Lulevi 11:10 - Acoli Baibul

¹⁰ Ento gin ducu ma tye i nam ki i kulu ducu ma pe ki kiŋa ŋegi ki pok komgi i kin gin ma corre limuk i pii ki i kin gin makwo ma bedo i pii, bedo gin me kwer botwu.

Lulevi 11:10 Iomraidhean Croise

Acakki 1:20

Lubaŋa owacci, “Wek pii onywal gin makwo ma gicorre limuk, ki winyo bene gutuk lamalo i wi lobo i dan pete me polo.”

Carolok 13:20

Ŋat ma bedo kacel ki jo maryek pwonnye doko ryek bene, ento ŋat ma mako lurem ki lumiŋ kite biballe woko.

Carolok 29:27

Dano ma ki te atir dag ŋat ma labal, dok jo maraco gidag ŋat ma bedo ki kit kwo ma atir.

Lulevi 11:11

Gibibedo me kwer botwu; pe wubicamo riŋogi, dok komgi mutone bene bedo me kwer botwu.

Lulevi 11:9

“Magi aye wutwero camogi ki i kin gin ducu ma bedo i pii. Gin ducu ma bedo i pii ma tye ki kiŋa ŋegi ki pok komgi, ma i nam ki ma i kulu ducu, wutwero camogi.

Lulevi 7:18

Ka gicamo riŋo mo me gitum mere me gityer lakwecwiny i nino me adekke, Lubaŋa pe bigamo ŋat ma otyero-ni, dok pe gibikwaŋo ni en otyero gin mo, Bibedo gin me kwer: ŋat ma ocamo, bal bidok i wiye.

Nwoyo Cik 14:10

ento gin ma pe ki kiŋa ŋegi ki pok komgi pe wubicamogi, pien gibedo keni botwu.

Nwoyo Cik 14:3

“Pe wubicamo gin mo me kwer.

Niyabo 21:8

Ento jo ma lwor, ma pe gin lugen, lutim tim mogo me kwer, lunek dano, lutim abor, lutim tim jokjok, luwor cal jogi, ki jo ducu ma gin lugoba, gibinoŋo mot ma gipoko botgi i nam ma tye ka lyel mac ki gweŋ calfa; meno aye to me aryo.”