Joel 2:2 - Acoli Baibul

² nino me colpiny ki me mutu, nino me pol ki mutu macol licuc. Rok madit, ma jone tego, gumone i wi got macalo piny macollicuc; rok mo macalo man peya onen nia wa con, dok pe binen i anyim i kare pa yalwak ducu.

Joel 2:2 Iomraidhean Croise

Jabuli 10:6

En ta mo ki i cwinye kun wacci, “Gin mo pe ma biloya; i kare me kwona ducu pe abineno can,”

Jabuli 97:2

Pol ki mutu mucido licuc ogure woko dyere; kit ma atir ki ŋolo kop ma tye atir aye miyo komkerre cuŋ matek.

Buk me Aryo pa Moses ma Gilwoŋo Nia 10:14

Ci bonyo ocorre i lobo Ejipt ducu, ci obuto, ori i lobo ducu me Ejipt, lwak bonyo mumukke madwoŋ ma yam pe tye, ma dok pe binen.

Buk me Aryo pa Moses ma Gilwoŋo Nia 10:6

Gibipono i odini ki i odi pa luticci ducu ki i odi pa jo Ejipt ducu; bibedo gin ma yam wegiwu ki kwariwu pe guneno nia i nino na giketogi wi lobo nio wa i nino man.” Ka olokke ci okato woko ki bot Parao.

Buk me Aryo pa Moses ma Gilwoŋo Nia 20:21

Ci lwak gucuŋ ki cen ka mabor, kun Moses cito cok ki pol macol licuc ka ma Lubaŋa tye iye.

Icaya 5:30

Gibinur i kome i nino meno, macalo nam ma mor. Ento ka ce iloko waŋi me neno lobo, ci ibineno colpiny ki can keken, kun noŋo pol oumo wan cen woko.

Icaya 8:22

dok gibikulo wigi kun gineno piny i lobo, ento pe gibinoŋo gin mo, gibineno can ki ‘colpiny keken, ki mutu mucido licuc me arem madwoŋ: gibicwalogi i colpiny mucido Licuc. Yo mo bibedo pe me bwot ki i arem madwoŋ.

Jeremia 13:16

Wumi deyo bot Rwot Lubaŋawu ma pud peya okelo colpiny, ma pud tyenwu pe ogwaŋŋe i wi godi ma piny ribiribi; ma pud peya noŋo olokke odoko mutu macol licuc, en leŋpiny ma onoŋo wutye ka genone-ni.

Jeremia 13:6

I ŋe nino mapol Rwot dok owacca ni, “A malo icit wa i kulu Euprate ci ikwany boŋo me aruka ma yam aciki ni icikan kunnu-ni.”

Koko 1:12

“Man pe gin mo ki tuŋ botwu, wun ducu ma wutye ka kato akata ki i ŋeta-ni? Wulok waŋwu wunen ka tye cwercwiny mo, ma rom ki cwercwinv ma gikelo i koma-ni ma Rwot omiyo opoto i koma, i kare ma kinigane olyetti woko marac i koma-ni.

Ejekiel 32:7

Ka doŋ atyeko neki woko, ci abiumo pol woko, kun amiyo lakalatwene ducu gicido macol licuc; abimiyo pol umo ceŋ woko, ki dwe bene doŋ pe biryeny ma miyo derone caro piny.

Ejekiel 34:12

Kit macalo lakwat keto kwede cwinye me yenyo romine ma guket woko i kabedo ma tye ka maboco-gu, kit meno bene an abiketo cwinya me gwoko romina, abilarogi, akwanyogi woko ki i kabedo ducu ma yam guket iye i nino me pol ki mutu mapek macol licuc.

Ejekiel 38:9

Doŋ en ki dul monnye kacel ki lwak me rok mapol ma gitye kacel kwede, gibibino calo yamo lapiru ka lweny, ma giumo lobo woko calo pol ma oumo piny.”

Daniel 12:1

“I kare meno Mikael bibino, ma en rwot madit ma loyo rokwu. Dok kare me can bibedo tye, kit can macalo man peya onen cakke wa con i kare pa rok mo-ni nio kwede wa i kare meno. I kare meno aye gibilaro iye rokwu, jo ma gibinoŋo yam gicoyo nyiŋgi i buk.

Daniel 9:12

In doŋ icobo gin ma yam oloko i komwa ki i kom luloc ma onoŋo giloyowa, ci ikelo can madit i komwa; kit tim man pud peya nen i piny ma tye i te polo, en kit gin acel-lu ma yam gitimo i kom Jerucalem.

Joel 1:6

Pien rok mo doŋ obino ka lweny i kom lobona, mony matek ma pe kwanne, Lakgi calo lak labwor, lakgi boco calo lagili lak min labwor.

Joel 2:25

Abiculo waŋ mwaka ducu ma bonyo abum ocamo, ki bonyo adwek, ki lagara, ki labar, mony mera madit ma cen acwalo i dyewu,

Joel 2:31

Cen bicido woko macol, dwe bidoko remo ma noŋo nino pa Rwot madit ma kelo lworo peya oo.

Joel 2:5

Gipye i wi lacol godi, kun gimor calo gadigadi lweny, gimor calo leb mac ma waŋo reŋ kal mutwo; gical ki dul mony matek ma oyubbe pi lweny.

Joel 3:4

“Wun jo Turo ki jo Cidon, ki wun jo ducu ma i lobo Piliciti, wun kono wudoko gin aŋo ki bota? Wun wumito cula pi gin mo ma atiyo? Ka ce wucula, ci abidwoko cul me tim mewu i wiwu kenwu oyotoyot dok aruya bene.

Amoc 4:13

Pien nen ba, ŋat ma lacwe godi dok laket yamo, ma tito tamme bot dano, nar ma loko rupiny doko piny macol, ki ma nyono wi lobo malo, nyiŋe Rwot, Lubaŋa me mony!

Jepania 1:7

Wuliŋ mot i nyim Rwot Lubaŋa! Pien nino pa Rwot doŋ tye cok; Rwot doŋ otyeko yubo gitum, dok olonyo welene.

Jekaria 14:6

I nino meno ŋico ki koyo bibedo pe.

Matayo 24:21

Pien i kare meno twon can madit atika bitimme iye, ma yam peya onen i lobo, nia wa i acakki lobo nio kwede wa onyoo, dok pe bene binen.

Marako 13:19

Pien i kare meno bibedo iye twon can madit atika ma yam peya onen i lobo, nia wa i acakki lobo ma Lubaŋa oketo-ni, nio kwede wa onyoo, dok bene pe binen.

Nwoyo Cik 32:7

Po i kom kare ma yam con ca, tam pi lwak mwaka pa yalwak macon. Peny woru, ci binyutti maber, ki ludoŋowu bene gibititti.

Jo Ibru 12:18

Pien wun pe wubino i gin ma gitwero gudo kome, ki mac ma yam olyel i wi got Cinai, ki colpiny me mutu ma ocido woko licuc, ki yamo lapiru matek,

Juda 1:13

Gical bene ki nam ma twagge mager ki bwoyo me lewicgi; gin lakalatwe ma wirre atata ma Lubaŋa otyeko yubo kakagi woko i kabedo macol licuc pi kare ma pe gik.

Niyabo 9:2

En oyabo dog bur, ci yito oduny ki i doge calo yito ma oa ki i ruk mac madit adada ma tye i keno, ceŋ ki yamo gucido woko ki yito ma oa ki i bur.