Lulevi 12:3 - Acoli Baibul

³ I nino me aborone en aye gibiliro iye del kom nyim latin me co.

Lulevi 12:3 Iomraidhean Croise

Buk me Aryo pa Moses ma Gilwoŋo Nia 22:30

Ibikelo twoni meri ki nyogi romi bene kit meno, Gubed ki megigi nino abiro, ka ibimiyogi bota i kom nino me aborone,

Lulevi 12:4

Dako dok bimedde pi nino pyeradek wiye adek wek olonnye pi remo me kwerre; pe bigudo gin mo maleŋ, pe bicito i ot pa Lubaŋa, nio ka kare me lonnyene otum.

Lulevi 15:3

Dok man aye cik ma mako dano ma kome ki keni pi cwer tut, ka nyo kome mol tut, nyo ka tut ma cwer i kome ocony, noŋo kome ki keni.

Luka 1:59

I nino me aborone gubino ka liro latin. Gumito cako nyiŋe ki nyiŋ wonne Jekaria,

Luka 2:21

Ka nino aboro doŋ oromo me liro latin, gicako nyiŋe Yecu, nyiŋ ma lamalaika yam ocako ka en pud peya tye i ic.

Tic Pa Lukwena 15:1

Ento jo mogo gubino ki i Judaya ma gupwonyo utmego ni, “Ka pe gilirowu macalo kit pa Moses tye, pe wutwero larre.”

Jo Roma 3:19

Waŋeyo ni gin ma cik oloko, loko bot jo ma tye i te cik, wek dano ducu guliŋ woko pe guŋam doggi ka lok, ki wi lobo ducu myero obed i tye ŋolo kop pa Lubaŋa.

Jo Galatia 3:17

Gin ma myero aloki tye kit man ni, cik ma doŋ obino lacen i ŋe mwaka miya aŋwen ki pyeradek pe doŋ romo turo gicikke ma con Lubaŋa otyeko mokone woko-ni, dok bene pe bimiyo gin ma ociko lal nono.

Jo Galatia 5:3

Anwoyo lokka doki bot dano acel acel ma giliro ni, en doŋ tye ki banya me lubo cik ducu.

Nwoyo Cik 30:6

Rwot Lubaŋawu bimiyo wubedo jo mulirre i cwinywu, wun ki likwayowu bene, wek wumar Rwot Lubaŋawu ki cwinywu ducu ki tipowu ducu wek wubed makwo.

Jo Pilipi 3:5

An gilira i nino me aboro me ditta, rokka jo Icrael ma i kaka pa Benjamin. An Laibru ma jo Ibru aye gunywala. I lok ma dok i kom cik pa Moses, an abedo Laparicayo.

Jo Kolocai 2:11

I Kricito bene doŋ yam gilirowu woko ki lirre mere kikome, pe i lirre ma dano gutiyo ki ciŋgi i komwu, ento pi kwanyo kit me kom woko ki i komwu.