Lulevi 1:4 - Acoli Baibul

⁴ En biketo ciŋe i wi gitum awaŋa, ci Lubaŋa bigamone pire me lakwany bal ki i kome,

Lulevi 1:4 Iomraidhean Croise

Buk me Aryo pa Moses ma Gilwoŋo Nia 28:38

Gibiketo cun i tur nyim Aron, ci Aron bitiŋo alii me bal pi jami maleŋ ma jo Icrael gityero me bedo motgi maleŋ; bicuŋ i tur nyime jwijwi, wek Rwot ogamgi.

Buk me Aryo pa Moses ma Gilwoŋo Nia 29:10

“Dok ibikelo twon i nyim kema me rwatte, ci Aron ki awobene gibiketo ciŋgi i wiye,

Buk me Aryo pa Moses ma Gilwoŋo Nia 29:15

“Ka man otum ci ibikwanyo nyok romo acel imiyo Aron ki awo bene giketo ciŋgi i wiye

Buk me Aryo pa Moses ma Gilwoŋo Nia 29:19

“Ka lacen dok ibikwanyo nyok romo mukene; ci Aron ki awobene gibiketo ciŋgi i wiye,

Buk me Aryo pa Moses ma Gilwoŋo Nia 29:33

Gibicamo jami meno ma gitiyo kwede me lakwany bal pi ketogi i dog tic ki kwerogi pi tic maleŋ, ento jo mukene pe gibicamone, pien gin jami maleŋ.

Icaya 56:7

gin jo-nu aye abikelogi i got mera maleŋ, dok abiyomo cwinygi i ot me lega ka ma giwora iye. Abigamo gitum awanagi ki gityer ma gityero bota, magi ducu abigamo i wi keno tyerra; pien oda gibilwoŋo ni ot me lega pa jo me rok ducu.”

Ejekiel 45:15

Dok bene wubikwanyo romo acel ki i kin lwak romi miya aryo, kun wukwanyogi ki boŋo me dog ot pa Icrael ducu. Man aye gityer ma gibityero pi gityer me moko kwon, gitum awaŋa, ki gityer lakwecwiny, pi timo gin me lakwany bal woko ki i komgi. Man Rwot Lubaŋa ma owaco.

Daniel 9:24

“Mwaka miya aŋwen ki pyeraboŋwen en aye kare ma giciko ma okemo lutuwu ki gaŋwu maleŋ, pi tyeko bal me kalo wi cik, pi giko bal woko doŋ matwal, ki pi kwanyo bal woko ki i komwu doŋ wulim kit ma atir ma bedo nakanaka, wek ginanyuta kacel ki lok ma yam lanebi oloko ocobbe kakare, dok bene pi wiro kabedo maleŋ makato ducu-ni ki moo.

Lulevi 16:21

Aron biketo cine aryo ducu i wi dyel, kun tuco i kome bal ducu ma jo Icrael gutimo, ki tim aranyigi ki kwa balgi ducu, Biketogi i wi dyel-lu, ci cwale woko kwede i tim, kun dano mo ma doŋ giyero aye tero.

Lulevi 16:24

Ka bilwoko kome ki pii i kabedo mo maleŋ, ka ruko boŋŋine i kome, ci katti woko, tyero gitum awaŋane, ki gitum awaŋa pi lwak, ci timo gin lakwany bal ki i kome ki i kom lwak.

Lulevi 22:21

Ka dano mo okelo gityer lakwecwiny bot Rwot, pi cobo kwoŋ nyo pi gityer ma iye opwoyo, ma okwanyo ki i kin dyani nyo i kin romi nyo dyegi, gibigamo ma komgi becone; komgi pe obed ki mwonyo mo.

Lulevi 22:27

“Ka ginywalo wod twon nyo romo nyo dyel, koŋ obed bot minne pi nino abiro; nia i nino me aborone gibiye gamone me bedo gityer ma giwaŋo ki mac bot Rwot.

Lulevi 3:13

biketo ciŋe i wiye, ka doŋ neko woko i nyim kema me rwatte; awobe pa Aron gibicoro remone i kom keno tyer rumo kome ducu.

Lulevi 3:2

En biketo ciŋe i wi gityerre, ci bineko i doggola kema me rwatte; awobe pa Aron ma gin aye ajwagi gibicoro remo i kom keno tyer kun rumo kome ducu.

Lulevi 3:8

biketo ciŋe i wi gityerre, ka doŋ neko woko i nyim kema me rwatte; ci awobe pa Aron gibicoro remone i kom keno tyer kun rumo kome ducu.

Lulevi 4:15

Ludoŋo pa lwak gibiketo ciŋgi i wi twon i nyim Rwot, ci gibineko twon i nyim Rwot.

Lulevi 4:20

En bitiyo ki twon man kit ma onoŋo otiyo ki twon me gitum me bal; ajwaka bitimo gin me lakwany bal ki i komgi ci Rwot biweko balgi.

Lulevi 4:24

Biketo ciŋe i wi dyel, ci neko i kabedo ma gineko iye gitum awaŋa i nyim Rwot; co aye gitum me bal.

Lulevi 4:26

En biwaŋo dwolone ducu i wi keno tyer, macalo dwolo me gityer lakwecwiny; kit meno ajwaka bitimo gin lakwany bal ki i kome pi balle, ci Rwot biweko balle.

