Joel 2:16 - Acoli Baibul

¹⁶ wucok dano kacel. Wulony lwak mucokke; wugur ludoŋo kacel; wucok litino bene, wa lukere ma gitye i kor. Lanyom oa woko owek ode, nyako ger bene owek kicikane,

Joel 2:16 Iomraidhean Croise

2 Tekwaro 20:13

I kare-nu onoŋo jo Juda gucuŋ i nyim Rwot, ki jo ma gikwo i komgi, mongi ki litinogi.

2 Tekwaro 29:5

ocako waco botgi ni, “Wuwiny lokka, wun Lulevil Kombeddi wulonnye kenwu, dok wulony ot pa Rwot. Lubaŋa pa kwariwu, obed maleŋ, wukwany cilo woko ki i kabedo man maleŋ,

2 Tekwaro 30:17

Onoŋo tye jo mapol i cokke ma pe gulonnye kengi; pi meno omiyo Lulevi guneko latin romo me Kato (Paska) pi ŋat acel acel ma pe olonnye, wek obed leŋ pi Rwot.

2 Tekwaro 30:19

ma oketo cwinye ka bino bot Lubaŋa, Rwot Lubaŋa pa kwarine, kadi bed pe ogwoko cik me kabedo maleŋ ma mako lok kom lonnye.”

2 Tekwaro 35:6

Kit meno doŋ wunek litino romi me Kato (Paska), wulonnye kenwu, wuyub gin ma mitte pi utmegiwu, wek gulub lok pa Rwot ma Moses ociko.”

Yubu 1:5

Ka kare me karamagi otum, ci Yubu yam cwalo kwena, Iwoŋogi ci lonyogi. En a malo odiko con, tyero gitum awaŋa muporo welgi ducu, pien Yubu noŋo tamo ni, gwok nyo awobene gubalo, pi yeto Lubaŋa la i cwinygi. Yubu yam timo kit meno jwijwi.

Jabuli 19:5

ma bino macalo lanyom ma a woko ki i kicikane, macalo laco ma kome tek ma riŋo i ŋwec ki yomcwiny.

Buk me Aryo pa Moses ma Gilwoŋo Nia 19:10

ci Rwot owaco bot Moses “Cit bot dano, ilonygi tin ki diki, gulwok boŋogi,

Buk me Aryo pa Moses ma Gilwoŋo Nia 19:15

Ka owaco bot lwak ni, “I nino adekke noŋo doŋ wuyubbe; pe wubed cok ki mon.”

Buk me Aryo pa Moses ma Gilwoŋo Nia 19:22

Dok imi ajwagi ma gibino cok bot Rwot, gulonnye kekengi, wek Rwot pe otugge i komgi.”

Joel 1:14

Wukwer kare me ri kec, wulwoŋ cokke madit me woro Lubaŋa, Wucok ludoŋo ki jo ducu ma gibedo i lobo man, gubin i ot pa Rwot Lubaŋawu, gukok bot Rwot.

Matayo 21:16

Gupenye ni, “Iwinyo gin ma jo-nu tye ka wacone?” Yecu ogamo ni, “Awinyo. Yam pe wukwano ni, ‘Wer ma litino lukere ki litino ma pud dot giwero me paki ber atika’?”

Matayo 9:15

Ci Yecu odok iye botgi ni, “Lurem lanyom twero kumo ma noŋo lanyom pud tye kacel kwedgi? Kare bibino ma gibikwanyo lanyom woko ki botgi, ka doŋ gibiri kec i kare meno.

1 Jo Korint 7:5

Dano acel acel pe myero okwer pi kome bot lawote, kono gwok nyo pi kare manok mo keken ma wuyubo ayuba dok wuye kacel, wek wunoŋ kare me bedo ka lego Lubaŋa. Ka lacen dok wuribbe kacel, wek Catan pe obitwu, pi miti ma wutye kwede ma pe jukke.

Yocwa 7:13

A malo wek ilony lwak gubed maleŋ kun iwaco ni, ‘Diki myero wulonnye kekenwu wubed maleŋ, pien Rwot Lubaŋa pa Icrael owaco kuman ni, “Jami ma gidyero tye i kinwu, wun jo Icrael. Pienno pe wutwero cun i nyim lumerokwu nio waŋ ma wukwanyo jami ma gidyerogi woko ki i kinwu.”

Yocwa 8:35

Lok acel mo pe odoŋ i kom lok ducu ma Moses yam ociko ma Yocwa pe okwano i nyim kacokke pa jo Icrael ducu, kacel ki mon ki litino ki lubedo ma gibedo i kingi.

1 Camuel 16:5

Ogamo ni, “Abino ki kuc. Abino ka tyero gitum bot Rwot. Wulonnye kekenwu wubed maleŋ, ka wubin kacel kweda ka tyero gitum.” Olonyo Yece ki awobene gubedo maleŋ ci olwoŋogi i ka tyero gitum.