Joel 3:12 - Acoli Baibul

¹² Wek rok ducu doŋ gumukke, gubin, gubin kany wa i nota pa Yekocapat; an abibedo piny kunnu ka ŋolo kop ki rok ducu ma orumo kany.

Joel 3:12 Iomraidhean Croise

2 Tekwaro 20:26

I nino me aŋwenne gucokke i nota Beraka, pien gubedo ka pwoyo Rwot ki kenyo; mumiyo nyiŋ kabedo meno gilwoŋo ni nota Beraka nio wa onyoo.

Jabuli 7:6

Ai Rwot, a malo ki akemoni, ci ilweny i kom lukworra ma gubino magwa i koma-ni; ai Lubaŋana, co woko, pien in aye iciko pi nino me ŋolo kop.

Jabuli 96:13

i nyim Rwot, pien obebino ka ŋolo kop ki lobo. En ‘biŋolo kop ma tye atir i kom lobo; biŋolo kop i kom rok ducu ki adane.

Jabuli 98:9

i nyim Rwot, pien obebino ka ŋolo kop i kom lobo. En biŋolo kop ma atir i kom lobo, biŋolo kop pa lwak me rok ducu maromrom.

Icaya 2:4

En biŋolo kop i kin rok mapol, dok biŋolo kop pa lwak rok mapol; gibiteto pala lucwangi doko lak kweri dyaŋ, ki toŋigi doko pala me ŋolo jaŋ olok; rok mo pe bitiŋo pala lucwan i kom rok wadigi, pe doŋ gibimedde ki pwonyo lweny.

Icaya 22:1

Man lok ma pire tek ma gitito i kom luŋ ma Lubaŋa onyuto iye ginanyuta mogo bot Icaya. Aŋo ma dok otimme ma wun ducu wutye malo i wi odiwu?

Icaya 3:13

Rwot doŋ obino woko ka pido, en ocuŋ ka ŋolo kop I kom lwakke.

Ejekiel 30:3

Ninone doŋ cok, en nino ma Rwot bitic iye-ni, Man bibedo nino ma opoŋ ki pol keken, en aye bene kare ma can bipoto kwede i kom rok ducu.

Ejekiel 39:11

Rwot Lubaŋa owacci, “I nino meno abimiyo kabedo me yik bot Gog i lobo Icrael, i Nota pa Luwot, ma tye yo tuŋ wokceŋ me nam me Kado. Gog ki jo me dul monnye ducu gibiyikogi kunnu, ci notane doŋ gibilwoŋo ni Nota me Mony pa Gog.

Joel 3:14

Lwak madwoŋ, lwak madwoŋ gucokke, i nota me moko tam. Pien nino pa Rwot doŋ tye cok, i nota me moko tam.

Joel 3:2

abicoko rok ducu, abikelogi i nota pa Yekocapat. Ci abinologi kop ki kunnu, pi jona Icrael ma ginaleyana, pien gukeyogi woko i kin lurok, dok gupoko lobona woko,

Mika 4:3

En biŋolo kop i kin rok mapol, dok biŋolo kop pa lwak rok matego ma gitye ka mabor; gibiteto pala lucwangi doko lak kweri dyaŋ, ki toŋigi doko pala me ŋolo jaŋ olok; rok mo pe bitiŋo pala lucwan i kom rok wadigi, pe doŋ gibimedde ki pwonyo lweny;

Jekaria 14:4

I nino meno tyene bicuŋ i wi got me Jeituni, ma tye i nyim Jerucalem tuŋ wokceŋ; got me Jeituni bibarre iye aryo, cakke ki tuŋ wokceŋ dok kwede tuŋ potoceŋ, kun weko luŋ malac twatwal. Nucu got tuŋ cel bidok tuŋ acam, ki nucune mukene-ni bidok tuŋ acuc.

Niyabo 19:11

Lacen aneno polo oyobbe, cut atugi neno aguragura matar! Ŋat ma obedo i wiye gilwoŋo ni ŋat ma Genne dok me Ada, gin ma en timo ducu tye atir i ŋolo kop kadi wa i lweny bene.