Lulevi 1:3 - Acoli Baibul

³ “Ka ce dano mo okwanyo gityerre me gitum awaŋa ki i kin dyaŋi, en bityero twon ma kome pe ki mwonyo; en bityero i doggola kema me rwatte, wek Rwot ogame,

Lulevi 1:3 Iomraidhean Croise

Acakki 22:13

Abraim otiŋo waŋe malo, ci oneno nyok romo tye i ŋeye ma tuŋeomoko i agaba; Abraim ocito okelo nyok romo-nu, ci otyero me bedo gitum awaŋa ma ka wode.

Acakki 22:2

Owacce ni, “Kwany wodi Icaka, iter, en wodi acel keken, ma imaro-ni, wot kwede i lobo Moria, wek icit ityere kunnu, obed gitum awaŋa i kom got mo ma abititti ki kunnu.”

Acakki 22:8

Abraim ogamo, owacce ni, “Lubaŋa aye bimiyo romo me gitumme, latinna.” Kit meno, gumedde gigi kacel ki wotgi.

Acakki 8:20

Nua ocano keno tyer pi Rwot, ci oyero lee ma gicamo ki i kit kwagi acel acel, ki winyo ma gicamo ki i kit kwagi acel acel, otyero gitum awaŋa i wi keno tyer.

2 Tekwaro 29:32

Wel jami me gitum awaŋa ma lwak ma gucokke gukelo onoŋo tye twoni pyerabiro, nyogi romi miya acel, ki litino romi miya aryo; magi ducu gikelogi me gitum awaŋa bot Rwot.

2 Tekwaro 35:12

I kare ma gitimo man giketo dul mukene me gitum awaŋa cen, ma gibipoko i kin lwak kun gilubo dog odi pa kwarigi, wek gutyer bot Rwot, macalo gicoyo i buk pa Moses. Ci gutiyo ki twoni bene kit meno.

Jabuli 110:3

I nino ma ibilweny i kom lukworri lwakki gibimine kengi boti. Calo toyo ma luk odiko con, awobeni bene gibibino boti kit meno i wi godi maleŋ,

Jabuli 40:8

Cwinya bedo yom me tiyo gin ducu ma imito, ai Lubaŋa; amako cikki dok agwoko tye cwinya.

Buk me Aryo pa Moses ma Gilwoŋo Nia 12:5

Latin romowu obed ma kome pe ki mwonyo, nyok ma ditte romo mwaka acel ma wukwanyo ki kin romi nyo ki i kin dyegi,

Buk me Aryo pa Moses ma Gilwoŋo Nia 24:5

Ci ocwalo awobe pa jo Icrael, ma gutyero gitum awaŋa dok gutumo twoni bot Rwot me gityer lakwecwiny,

Buk me Aryo pa Moses ma Gilwoŋo Nia 29:18

ibiwaŋo riŋo nyok romo woko ducu ki berre i wi keno tyer; en aye gitum awaŋa bot Rwot; en aye gin ma ŋwece kur me layom cwiny, gityer ma giwaŋo ki mac bot Rwot.

Buk me Aryo pa Moses ma Gilwoŋo Nia 29:4

Ibikelo Aron ki awobene i nyim doggola kema me rwatte, ci ilwok komgi woko ki pii.

Buk me Aryo pa Moses ma Gilwoŋo Nia 29:42

Bibedo gitum awaŋa me nino ducu ma wubityero wa i kare pa likwayowu ducu, i doggola kema me rwatte i nyim Rwot, ka ma abirwatte iye kwedwu, pi lok kwedwu kunnu.

Buk me Aryo pa Moses ma Gilwoŋo Nia 32:6

Ci gua malo odiko con, gutyero gitum awaŋa mapol, ka gukelo tyergi me lakwecwiny; ci lwak gubedo piny gucamo ka gumato, ci gua malo ka tuko.

Buk me Aryo pa Moses ma Gilwoŋo Nia 35:21

Ka gucako dwogo, kun ŋat acel acel oyubbe ki gin ma cwinye olyetto pire, ki ŋat acel acel ma iye pwoyo, okelo gityer bot Rwot me timo ki kema me rwatte, ki pi ticce ducu, ki pi boŋŋi aruka maleŋ,

Buk me Aryo pa Moses ma Gilwoŋo Nia 35:29

Jo Icrael ma co ki ma mon ducu ma yam cwinygi opwoyo pi kelo gin mo pi tic ma onoŋo Rwot ociko Moses ni oti, gukelo gityer ma igi opwoyo bot Rwot.

