Joel 3:2 - Acoli Baibul

² abicoko rok ducu, abikelogi i nota pa Yekocapat. Ci abinologi kop ki kunnu, pi jona Icrael ma ginaleyana, pien gukeyogi woko i kin lurok, dok gupoko lobona woko,

Joel 3:2 Iomraidhean Croise

2 Tekwaro 20:26

I nino me aŋwenne gucokke i nota Beraka, pien gubedo ka pwoyo Rwot ki kenyo; mumiyo nyiŋ kabedo meno gilwoŋo ni nota Beraka nio wa onyoo.

Icaya 66:16

Pien Rwot biŋolo kop i kom dano kimac, dok bene en bineko jo mapol woko ki pala lucwan; jo ma en Rwot bineko bibedo pol mada.

Icaya 66:18

“Pien aŋeyo ticgi ki tamgi, abibino me coko rok ducu ma loko leb maptpat kacel; gin gibibino ci gineno deyona,

Jeremia 12:14

Rwot owaco kuman ni, “At ye ki lok mo ma myero awac bot jo ma gibedo ka ŋet jo Icrael ma doŋ gubalo lobo ma amiyo bot jona jo Icrael-li woko. Nen, abikwanyo rok man woko ki i lobogi, dok bene abilaro jo Juda akwanyogi ki i kingi.

Jeremia 25:31

Mor dwane biwinnye wa i agikki piny, pien Rwot tye ki pido i kom rok ducu. En biŋolo kop i kom jo ducu, ci bimiyo gineko jo maraco woko ki pala lucwan. Man Rwot ma owaco.’ ”

Jeremia 49:1

Man aye lok ma Rwot owaco ma okemo jo Ammon ni, “Jo Icrael gitye kwene? Pe gitye ki laleyo mo ma, myero ocun i kom lobogi? Piŋo guweko jo ma giworo Milkom gukwanyo dul ma i kaka pa Gad dok gubedo iye kunnu?

Jeremia 50:17

“Jo Icrael gubedo calo romi ma labwor odwaro ci oryemogi oketogi woko ata. Mukwoŋo kabaka me Aciria yam olwenyo i komgi, ka dok Nebukadnejar kabaka me Babilon omwodo cogogi woko.

Ejekiel 25:8

Rwot Lubaŋa owaco kuman ni, “Jo Moab onoŋo yam guwacci, Nen, jo Juda doŋ gicalo jo me rok mukene-gu ducu.

Ejekiel 34:6

Romina guket woko gubedo ka lak ata i wi godi ducu ki i wi cere maboco-gu ducu. Romina guket woko i wi lobo ducu, ento ŋat mo pe ma oyenyogi nyo ma otemme me nonogi.

Ejekiel 35:10

“Yam wubedo ka wacci rok magi aryo, Icrael ki Juda, ki lobogi ducu bidoko mewu, dok bene wubicamo bedo mewu, kadi bed an Rwot aye abedo Lubaŋagi.

Ejekiel 36:1

Rwot owacci, “In wod pa dano, tit ki godi me Icrael kun iwaco botgi ni guwiny lok ma an

Ejekiel 36:5

“Mumiyo an Rwot Lubaŋa dok aloko woko atyer ka maleŋ i kom rok ma gurumo Icrael ki kiniga malyet at ika, makatone alok i kom Edom. Pien gin jo-nu gubino ki yomcwiny madit kun gitye ki cac bene, ci gumako lobona gucamo odoko megi wek giyak jami ma tye iye woko ducu.

Ejekiel 38:22

Abiketo can i kome kun akelo two gemo i kome ki neko dano. Abicoro kot ma cwer ki yamo matek, pee ma corre, gweŋ calfa ma mac oliyo woko, ma cwer i kome kacel ki i kom lwak me rok mapatpat ma onoŋo gitye kacel kwede.

Ejekiel 39:11

Rwot Lubaŋa owacci, “I nino meno abimiyo kabedo me yik bot Gog i lobo Icrael, i Nota pa Luwot, ma tye yo tuŋ wokceŋ me nam me Kado. Gog ki jo me dul monnye ducu gibiyikogi kunnu, ci notane doŋ gibilwoŋo ni Nota me Mony pa Gog.

Joel 3:12

Wek rok ducu doŋ gumukke, gubin, gubin kany wa i nota pa Yekocapat; an abibedo piny kunnu ka ŋolo kop ki rok ducu ma orumo kany.

Joel 3:14

Lwak madwoŋ, lwak madwoŋ gucokke, i nota me moko tam. Pien nino pa Rwot doŋ tye cok, i nota me moko tam.

Amoc 1:11

Rwot owaco kuman ni, “Pi lwak bal mapol pa jo Edom, pe abidwoko cwinya cen i can ma abimiyogi; pien oryemo kor ominne ki pala lucwan, obolo kica woko ducu, kinigane obedo lyet nakanaka, en kano akemone bedo matwal.

Mika 4:12

Ento gin pe giŋeyo tam pa Rwot pe giniaŋ yubbe bene, ni en aye ocokogi macalo wit kal ma i laro moyo.

Jepania 3:8

“Pi meno, wukura,” Rwot ma owaco, “wukur nino ma abia iye malo ka dot. Pien amoko tamma me coko rok ducu, ki pi guro ker mapol kacel, wek ata kinigana i komgi, wek akemona malyet-ti otum; pien akemo me nyekona biwaŋo lobo ducu.

Niyabo 11:18

Lurok yam gubedo ki akemo, ci akemoni obino, ki kare me ŋolo kop pa jo muto, kare me miyo mot me pwoc bot luticci ma lutit lokki, ki joni maleŋ, bot jo ducu ma gilworo nyiŋi, jo matino ki jo madoŋo, ki kare me neno jo ma tye ka balo lobo woko.”

Niyabo 16:14

pien gubedo cen pa jok ma tiyo tic mogo me aura twatwal. Gin bene giwoto bot luker me wi lobo ducu ka cokogi woko kacel pi mony i nino madit pa Lubaŋa Won Twer Ducu.

Niyabo 16:16

Gucoko luker kacel i kabedo ma gilwoŋo i leb Ibru ni Armagedon.

Niyabo 16:6

Pien jo ma guoyo remo pa joni maleŋ, ki remo pa lutit lokki, in bene imiyo botgi remo me amatagi. Kakare, can meno oporo gin ma gutimo.”

Niyabo 20:8

Ci en bikatti woko cito ka bwolo rok ducu ma tye i but piny, ma en aye Gog ki Magog, bicokogi bene pi lweny, jo ma welgi pe kwanne ma girom ki kweyo me dog nam.