Joel 3:5 - Acoli Baibul

⁵ Pien wukwanyo ryal mera ki jabuna, dok wutero jamina mabeco ma pigi tego bota, ci wuketogi i ot jogiwu.

Joel 3:5 Iomraidhean Croise

2 Luker 12:18

ci Yekoac kabaka me Juda ocako kwanyo mot ma yam gidyero ducu, ma kwarine Yekocapat ki Jekoram ki Akajia ma luker pa Juda yam gudyero, ki mot ma en kikome odyero, kacel ki lwak jabu ducu ma ginoŋo i ot kano lim ma i ot pa Rwot ki i ot pa kabaka, ci ocwalo wa bot Kajael kabaka me Ciria. Ka Kajael oa woko ki i Jerucalem ocito woko.

2 Luker 16:8

Akaj dok okwanyo ryal ki jabu ma onoŋo tye i ot pa Rwot, ki i ot kano lim ma i ot pa kabaka, ci ocwalo me mot bot kabaka me Aciria.

2 Luker 24:13

Otero bene jami ducu ma gikano i ot lim ma i ot pa Rwot, ki jami ma gikano i ot lim pa kabaka, ka otoŋo jami me jabu ma i ot, pa Rwot onidogi woko ducu, gin jarm ma yam Solomon kabaka me Icrael otiyo, kit ma yam Rwot oloko.

Icaya 11:11

I nino meno Rwot bimedde ki ryeyo cine pi tyen me aryo me kwanyo jone ma gudoŋ i Aciria, i Ejipt, ki i Etiopia, ki i Elam, ki i Cinar, ki i Kamat, ki i dog nam.

Jeremia 23:7

“Pi meno wunen, kare tye ka bino, man Rwot ma owaco, ma pe dok ŋat mo biwaco ni, ‘Macalo Rwot tye makwo-ni, ma en aye okwanyo waŋ jo Icrael okelowa woko ki i lobo Ejipt,’

Jeremia 50:28

Luriŋ ayela ma gin jo ma gubwot ki i Babilon gubino i Cion, dok gutito kit macalo Rwot Lubaŋawa oculo kwede kwor pi gin ma yam jo Babilon otimo i kom ot mere.

Jeremia 51:11

Rwot doŋ otugo cwiny luker pa jo Medi woko, pien doŋ oyubbe me tyeko Babilon woko. Man aye kit macalo en biculo kwede kwor pi ot mere ma gimuko gireto woko piny-nyi. Ludito wi mony doŋ giwaco bot askari ni, “Wupak leb aterowu! Wumak kwotwu i ciŋwu!

Ejekiel 37:12

Pi meno, tit lok bot jona jo Icrael ni an, Rwot Lubaŋa, abiyabo lyel woko. Abicero jona-ni woko ki i lyel, ci doŋ adwokogi cen paco i lobo Icrael.

Daniel 11:38

Kaka woro magi en bibedo ka woro lubaŋa me cel gogo ma en aye lubaŋa ma yam kwarine pe guŋeyo-ni; en bityero bote jabu kacel ki ryal, ki kidi matino me wel, ki mot ma welgi malo adada.

Obadia 1:17

“Ento jo mubwot gibibedo i wi got Cion, ci bibedo kabedo maleŋ; jo me ot pa Yakobo gibibedo ki lobo ma megi kikome.