Buk me Aryo pa Moses ma Gilwoŋo Nia 35:5

wujog gityer pa Rwot ki i kinwu; ŋat ma cwinye aye opwoyo wek en okel gityer bot Rwot: jabu, ryal ki mola;

Buk me Aryo pa Moses ma Gilwoŋo Nia 36:3

ci gugamo ki bot Moses mot ducu ma jo Icrael gutyero pi tic i kom kabedo maleŋ, Pud onoŋo gimedde ameda ki kelo gityer ma igi opwoyo odiko odiko.

Buk me Aryo pa Moses ma Gilwoŋo Nia 38:1

Dok otiyo keno tyer me gitum awaŋa ki bao yat lalwii; borre obedo futi abiro ki nucu, lacce bene futi abiro ki nucu, obedo ki twoke aŋwen ma rom, borre tuŋ malo oromo futi aŋwen ki nucu,

Icaya 1:11

Gitumwu ma wutyero mapol kit meno-ni kono, konnye ŋo ki bota? Man Rwot aye owaco; nyogi romiwu ma wutyero me gitum awaŋa-ni doŋ oroma woko, kacel ki moo dwolo me limwu makwo ma gucwene; cwinya pe mito remo twoni, kadi remo nyogi romi nyo remo nyogi dyegi.

Ejekiel 20:40

Rwot Lubaŋa owacci, “Wun jo Icrael ducu wubiwora ki kunnu i lobo meno, i wi got mera maleŋ, ki i wi got me lobo Icrael mabor-ri. Doŋ cwinya bibedo yom i komwu ki kunnu, ci abimito motwu, ki motwu mabeco makato ducu me gityer, ki gityerwu maleŋ.

Ejekiel 40:39

Onoŋo tye meja aŋwen i kicika me doggola me donyo, aryo tye tuŋcel ki aryo mukene gicibo tuŋcel, ma lee me gitum awaŋa ki gitumme bal kigitum me tiŋo alii onoŋo giŋolo gi i wi meja magi,

Lulevi 1:10

“Ka ce okwanyo gityerre me gitum awaŋa ki i kin romi nyo dyegi, en bityero nyok ma kome pe ki mwonyo.

Lulevi 14:10

“Dok i nino me aborone en bitero litino nyogi romi aryo ma komgi pe ki mwonyo, ki bwoŋ romo ma ditte romo mwaka acel, ki gityer me moko kwon ma romo agwata adek, moko mapwotte ma girubo ki moo, ki moo ma romo cupa acel.

Lulevi 16:7

Dok en bikelo dyegi aryo-nu, biketogi i nyim Rwot i doggola kema me rwatte.

Lulevi 17:4

kun pe okelo i doggola kema me rwatte me tyerone obed mot pa Rwot i nyim kema pa Rwot, ci gibikwano alii me remo i wi dano meno, Pi oyo remo, waŋ dano meno birwenyo woko ki i kin lutugi.

Lulevi 17:8

“Ci ibiwaco ki gin ni, Dano mo me ot pa Icrael, nyo ki i kin lubedo ma bedo i kingi, ma otyero gitum awaŋa, nyo gitum mo

Lulevi 17:9

ma pe okelo i doggola kema me rwatte pi tumo bot Rwot, dano meno waŋe birwenyo woko ki i kin lutugi.

Lulevi 23:12

I nino ma wubikwato iye wic larita-ni, en aye wubityero iye latin nyok romo ma ditte romo mwaka acel, ma kome pe ki mwonyo, obed gitum awaŋa bot Rwot.

Lulevi 23:18

Dok wubikelo litino romi abiro kacel ki mugati meno ma ditogi mwaka acel acel, ma komgi pe ki mwonyo, ki wod twon acel ki nyogi romi aryo. Gibibedo gitum awaŋa bot Rwot, kacel ki gityer me moko kwon ki gityer amata mutikogi; gin gityer ma giwaŋo ki mac, gin ma ŋwece kur me yomo cwiny Rwot.

Lulevi 3:1

“Ka dano mo tyero gitum me gityer lakwecwiny, ka tyero lim ma okwanyo ki i kin dyaŋi, ma twon nyo ma roya, en bityero i nyim Rwot ma kome pe ki mwonyo.

Lulevi 4:15

Ludoŋo pa lwak gibiketo ciŋgi i wi twon i nyim Rwot, ci gibineko twon i nyim Rwot.

Lulevi 4:23

ka gimiyo en oŋeyo bal ma en otimo-ni, ci en bikelo dyel pi gityerre, nyok ma kome pe ki mwonyo.

Lulevi 4:3

ka ce ajwaka ma giwiro ki moo aye obalo, kun okelo bal i kom lwak, myero en otyer bot Rwot wod twon ma kome pe ki mwonyo pi bal ma en otimo, obed gitum me bal.

Lulevi 4:32

“Nyo ka en mito kelo latin romo me gityerre pi gitum me bal, en bikelo bwonne ma kome pe ki mwonyo.

