Luka 8:3 - Acoli Baibul

³ Joana dako pa Kuja, lagwok-lim pa Kerode, Cucana, ki mon mukene mapol, ma yam gikonye ki limgi.

Luka 8:3 Iomraidhean Croise

1 Temceo 5:10

Myero ginen ka ticce ber, ka ce yam opito litino, ka yam ojolo welo, nyo olwoko tyen jo pa Lubaŋa, ka okonyo jo ma yam giunogi, dok bene ka obedo ŋat ma yam omine kene i tiyo gin maber i yo ducu.

Jo Pilipi 4:22

Jo pa Lubaŋa ducu gumotowu, makatone jo me ot pa Cecar.

2 Jo Korint 8:9

Pien wuŋeyo cwiny me kica ma Rwotwa Yecu Kricito obedo kwede; kadi bed nene en lalonyo, ento piwu olokke odoko lacan, wek i canneni wun wudok lulonyo.

Matayo 26:11

Pien wun wutye kacel ki lucan kare ducu, ento pe wubibedo kweda kare ducu.

Matayo 25:40

Kabaka bidok iye botgi ni, ‘Ada awaco botwu ni gin ma wutimo bot dano acel i kin utmegina magi matino, meno wutimo bota.’

Matayo 2:11

Ka gudonyo i ot, ci guneno latin kacel ki minne Maliam cutcut guryebbe piny guwore. Gugonyo yecgi ma onoŋo tye iye lonyo madwoŋ, ci gumiye mot, jabu ki odok luban ki murra.

Icaya 23:18

Magoba ducu ma en binono i cato wille-nu, pe bigwoko, pe bene bikano mo kadi me mono, ento bityero ‘woko me bedo gin maleŋ bot Rwot, ci gibiwilo ki cam mabup ki boŋŋi mabeco pi jo ma bedo i nyim Rwot.

1 Tekwaro 29:14

“Ento an aŋa, ki lwakka kono gin aŋo, niumiyo wabedo ki twero kit man me miyo jamiwa kit ma iwa opwoyo-ni? Pien jami ducu a ki boti, dok wadwokki giri.

Luka 24:10

Jo ma yam gutito lok man bot lukwena gin aye Maliam Lamagdala, Joana, ki Maliam min Yakobo, ki mon mukene ma onoŋo tye kwedgi.

Tic Pa Lukwena 13:1

I kare meno lwak jo muye Yecu ma tye i Antiokia onoŋo doŋ gitye ki lutit lok pa Lubaŋa ki lupwony, Barnaba, Cimeon ma gilwoŋo Niga, Lukia me Cirene, ki Manaen ma odoŋ kacel ki Kerode laloyo, ki Caulo.

Matayo 14:1

I kare meno Kerode ma laloc madit owinyo pi yweka pa Yecu;

Matayo 14:3

Pien onoŋo yam Kerode omako Jon, otweyo ci oketo woko i mabuc pi Kerodia, ci-ominne, dako pa Pilipo;

Matayo 14:6

Ento ka kare me po pi nywalo Kerode oromo, ci nya pa Kerodia omyelo i nyim welo ci oyomo cwiny Kerode mada.

Matayo 20:8

Ka oo otyeno, won poto olok owaco bot lakan jamine ni, ‘Lwoŋ lutic, ci icul mucaragi. Cak ki i kom jo ma gucako tic lacen, nio kwede wa i kom jo ma gukwoŋo bino.’

Matayo 27:55

Dok bene onoŋo nene tye mon mapol kunnu ma gucuŋ ki cen ka nenone, ma gulubo kor Yecu cakke ki i Galilaya, gubedo ka konye bene.

Jiri Ma Jon Ocoyo 12:6

En owaco lok man, pe ni en paro pi lucan, ento pien en yam lakwo, yam gwoko kicaa lim, ci kwanyo gin ma gibolo iye.