Joel 3:9 - Acoli Baibul

⁹ Wutit lok man i kin rok ducu! Wuywa mony, wulyet cwiny oteka lweny, Wek lulweny ducu gurwa cok, gubin wa malo kany,

Joel 3:9 Iomraidhean Croise

Jabuli 96:10

Dano guwac i kin lurok ni, “Rwot tye ka loc! Ada, lobo ocuŋ matek ma pe yeŋŋe; en biŋolo kop i kom dano maromrom.”

Icaya 34:1

Wubin wunyik cok, wun rok ducu wek wucik itwu wuwiny! Jo ducu ma bedo i lobo, myero gubin guwiny.

Jeremia 31:10

“Wuwiny lokka, wun rok ducu, an Rwot, ci wutit lokka ka maboco i lobo ma tye i dog nam-gu, An ma akeyo jo Icrael woko-ni aye dok abicokogi adwokogi cen, abigwokogi woko maber kit macalo lakwat gwoko kwede romine.

Jeremia 50:2

“Wutuc lok man bot rok ducu dok wutit pire bene. Wutiŋ bendera malo ka maleŋ ci wutit lok man. Pe wugwok lok man obed macalo lok me muŋ, ento wuwacci, ‘Babilon doŋ opoto! Bel ma lubaŋane doŋ lewic omako woko. Merodak bene cwinye oballe woko. Cal lubaŋane-gu ducu doŋ lewic omakogi woko, ki cal jogine doŋ gininyo woko!’

Jeremia 51:11

Rwot doŋ otugo cwiny luker pa jo Medi woko, pien doŋ oyubbe me tyeko Babilon woko. Man aye kit macalo en biculo kwede kwor pi ot mere ma gimuko gireto woko piny-nyi. Ludito wi mony doŋ giwaco bot askari ni, “Wupak leb aterowu! Wumak kwotwu i ciŋwu!

Jeremia 51:27

“Wugur bendera ocuŋ i ŋom pi lweny! Wukut tum wek rok ducu guwiny! Doŋ wulwoŋ rok woko ducu pi lweny i kom Babilon! Wuwac ki ker magi, Ararat, Mini, ki Acikenaj, gubin gulweny i kome. Wuket ladit ma loyo wi mony ducu me lweny i kome. Wukel aguragura-gu mapol calo lwak bonyo ma corre,

Jeremia 6:4

Gibiwacci, “Yub lweny doŋ ikome! Wuyubbe doŋ wabicito walwenyo i kome cwiny dyeceŋ!” Ci dok gibiwacci, “Can i wiwa, pien ceŋ doŋ oleŋo woko cok poto, pien tipo ma umo piny otyeno-ni doŋ olyanne woko mabor!”

Ejekiel 38:17

In aye ŋat ma yam abedo ka loko pire i kare mukato con ca, i kare ma amiyo lokka bot luticca lunebi me Icrael, ma gutito lok ni i kare ma pud tye anyim abikeli me lweny i komgi.” Man Rwot Lubaŋa ma owaco.

Ejekiel 38:7

“Tit bote ni en myero doŋ, en kacel ki dul monnye ducu ma gucokke bote gubed ma doŋ guyubbe woko pi winyo cikke.

Mika 3:5

Man lok ma Rwot owaco i kom lunebi ma ginako jona, ma gidaŋŋe ni, “Kuc” i kare ma noŋo gitye ki ginacama, ento pud giero lweny i kom ŋat mo ma pe pitogi ki’ cam.

Aggai 2:7

Dok abiyeŋo rok ducu, wek lonyo me rok ducu obin iye, ka doŋ abipoŋo ot man ki deyo, man Rwot me mony aye owaco.

Jekaria 14:2

Pien abicoko rok ducu kacel ka lweny i kom Jerucalem. Gibimayo gaŋ woko, gibiyako odi, gibimako mon gibuto kwedgi tektek, nucu jo ma i gaŋ gibiterogi woko i opii, ento jo mukene ma gudoŋ pe gibiryemogi woko ki i gaŋ,

Jekaria 14:3

Lacenne Rwot bicito ka lweny i kom rok meno ducu, kit ma lwenyo i nino me lweny.