Lulevi 5:15

“Ka dano mo oturo cik pa Lubaŋa kun otimo bal ma pe otimo akaka i kom mot mo maleŋ ma myero en omi bot Rwot, en bikelo gitumme me tiŋo alii bot Rwot, nyok ma kome pe ki mwonyo ma okwanyo ki i kin romi i wel ma iŋolo i cekel me ryal kun ilubo cekel me kabedo maleŋ, obed gitum me tiŋo alii.

Lulevi 5:18

En bikelo bot ajwaka nyok ma kome pe ki mwonyo ma okwanyo ki i kin romi, i wei ma iŋolo, obed gitum me tiŋo alii. Ajwaka bitimo gin lakwany bal ki i kome pi bal ma opoto iye ma pe me akaka, ci Rwot biweko balle.

Lulevi 6:2

“Dano twero balo kun oturo cik pa Rwot, macalo ka obwolo lawote i kom gin ma con okano bote, nyo ojeŋo bote, nyo ka omayo jamine, nyo oburo lawote,

Lulevi 6:8

Rwot owaco bot Moses ni,

Lulevi 7:16

Ento ka gityerre obedo gityer me cobo kwoŋ, nyo gityer mo ma iye opwoyo, gibicamo i nino ma en otyero iye, dok mudoŋŋe gitwero camo orwone,

Lulevi 8:18

Ka man otum, okelo nyok romo me gitum awaŋa, ci Aron ki awobene guketo ciŋgi i wi nyok romo.

Lulevi 8:21

Jam iye ki tyene ducu gilwoko ki pii lacen Moses owaŋo riŋo nyok romo woko ducu ki berre i wi keno tyer obed gitum awaŋa, gin ma ŋwece kur me yomo cwiny, gityer ma giwaŋo ki mac bot Rwot, macalo yam Rwot ociko ki Moses.

Lulevi 9:2

ci owaco bot Aron ni, “Kwany wod twon, pi gitum me bal, ki nyok romo pi gitum awaŋa, ma pe komgi ki mwonyo ducu, wek ityergi i nyim Rwot.

Jekaria 13:7

“In pala lucwan, co woko lweny i kom lakwatta i kom dano ma ocuŋ ka ŋeta,” man Rwot me mony aye owaco. Go lakwat, wek romi guket woko ata. Abicwalo ciŋa wa i kom jo matinone.

Malaki 1:14

Ŋat ma laram myero gicen, ka tye ki nyok i kin romine, kun kwoŋo ni ebityero, ento tyero bot Rwot gin ma roc tye i kome; pien an kabaka madit, nyiŋa bene gilworo i kin lurok. Man lok ma Rwot me mony owaco.

Buk me Aŋwen pa Moses ma Gilwoŋo Wel 15:3

ce wutyero dyaŋ nyo romo bot Rwot obed gityer ma giwaŋo ki mac, nyo gitum awaŋa, nyo kit gitum mukene, nyo gityer me cobo kwoŋ, nyo gityer ma ic opwoyo, nyo ka tyero i ninowu madito ma giciko wek obed gin ma ŋwece kur me yomo cwiny Rwot,

Buk me Aŋwen pa Moses ma Gilwoŋo Wel 15:8

Ka wuyubo twon pi gitum awaŋa, nyo pi gitum mukene, nyo pi cobo kwon, nyo pi gityer lakwecwiny ma wutyero bot Rwot,

Buk me Aŋwen pa Moses ma Gilwoŋo Wel 19:2

“Man en cik ma an Rwot aye aciko: Cik jo Icrael ni gukel boti roya makwar maberre ma kome pe ki mwonyo, ma peya gitiyo kwede me pur.

Buk me Aŋwen pa Moses ma Gilwoŋo Wel 23:19

Lubaŋa pe dano, ma twero loko goba; en I pe wod pa dano, ma myero onen ki tamme. Ka doŋ owaco lok mo, ci pe bitiyone? Ka onoŋo oloko, ci pe cobo kakare?

Buk me Aŋwen pa Moses ma Gilwoŋo Wel 23:27

Ci Balak owaco bot Balaam ni, “Koni doŋ ibin, abiteri i kabedo mukene; gwok Lubaŋa biye ni icengi ki kunnu.”

Buk me Aŋwen pa Moses ma Gilwoŋo Wel 23:3

Ci Balaam owaco bot Balak ni, “Cuŋ kany i ŋet gitum awanani-ni, ci an abicito kunnu. Gwok nyo Rwot bibino ka rwatte kweda, ci gin ducu ma en binyutta abititti.” Ci ocito malo i wi got ka ma yadi pe iye.

Buk me Aŋwen pa Moses ma Gilwoŋo Wel 23:30

Balak otiyo kit ma Balaam owaco-ni, ci otyero twon acel ki nyok romo acel i wi keno tyer acel acel.

