Lulevi 12:6 - Acoli Baibul

⁶ “Ka kare me lonnyene otum, ka nyo pi awobi nyo pi nyako, dako bikelo latin romo ma ditte romo mwaka acel bot ajwaka i doggola kema me rwatte pi gitum awaŋa, ki latin akuri, nyo amam, pi gitum me bal.

Lulevi 12:6 Iomraidhean Croise

Luka 2:22

Ka kare doŋ oromo me lonnyegi macalo cik pa Moses tye, ci gutere i Jerucalem wek gityere bot Rwot,

Jo Ibru 7:26

Ajwaka madit macalo meno aye ma romo cobo mitiwa. En leŋ, gin mo marac pe i iye, cilo me bal pe ogude. Yam gipoko en woko ki i kom lubalo, gitiŋe malo i wi polo.

2 Jo Korint 5:21

Ŋat ma yam pe oŋeyo bal, Lubaŋa oloke odoko bal piwa, wek pire wadok jo ma nywako kit pa Lubaŋa ma tye atir.

Jiri Ma Jon Ocoyo 1:29

Orwone Jon oneno Yecu kun woto bino tuŋ bote, owaco ni, “Nen Latinromo pa Lubaŋa ma kwanyo bal me lobo!

Lulevi 15:29

I nino me aborone en bitero am am aryo nyo litino akuri aryo, bikelogi bot ajwaka i doggola kema me rwatte.

Buk me Aŋwen pa Moses ma Gilwoŋo Wel 6:10

I kom nino me aborone en bitero amam aryo nyo litino akuri aryo bot ajwaka i doggola kema me rwatte.

Lulevi 15:14

I nino me aborone en bitero amam aryo nyo litino akuri aryo, bibino i nyim Rwot i doggola kema me rwatte, bimiyogi bot ajwaka.

Lulevi 14:22

dok amam aryo nyo litino akuri aryo, macalo en romo noŋone; acel bibedo gitum me bal, acel bibedo gitum awaŋa,

Lulevi 12:2

“Wac bot jo Icrael ni, Ka dako ogamo ic ce onywalo latin laco, en bibedo keni pi nino abiro; bibedo keni macalo i kare me two kwer.

Acakki 15:9

Owacce ni, “Kella latin roya mo me mwaka adek, ki bwoŋ dyel me mwaka adek, ki nyok romo me mwaka adek, ki amam, ki latin akuri.”

Lulevi 12:5

Ento ka onywalo latin nyako, en bibedo keni macalo i kare me two kwer pi cabit aryo; dok bimedde pi nino pyerabicel wiye abicel wek olonnye pi remo me kwer mere.

Lulevi 12:7

Ajwaka bityero i nyim Rwot, bitimo gin lakwany bal ki i kom dako, ci doŋ bilonnye ki i remone ma ocwer. Man aye cik ma mako dako ma onywalo latin laco nyo ma nyako.