Joel 2:3 - Acoli Baibul

³ Mac waŋ i nyimgi, ki tuŋ ŋegi bene mac tye ka lyel. I nyimgi lobo nen calo poto Eden, ento tuŋ ŋegi calo tim ma odoŋ nono; gin ma obwot iye pe,

Joel 2:3 Iomraidhean Croise

Acakki 13:10

Ci Lot ocako tiŋo waŋe malo, ka oneno nota Jordan ducu ma iye ki pii macalo poto pa Rwot, rom ki lobo Ejipt mudok yo tuŋ Joar; man yam otimme i kare ma Rwot peya ojwero Codom ki Gomora.

Acakki 2:8

Rwot Lubaŋa opito yadi i poto ma tye i Eden, tuŋ wokceŋ: en aye oketo iye dano ma en ocweyo-ni.

Jabuli 50:3

Lubaŋawa tye ka bino, en pe biliŋ, mac mager tye ka waŋ i nyime, yamo magwa ma kodo matek orume woko dyere.

Jabuli 97:3

Mac telo nyime, waŋo lumerokke ma gugure dyereni woko.

Buk me Aryo pa Moses ma Gilwoŋo Nia 10:15

Pien oumo lobo woko lipuk, ma lobo ocido woko licuc, ci gucamo gin mutwi ducu ma i lobo ki nyig yadi ducu ma yam pee onoyo; gin madyak mo pe odoŋ, kadi yat, kadi gin mutwi ma i poto ma i lobo Ejipt ducu.

Buk me Aryo pa Moses ma Gilwoŋo Nia 10:5

giumo lobo woko lipuk, pe tye ŋatti mo ma bineno lobo; ci gibicamo gin ma pee oŋoyo botwu, ka dok gibicamo yadiwu ducu ma doŋo i poto.

Icaya 14:17

Pe en aye ma yam omiyo lobo odoko calo tim aroo, ma obedo ka reto gaŋi ma iye woko liweŋ, ma pe oye ni mabucce gucit paco?’

Icaya 15:6

Pii ma i Nimrim doŋ otwo woko liweŋ; lum oner woko pe doŋ lot, gin mo ma twi bene doŋ pe matwal.

Icaya 33:4

Giyako jami calo okwil ma camo cam i poto; ma gipye apyeya iye calo bonyo,

Icaya 51:3

Pien Rwot bikweyo cwiny Cion; bikweyo cwiny kabedone ducu ma gibalo woko, tim ma iye bibedo calo Eden, ki tim aroo mutwo bibedo calo poto pa Rwot; yomcwiny madwoŋ bibedo tye kunnu, kun dano giwero wer me pwoc ki me pak.

Icaya 9:18

Pien tim maraco waŋ woko calo mac, waŋ calo okuto ki ocok ma wan imac; gamo agaba ma i buŋa, kun gin ducu gidoko yito ma duny cito malo.

Icaya 9:19

Pien akemo pa Rwot me mony omiyo lobo tye ka waŋ ki mac, jo ma gibedo iye ducu doŋ gudoko calo yen ma waŋ i mac; pe tye ŋat mo iye ma timo kica ki ominne.

Jeremia 5:17

Gibicamo kal ma wukayo ki camwu mukene woko liweŋ; gibicamo awobewu ki anyirawu woko; gibicamo dyegiwu ki romiwu kadi wa dyaŋiwu woko; gibicamo olokwu ki odurowu. Gaŋiwu ducu ma girumogi ki cel gogo ma wugeno-ni gibijwero wo ko ki pala licwan.”

Ejekiel 36:35

Gibiwacci lobo man ma yam odoko tim ata-ni, doŋ olokke odoko calo poto Eden, dok gaŋi ma yam gijwero igi odoŋ nono ma gudoko obur-ri kombeddi doŋ dano gibedo i igi dok bene gigero cel gogo orumogi woko dyere.

Amoc 7:4

Rwot Lubaŋa dok onyutta man: nen, Rwot Lubaŋa onoŋo tye ka ciko ni giŋol kop i kom jone ki mac; ci mac owaŋo kut matut otyeko woko, obedo ka waŋo lobo-ni.

Kabakuk 1:6

Wunen, atye ka kela jo Kaldaya, gin rok mager, ma girune me bino oyotoyot, ma giwoto giŋolo dye lobo arii, wek gimak kabedo pa jo mukene ma pe megi,

Jekaria 7:14

“Aketogi woko ki yamo lapiru ma oterogi i kin rok ducu ma yam pe giŋeyo. Kit meno omiyo lobo ma guweko oballe woko, pe tye ŋatti mo ma bedo ka wirre iye, omiyo lobo ma yomo cwiny dano odoŋ obur.”