Joel 3:4 - Acoli Baibul

⁴ “Wun jo Turo ki jo Cidon, ki wun jo ducu ma i lobo Piliciti, wun kono wudoko gin aŋo ki bota? Wun wumito cula pi gin mo ma atiyo? Ka ce wucula, ci abidwoko cul me tim mewu i wiwu kenwu oyotoyot dok aruya bene.

Joel 3:4 Iomraidhean Croise

2 Tekwaro 21:16

Rwot omiyo kiniga omako jo Piliciti ki jo Arab ma gibedo cok ki jo Etiopia; ci gubino gulwenyo i kom Jekoram.

Icaya 14:29

“Wun jo Piliciti ducu, cwinywu pe obed yom ni pien odoo ma yam gibedo ka goyowu kwede-ni doŋ otur woko, pien ororo bia ki i kin likwayo twol, tone bidoko twol ma tuk cito malo.

Icaya 34:8

Pien Rwot tye ki nino me culo kwor, tye bene ki mwaka me koko Cion ki bot lukworre.

Icaya 59:18

En biculogi kun poro kit macalo timgi tye kwede, akemo bot lumonene, ki cul bot lukworre; dok biculo cul marac bot lobo ma tye i dog namo

Jeremia 47:1

Ma pud peya Parao olwenyo i kom Gaja, Rwot oloko ki lanebi Jeremia lok ma okemo jo Piliciti.

Jeremia 47:4

Pien kare doŋ oo me tyeko jo Piliciti woko, me juko ki i Turo ki Cidon kit kony ducu ma onoŋo pud odoŋ. An Rwot kikoma aye ma abityeko Lupiliciti, jo ducu ma gua gubino ki i dog nam me Kaptor.

Jeremia 51:6

Wuriŋ woko ki i Babilon! Wuriŋ wular kwowu! Pe myero ginekwu woko pi bal me Babilon. Pien man en aye kare me culo kworra ki me keto can i kom Babilon ma oporo gin ma en otimo.

Joel 2:10

Lobo yenne i nyimgi ka giwoto, polo bene yeŋŋe, Cen ki dwe gucido macol, lakalatwe bene doŋ pe giryeny,

Joel 2:2

nino me colpiny ki me mutu, nino me pol ki mutu macol licuc. Rok madit, ma jone tego, gumone i wi got macalo piny macollicuc; rok mo macalo man peya onen nia wa con, dok pe binen i anyim i kare pa yalwak ducu.

Matayo 11:21

“Ibikoko aŋee, in Korajin! Ibikoko aŋee, in Betecaida! Kono yam tic madito ma gitiyo i ii gitiyo i Turo ki Cidon, kono onoŋo jone guŋut wa con, kun giruko boŋo cola, ma gibedo i buru bene.

Matayo 11:22

Ento atitti ni, can pa Turo ki Cidon bibedo tworatwora i nino me ŋolo kop, makato can ma bipoto i komi.

Luka 10:13

“Ibikoko aŋee, in Korajin! Ibikoko aŋee, in Betecaida! Pien kono yam tic madito me twer ma gitiyo botwu gitiyo i Turo ki Cidon, kono jone guŋut wa con, kun giruko boŋo cola ma gibedo i buru bene.

Luka 10:14

Ento can pa Turo ki Cidon bibedo twaratwara i nino me ŋolo kop, makato can ma bipoto i komi.

Luka 18:7

Lubaŋa pe biculo kwor pa jo ma en oyero, ma gikok bote dyeceŋ ki dyewor? En bigalle ma pe timo gin mo i komgi?

Tic Pa Lukwena 9:4

Ka opoto piny ci owinyo dwan ma waco bote ni, “Caulo, Caulo, iyela piŋo?”

Nwoyo Cik 32:35

An aye abiculo kwor, abiculo waŋe lacen. Akuro kare ma tyengi bicer; pien nino me to-pinygi doŋ cok, bipoto i komgi atura.

2 Jo Tecalonika 1:6

Pien bot Lubaŋawa nen atir ni, myero ecul can bot jo muketo can i komwu,

Luŋolkop 11:12

Ci Jeputa ocwalo lukwena bot kabaka pa jo Ammon kun waco ni, “An abalo gin aŋo boti, mumiyo ibino ka lweny ki lobona-ni?”