Joel 2:10 - Acoli Baibul

¹⁰ Lobo yenne i nyimgi ka giwoto, polo bene yeŋŋe, Cen ki dwe gucido macol, lakalatwe bene doŋ pe giryeny,

Joel 2:10 Iomraidhean Croise

Jabuli 114:7

In lobo, myero iyeŋŋe, pien Rwot doŋ cok bino; yeŋŋe i nyim Rwot, Lubaŋa pa Yakobo,

Jabuli 18:7

Cutcut lobo oyeŋŋe ma morre pe twerre, te godi bene ducu guyegge woko ma giyeŋŋe matek, pien kiniga onoŋo omako Lubaŋa.

Icaya 13:10

Pien lakalatwe me polo ki kulgi mapatpat pe gibiryeny; ceŋ bicido woko macollicuc ma pud noŋo tuc atuca ki tuŋ wokceŋ, dwe bene pe biryeny,

Icaya 34:4

Lakalatwe me polo ducu bitop woko, polo bidolle woko calo buk adola. Monygi ducu bipoto woko piny, kit ma pot olok o kwede piny, kit ma pot oduro poto kwede piny ki i wi jaŋe,

Icaya 5:30

Gibinur i kome i nino meno, macalo nam ma mor. Ento ka ce iloko waŋi me neno lobo, ci ibineno colpiny ki can keken, kun noŋo pol oumo wan cen woko.

Jeremia 4:23

Ka aneno lobo, ci aneno oballe woko odoko obur, laboŋo gin mo ma odon iye; ki malo i polo kuca, lakalatwe ki dwe bene pe giryeny.

Joel 2:2

nino me colpiny ki me mutu, nino me pol ki mutu macol licuc. Rok madit, ma jone tego, gumone i wi got macalo piny macollicuc; rok mo macalo man peya onen nia wa con, dok pe binen i anyim i kare pa yalwak ducu.

Joel 2:31

Cen bicido woko macol, dwe bidoko remo ma noŋo nino pa Rwot madit ma kelo lworo peya oo.

Joel 3:4

“Wun jo Turo ki jo Cidon, ki wun jo ducu ma i lobo Piliciti, wun kono wudoko gin aŋo ki bota? Wun wumito cula pi gin mo ma atiyo? Ka ce wucula, ci abidwoko cul me tim mewu i wiwu kenwu oyotoyot dok aruya bene.

Amoc 5:8

Ŋat ma otiyo lakalatwe, Yoggo ki Lyemyim, ŋat ma loko colpiny doko odiko, ma ci do dyeceŋ doko wor, ŋat ma lwoŋo pii me nam, ci coro woko i wi lobo, nyiŋe Rwot.

Nakum 1:5

Godi ducu giyeŋŋe ka Rwot onen, cere-gu leny i nyime; piny doŋ noŋo matar ligwek, lobo ki jo ducu ma gibedo iye komgi myel.

Matayo 24:29

“Oyotoyot i ŋe can madit me kare meno bibedo kit macalo yam gicoyo ni ‘Ceŋ bicido woko macol licuc, ki dwe bene pe biryeny, lakalatwe bia ki i polo gipoto piny, ki twer ducu ma i polo bene biyeŋŋe’;

Matayo 27:51

Ci nen, boŋo kicika ma i ot pa Lubaŋa oyec opokke woko i dul aryo, cakke ki malo, nio kwede wa i tere piny. Piny oyeŋŋe, ki pata-gu gubar woko;

Tic Pa Lukwena 2:20

Ceŋ bicido woko macol, dwe bidoko makwar calo remo, ma noŋo nino pa Rwot peya obino, nino madit ki me deyo madwoŋ.

Niyabo 20:11

Dok aneno komker mo madit matar, ki ŋat ma obedo i wiye. Lobo ki polo gua ki i nyime guriŋo woko, ento pe dok ginoŋo kabedo mo pigi.

Niyabo 6:12

I kare ma en oyabo ka ma gimwono me abicelle, aneno, ci nen, oyeŋyeŋ oyeŋo lobo matek twatwal, omiyo ceŋ ocido woko macol lucuc calo boŋo cola, ki dwe odoko kwar calo remo.

Niyabo 8:12

Lamalaika me aŋwenne okuto tumme, ci gin mo ogoyo dul acel me adek me ceŋ woko, ki dul acel me adek me dwe, ki dul acel me adek me lakalatwe, mumiyo dulgi me acel me adekke odoko col; dero mo ma ryeny obedo pe pi dul acel me adek me dyeceŋ ki dul acel me adek me dyewor bene.

Niyabo 9:2

En oyabo dog bur, ci yito oduny ki i doge calo yito ma oa ki i ruk mac madit adada ma tye i keno, ceŋ ki yamo gucido woko ki yito ma oa ki i bur.