Lulevi 4:29

En biketo ciŋe i wi gitum me bal, ci neko gitum me bal i kabedo ma gineko iye gitum awaŋa,

Lulevi 4:31

En bikwanyo dwolone ducu macalo gikwanyo dwolo ki i gityer lakwecwiny, ajwaka biwaŋo i wi keno tyer obed gin ma ŋwece kur me yomo cwiny Rwot; kit meno ajwaka bitimo gin me i akwany bal ki i kome, ci Rwot biweko balle.

Lulevi 4:33

Biketo ciŋe i wi gitum me bal, ci neko i kabedo ma gineko iye gitum awana-ni,

Lulevi 4:35

En bikwanyo dwolone ducu macalo gikwanyo dwolo latin romo ki i gityer lakwecwiny, ajwaka biwaŋo i wi keno tyer i kom gityer ma giwaŋo ki mac bot Rwot; kit meno ajwaka bitimo gin lakwany bal ki i kome pi bal ma en otimo-ni, ci Rwot biweko balle.

Lulevi 4:4

En bikelo wod twon i doggola kema me rwatte i nyim Rwot, biketo ciŋe i wi twon ci neko woko i nyim Rwot.

Lulevi 5:6

okel gitumme me tiŋo alii bot Rwot pi bal ma en otimo-ni, bwon romo nyo bwon dyel, obed gitum me bal; ci ajwaka bitimo gin lakwany bal ki i kome pi balle.

Lulevi 6:7

Ajwaka bitimo gin lakwany bal ki i kome i nyim Rwot, ci Rwot biweko balle i kom gin mo-ni i kom gin ducu ma dano twero tiyo ma miyo etiŋo alii.”

Lulevi 8:14

Lacen okelo twon me gitum me bal, ci Aron ki awobene guketo ciŋgi i wi twon me gitum me bal.

Lulevi 8:18

Ka man otum, okelo nyok romo me gitum awaŋa, ci Aron ki awobene guketo ciŋgi i wi nyok romo.

Lulevi 8:22

Lacen okelo nyok romo mukene, en nyok romo me keto dano i dog tic, ci Aron ki awobene guketo ciŋgi i wi nyok romo.

Lulevi 9:7

Moses dok owaco bot Aron ni, “Nyik cok ki keno tyer, wek ityer gitum me balli ki gitum awaŋani, ci itim gin lakwany bal ki i komi ki i kom lwak. Dok ikel gityer pa lwak itim gin lakwany bal ki i komgi macalo yam Rwot ociko.”

Buk me Aŋwen pa Moses ma Gilwoŋo Wel 15:25

Ajwaka bitimo gin lakwany bal ki i kom lwak jo Icrael ducu, ci Rwot biweko balgi; pien onoŋo pe gubalo akaka dok gukelo gityergi, gityer ma giwaŋo ki mac bot Rwot, ki gitumgi me bal, i nyim Rwot pi balgi ma pe gutimo akaka.

Buk me Aŋwen pa Moses ma Gilwoŋo Wel 15:28

Ci ajwaka bitimo gin lakwany bal i nyim Rwot pi dano-nu ma opoto i bal ma pe otimo akaka, pi kwanyo bal ki i kome, ci Rwot biweko balle.

Buk me Aŋwen pa Moses ma Gilwoŋo Wel 25:13

En kacel ki Likwaye ma bilube gibibedo i tic me bedo ajwakana matwal pi gicikke man ma aketo kwedgi, pien nene nyeko omake pi Lubaŋane, ci otimo gin lakwany bal ki i kom Jo Icrael.”

Buk me Aŋwen pa Moses ma Gilwoŋo Wel 8:10

Ka itero Lulevi i nyim Rwot, jo Icrael gibiketo ciŋgi i wigi,

Buk me Aŋwen pa Moses ma Gilwoŋo Wel 8:12

Ka dok Lulevi gibiketo ciŋgi i wi twoni, ci ibityero acel pi gitum me bal, ki acel pi gitum awaŋa bot Rwot, pi kwanyo bal ki i kom Lulevi.

Jo Roma 12:1

Pi meno, utmegina, abako doga botwu pi kica pa Lubaŋa, wumine kenwu macalo gitum makwo ma gityero bot Lubaŋa, gin maleŋ ma yomo cwiny Lubaŋa; ma en aye woro me cwinywu.

Jo Roma 3:25

Lubaŋa okete me bedo gin-kok me kwanyo bal ki remone, pi jo ma ye en, wek enyut kwede kite ma atir-ri, pien Lubaŋa yam ojukke kene, pe otimo gin mo i kom bal ma yam dano gutimo con,

Jo Roma 5:11

Pe meno keken, ento wabibedo ki yomcwiny i Lubaŋa pi Rwotwa Yecu Kricito, pien en aye ma omiyo gidwokowa cen bot Lubaŋa.

Jo Pilipi 4:18

Atyeko gamo gin ma wumiya ducu, obedo dwoŋ mukato kare. Oromma doŋ maber, pien Epaprodito bene omiya mot ma wucwale kwede ni okel bota. Man gin aye gin ma ŋwece kur ma gityero bot Lubaŋa, ma en opwoyo, dok ma yomo cwinye.

Jo Ibru 10:4

Pien remo twoni ki remo dyegi pe twero kwanyo bal woko wacel.

1 Jon 2:2

Dok en kikome bene obedo gitum pi kwanyo balwa, pe balwa keken ento kadi wa bal pa jo ma i wi lobo ducu.