Joel 3:16 - Acoli Baibul

¹⁶ Rwot mor ki i Cion, dwane winnye ki i Jerucalem, polo ki lobo giyeŋŋe. Ento Rwot aye ka-larre pa jone, en ka ma jo Icrael gibwot iye,

Joel 3:16 Iomraidhean Croise

Jabuli 18:2

Rwot aye gotta en cel gogona matek, en lalarra; en Lubaŋana, ki gotta, ariŋo alaro bote, en gwoka macalo kwot, en kalarrena matek; en geŋo ŋeya woko ci gwoka miyo abedo maber laboŋo ayela,

Jabuli 29:11

Rwot myero omi teko bot lwakke! En myero omi gum me kuc i kom jone!

Jabuli 61:3

pien in aye ka larrena, in cel matek ma igwoka i kom lukworra.

Carolok 18:10

Nyiŋ Rwot obedo calo cel matek ka ma dano ma kite atir rio iye ci laro kwone,

Icaya 33:16

En bibedo malo ka gwokkene bibedo i cel gogo ma gicweyo ki got; gibimiye camme, ki pii amatane bene pe bijwik.

Icaya 33:21

Ento Rwot binyuto deyone kunnu, ka ma kulu madoŋo ki matinone tye iye, ka ma mel ma gikwano ki pol pe wok ki iye, ki yeya me deyo bene pe wok ki iye.

Icaya 42:13

Rwot cito ka lweny calo oteka lweny, akemone tugge calo dano ma lalweny, en daŋŋe dok bene wo ki dwan maloŋo adada, ento nyuto tekke i kom lukworre, Rwot ocikke me konyo jone

Icaya 51:16

Doŋ atyeko keto lokka i dogi, akano waŋi woko bene doŋ i tipo ciŋa, aryeyo polo, aketo te guti me lobo, awaco bot jo Cion ni, ‘Wun wujona.’ ”

Jeremia 16:19

Ai Rwot, in i tek mera ki cel gogona matek ka ma ariŋo alaro iye i kare me can, rok ducu gibia gibino boti, kun gia ki i agikki lobo, ma giwacci, “Kwarowa yam guleyo gin ma tere pe, lok goba keken, guleyo jami ma konygi pe ma pe gunoŋo iye magoba mo.

Jeremia 17:17

Pe ibed gin ma kelo lworo bota; in i kalarrena i kare ma noŋo piny rac.

Ejekiel 38:19

Atuco lok ka maleŋ ki nyeko me akemona ma lyel alyela ni, I nino meno oyeŋyeŋ biyeŋo lobo matek.

Kocea 11:10

Gibilubo kor Rwot, ci en bimor macalo labwor; eyo, en bimor, litinone gibibino gia ki tuŋ potoceŋ ma komgi myel;

Amoc 1:2

Amoc owacci, “Rwot mor ki i Cion, dwane winnye ki i Jerucalem; olet pa lukwat otwo woko, got Karmel bene wiye oner.”

Amoc 3:8

Labwor doŋ okok; aŋa ma lworo pe mako? Rwot Lubaŋa doŋ oloko; aŋa ma pe tito lokke?”

Nakum 1:7

Rwot gire ber, en aye ka kanne i kare me caŋ; dok en ŋeyo jo ma riŋo laro bote.

Aggai 2:6

Pien Rwot me mony owaco kuman ni, Odoŋ kare man ok keken, abiyeŋo polo ki lobo, nam ki ŋom mutwo,

Aggai 2:7

Dok abiyeŋo rok ducu, wek lonyo me rok ducu obin iye, ka doŋ abipoŋo ot man ki deyo, man Rwot me mony aye owaco.

Jekaria 10:12

Abimiyo gibedo matek i Rwot, gibinyatte ki wot i nyiŋe,” man lok pa Rwot kikome.

Jekaria 10:6

“Abimedo tek bot jo me ot pa Juda, dok abilaro ot pa Yucepu. Abidwokogi cen pien kica omaka i komgi, gibibedo macalo jo ma yam pe akwerogi, pien an a Rwot Lubaŋagi, abigamo doggi.

Jekaria 9:12

Wudok cen wa i cel gogowu, wun lumabuc ma tye ki gen, tin atuco atir ni abiculo waŋe kiryo.

Jo Ibru 12:26

I kare maca, dwane oyeŋo Iobo; ento kombeddi en ociko ni, “Odoŋ kicel, pe doŋ abiyeŋo lobo keken, ento abiyeŋo wa polo bene.”

Niyabo 11:13

I cawa meno cutcut oyeŋyeŋ madit twatwal oyeŋo piny,. ci dul acel me apar me gaŋ meno omukke opoto woko piny. Oyeŋyeŋ meno oneko jo alip abiro, jo mudoŋ lworo omakogi matek, ci gumiyo deyo bot Lubaŋa me polo.

Niyabo 11:19

Ka doŋ giyabo ot pa Lubaŋa ma tye i polo, ci canduk me gicikke onen woko i ot pa Lubaŋa. Kot ocako cwer kun mor, mwoc amwoca ma lutkot wil awila, ki dwan owinnye maloŋo me mor pa piny, oyeŋyeŋ ocako yeŋo piny, ki pee bene ocorre madwoŋ twatwal.

Niyabo 16:18

Ci lutkot ocako wil awila, mor winnye matek, ki mwoc pa kot, ki oyeŋyeŋ madit oyeŋo piny, kit oyeŋyeŋ mo ma peya yam onen cakke ma dano gubedo i lobo; oyeŋyeŋ meno obedo dit adada.

1 Camuel 15:29

Lubaŋa ma en Deyo pa Icrael pe bi loko goba, kadi ŋut bene; en pe dano ma kono oŋut-ti.”