Buk me Aŋwen pa Moses ma Gilwoŋo Wel 28:11

“I acakki dwe ducu en aye wubityero iye gitum awaŋa bot Rwot: litino twoni aryo, nyok romo acel ki litino nyogi romi abiro ma ditogi mwaka acel acel, ma komgi pe ki mwonyo;

Buk me Aŋwen pa Moses ma Gilwoŋo Wel 28:19

Ento wubityero iye gityer ma giwaŋo ki mac, gitum awaŋa bot Rwot: litino twoni aryo, nyok romo acel, ki litino nyogi romi abiro ma ditogi mwaka acel acel; wunen ni komgi pe ki mwonyo,

Buk me Aŋwen pa Moses ma Gilwoŋo Wel 28:31

Wubityerogi kacel ki gityer amata mutikogi kun wumedo ki gitum awaŋa me nino ducu. Wunen ni komgi pe ki mwonyo.

Buk me Aŋwen pa Moses ma Gilwoŋo Wel 29:13

Wubityero gitum awaŋa i nino man mukwoŋo-ni, gityer ma giwaŋo ki mac wek obed gin ma ŋwece kur me yomo cwiny Rwot: litino twoni apar wiye adek, nyogi romi aryo ki litino nyogi romi apar wiye aŋwen ma ditogi mwaka acel acel; gubed ma komgi pe ki mwonyo.

Buk me Aŋwen pa Moses ma Gilwoŋo Wel 29:2

dok wubityero iye gitum awaŋa, gin ma ŋwece kur me yomo cwiny Rwot: wod twon acel, nyok romo acel ki litino nyogi romi abiro ma ditogi mwaka acel acel, ma komgi pe ki mwonyo;

Luka 1:35

Lamalaika odokke iye ni, “Cwiny Maleŋ bibino i komi, tek pa En Mamalo Twal biumi macalo tipo; pi meno latin ma gibinywalo-ni gibilwoŋe Maleŋ, Wod pa Lubaŋa.

Jiri Ma Jon Ocoyo 1:36

oneno Yecu kun woto, owaco ni, “Nen Latin-romo pa Lubaŋa!”

Jiri Ma Jon Ocoyo 10:7

Yecu dok owaco ki gin ni, “Adada awacciwu ni, an a doggola me romi.

Jiri Ma Jon Ocoyo 10:9

An a doggola; ka ŋatti mo odonyo ki bota, en bibwot, bidonyo, bikatti woko, binoŋo cam.

2 Jo Korint 8:12

Lubaŋa gamo mot ma dano tye kwede, tekke en obedo ki miti me miyone, ma pe paro gin ma pe etye kwede.

2 Jo Korint 9:7

Dano acel acel myero otim kit macalo cwinye mito, laboŋo waŋcwiny mo nyo dic mo. Pien Lubaŋa maro ŋat ma miyo jamine ki yomcwiny.

Jo Epeco 2:18

Pi Kricito wan ducu, wan Lujudaya ki wun Lurok, giyabo botwa yo i Cwiny Maleŋ acel-li me o bot Lubaŋa Won.

Jo Epeco 5:27

wek ekel lwak muye en i nyime kene macalo nyako mamwonya twatwal, kun pe tye ka mo ma ojuŋŋe i kome, nyo kadi ki poyo mo bene pe, wek obed leŋ laboŋo ka mo murocce.

Nwoyo Cik 12:27

Ibityero gitum awaŋani ducu, riŋone ki remone, i wi keno tyer pa Rwot Lubaŋani; remo me gitummi ducu gibionyo woko i kom keno tyer pa Rwot Lubaŋani, ento riŋone ibicamo.

Nwoyo Cik 15:21

Ento ka kome ki mwonyo, ka tyene oŋol, nyo waŋe oto, nyo tye ki kit mwonyo mo marac i kome, pe ibitumo bot Rwot Lubaŋani.

Nwoyo Cik 17:1

“Pe wubitumo bot Rwot Lubaŋawu twon nyo romo nyo dyel mo ma kome ki mwonyo, nyo ma tye ki kit ŋolo mo, pien meno aye bedo me kwer bot Rwot Lubaŋawu.

Jo Ibru 7:26

Ajwaka madit macalo meno aye ma romo cobo mitiwa. En leŋ, gin mo marac pe i iye, cilo me bal pe ogude. Yam gipoko en woko ki i kom lubalo, gitiŋe malo i wi polo.

Jo Ibru 9:14

Remo pa Kricito pe kato maca mada? Pi Cwiny Maleŋ ma bedo matwal, omiyo en omine kene bot Lubaŋa kun roc mo pe i kome, pi lonyo cwinywu ma onoŋo ocido woko macol licuc pi tiyo tic ma kwo pe iye, wek wubed ma iwu leŋ, ka doŋ wawor Lubaŋa makwo.