Lulevi 11:2 - Acoli Baibul

² “Wuwac bot io Icrael ni, Man aye gin makwo ma wutwero camo ki i kin lee ducu ma tye i wi lobo.

Lulevi 11:2 Iomraidhean Croise

Ejekiel 4:14

Cutcut agamo ni, “Pe, Rwot Lubaŋa! An peya abalo koma kekena ki gin me kwer. Cakke i ka tinona nio kwede wa onyoo peya acamo riŋo lee mo muto kene nyo ma ŋuu okayo. Pud peya acamo kit riŋo lee mo ma gitamo ni obedo me kwer.”

Daniel 1:8

Ento Daniel omoko tamme pe me camo gin me kwer me cam mabeco pa kabaka-ni, kadi ki me balo kome ki koŋo viŋo ma kabaka mato-ni; pi meno openyo ladit ma loyo jo ma gikologi ni oye tamme-ni wek pe ebal kome kekene,

Lulevi 11:1

Rwot owaco bot Moses ki Aron ni,

Lulevi 11:11

Gibibedo me kwer botwu; pe wubicamo riŋogi, dok komgi mutone bene bedo me kwer botwu.

Lulevi 11:13

“Magi aye gin ma bibedo me kwer botwu ki i kin winyo; pe gibicamogi, gin gibedo me kwer: ocur, acut, koga,

Lulevi 11:21

Ento i kin kwidi ma tye ki bwomgi, ma giwoto ki tyengi aŋwen, wutwero camo gin ma tye ki tyengi mabocone ma gipye kwede i wi lobo.

Lulevi 11:29

“Man aye gin ma bedo keni botwu ki i kin gin ma nya ma corre limuk i wi lobo: oculi, oyoo adeŋ, lagwe lakaka ki kit kwagi ducu,

Lulevi 11:3

Lee ducu ma oboŋ tyengi akara, ma kin tyengi opokke, ma nyamo omen, ma i k in lee ducu wutwero camone.

Lulevi 11:34

Ginacama mo ma gicamo ma tye iye, ma gionyo iye pii, bibedo keni; ki ginamata ma gimato ki i agulu-ni nyo atabo-gu bibedo keni,

Lulevi 11:39

“Ka lee mo ma gicamo oto woko, ŋat ma ogudo geŋŋe bibedo keni nio wa otyeno.

Lulevi 11:4

Ento lee ma nyamo omen nyo ma oboŋ tyengi akara ma pe wubicamo gin ene: Kinaga kadi en nyamo omen, ento obon tyene pe akara; pienno bedo keni botwu, wubikwerone.

Lulevi 11:9

“Magi aye wutwero camogi ki i kin gin ducu ma bedo i pii. Gin ducu ma bedo i pii ma tye ki kiŋa ŋegi ki pok komgi, ma i nam ki ma i kulu ducu, wutwero camogi.

Matayo 15:11

Pe gin ma donyo i dog dano aye balo dano, ento kono gin ma a ki i dog aye balo dano.”

Jo Ibru 13:9

pe wuwek pwony mogo mapatpat dok ma welo gurwenywu woko; ber kica pa Lubaŋa aye mumi teko i cwinywa, pe pi cik me cam mogo ma dano ma gulubo pe gunoŋo iye kony mo.

Jo Ibru 9:10

pien gitiko ka cam ki mat ki kit lwok mapatpat. Magi ducu gubedo cik ma nen ki woko me kom ma tye ka tic nio wa i kare ma Lubaŋa biloko jami ducu bedo manyen.