo ma lugoba gibimedde ki bedo marac makato kare, kun gibwolo dano, gin bene gibibwologi.

Jo Ibru 13:7

Wupo i kom lutel wiwu macon, ma yam gitittiwu lok pa Lubaŋa. Wutam pi kwogi ki gin maber ma oa iye, ka doŋ wulub niyegi.

Niyabo 2:23

Abineko litinone woko bene, wek lwak ma guye an i kabedo ducu guŋe ni an aŋiyo cwiny dano wa ki tamgi, dok abimiyo bot dano acel acel i kinwu gin ma lubo kit tic ma en otiyo.