Lulevi 12:7 - Acoli Baibul

⁷ Ajwaka bityero i nyim Rwot, bitimo gin lakwany bal ki i kom dako, ci doŋ bilonnye ki i remone ma ocwer. Man aye cik ma mako dako ma onywalo latin laco nyo ma nyako.

Lulevi 12:7 Iomraidhean Croise

Jo Galatia 3:28

Apokapoka mo doŋ pe i kin Lajudaya ki dano me Grik, i kin opii ki ŋat ma lone kene, kadi i kin laco ki dako, pien wun ducu doŋ wurom i Kricito Yecu.

1 Jo Korint 7:14

Pien laco ma pe oye Yecu doko leŋ pi dakone, ki dako ma pe oye Yecu bene doko leŋ pi cware ma Lakricitayo-ni. Ka pe kumeno, kono litinowu pe gibedo leŋ, ento kit macalo tye gileŋ gigi.

Jo Roma 3:26

wek enyut kit ma atir i kare man, ni, en kikome kite atir, dok ekwano dano ni kite atir pi ye Yecu.

Jo Roma 3:23

pien dano ducu gubalo, pe gio i kom deyo pa Lubaŋa.

Yubu 14:4

Aŋa ma twero kelo gin maleŋ ki kom gin ma pe leŋ? Pe tye ŋat mo wacel.

Yubu 1:5

Ka kare me karamagi otum, ci Yubu yam cwalo kwena, Iwoŋogi ci lonyogi. En a malo odiko con, tyero gitum awaŋa muporo welgi ducu, pien Yubu noŋo tamo ni, gwok nyo awobene gubalo, pi yeto Lubaŋa la i cwinygi. Yubu yam timo kit meno jwijwi.

Lulevi 4:35

En bikwanyo dwolone ducu macalo gikwanyo dwolo latin romo ki i gityer lakwecwiny, ajwaka biwaŋo i wi keno tyer i kom gityer ma giwaŋo ki mac bot Rwot; kit meno ajwaka bitimo gin lakwany bal ki i kome pi bal ma en otimo-ni, ci Rwot biweko balle.

Lulevi 4:31

En bikwanyo dwolone ducu macalo gikwanyo dwolo ki i gityer lakwecwiny, ajwaka biwaŋo i wi keno tyer obed gin ma ŋwece kur me yomo cwiny Rwot; kit meno ajwaka bitimo gin me i akwany bal ki i kome, ci Rwot biweko balle.

Lulevi 4:26

En biwaŋo dwolone ducu i wi keno tyer, macalo dwolo me gityer lakwecwiny; kit meno ajwaka bitimo gin lakwany bal ki i kome pi balle, ci Rwot biweko balle.

Lulevi 4:20

En bitiyo ki twon man kit ma onoŋo otiyo ki twon me gitum me bal; ajwaka bitimo gin me lakwany bal ki i komgi ci Rwot biweko balgi.

Lulevi 1:4

En biketo ciŋe i wi gitum awaŋa, ci Lubaŋa bigamone pire me lakwany bal ki i kome,

Lulevi 12:6

“Ka kare me lonnyene otum, ka nyo pi awobi nyo pi nyako, dako bikelo latin romo ma ditte romo mwaka acel bot ajwaka i doggola kema me rwatte pi gitum awaŋa, ki latin akuri, nyo amam, pi gitum me bal.

Lulevi 12:8

Ka noŋo latin romo oloye, en bitero amam aryo, nyo litino akuri aryo, acel pi gitum awaŋa, acel pi gitum me bal: ajwaka bitimo gin lakwany bal ki i kome, ci doŋ bedo ma olonnye.”

Lulevi 15:15

Ajwaka bityerogi, acel me gitum me bal, acel me gitum awaŋa; kit meno ajwaka bitimo gin lakwany bal ki i kome i nyim Rwot pi kome ma obedo ka cwer tut-ti.