Lulevi 12:2 - Acoli Baibul

² “Wac bot jo Icrael ni, Ka dako ogamo ic ce onywalo latin laco, en bibedo keni pi nino abiro; bibedo keni macalo i kare me two kwer.

Lulevi 12:2 Iomraidhean Croise

Acakki 1:28

Lubaŋa omiyogi gum kun wacogi ni, “Wunywal, wunya, wupoŋ lobo, wulo bene; dok wulo wa rec ma i nam, ki winyo me polo, ki gin ducu makwo ma giwoto i wi lobo.”

Acakki 3:16

Ki bot dako owacce ni, “Abimeddi arem matek i kare me owacci, nyodo; ibinywalo litino ki arem, cwinyi bipyette i kom cwari dok en aye biloyi.”

2 Camuel 11:4

Daudi ocwalo lukwena ci gukwanyo dako, gutero bot Daudi, Daudi obedo kwede, I kare-nu en pud olwoko kwer monne alwoka. Lacen dako odok i ode,

Yubu 14:4

Aŋa ma twero kelo gin maleŋ ki kom gin ma pe leŋ? Pe tye ŋat mo wacel.

Yubu 15:14

Dano gin aŋo, ma miyo en twero bedo ma iye leŋ? ŋat ma dako onywalo en gin aŋo, ma miyo twero bedo laboŋo bal mo?

Yubu 25:4

Dano twero bedo ma kite atir niŋniŋ i nyim Lubaŋa? Ŋat ma dako onywalo twero bedo leŋ i ki te aŋo?

Jabuli 51:5

Nen, abedo labalo cakke i kare ma ginywala, i kare ma maa ogamo ic onoŋo an doŋ atye ki bal.

Lulevi 12:1

Rwot owaco bot Moses ni,

Lulevi 12:5

Ento ka onywalo latin nyako, en bibedo keni macalo i kare me two kwer pi cabit aryo; dok bimedde pi nino pyerabicel wiye abicel wek olonnye pi remo me kwer mere.

Lulevi 15:19

“Dako ma remo mol ki i kome i kit me nino ducu bibedo ki kwerre pi nino abiro; dano ducu ma ogudo kome bibedo keni nio wa otyeno,

Lulevi 18:19

“Pe ibinyiko cok ki dako me bedo kwede i kare ma en tye ki kwer, ma peya olonnye.

Lulevi 5:3

Nyo ka ogudo gin me kwer ma i kom dano, kit gin mo-ni makwer ma twero miyo dano doko keni, kun pe oneyo, ka doŋ oniaŋ iye, noŋo otiŋo alii.

Luka 2:22

Ka kare doŋ oromo me lonnyegi macalo cik pa Moses tye, ci gutere i Jerucalem wek gityere bot Rwot,