Joel 2:1 - Acoli Baibul

¹ Wukut gwara i Cion, wugo oduru i wi got mera maleŋ! Wuwek jo ducu ma bedo i lobo komgi omyel, pien nino pa Rwot tye ka bino, doŋ cok,

Joel 2:1 Iomraidhean Croise

1 Tekwaro 15:28

Yam jo Icrael ducu gukelo canduk me gicikke pa Rwot kit meno, ma giwayo ma rwatte ki koko bila, ki tum, ki atego agoya-gu, kun giwero ki nana ki opuk-gu maloŋo.

Jabuli 119:120

Koma ducu myel amyela pi lworo in, locci me ŋolo kop omiyo apoŋ ki lworo.

Jabuli 87:1

Rwot ogero gaŋŋe i wi got maleŋ;

Buk me Aryo pa Moses ma Gilwoŋo Nia 10:14

Ci bonyo ocorre i lobo Ejipt ducu, ci obuto, ori i lobo ducu me Ejipt, lwak bonyo mumukke madwoŋ ma yam pe tye, ma dok pe binen.

Icaya 13:6

Wukok, pien nino pa Rwot doŋ tye cok; bibino calo to-piny ma oa ki bot Won Twer Ducu!

Icaya 13:9

Wunen, nino pa Rwot tye ka bino. En ger, dok akemo ki kiniga mo mager omake, ma bimiyo lobo doŋ obur, tyeko lubalo woko ducu ki iye.

Icaya 2:12

Pien Rwot me mony tye ki ninone, pi gin ducu ma wakke ki ma lyerre, pi gin ducu ma tye malo, ma oille malo;

Icaya 66:2

Jami magi ducu atiyogi ki ciŋa, pi meno jami magi ducu gubedo mega. Man Rwot aye ma owaco. Doŋ man aye dano ma abiciko waŋa i kome, dano mamwol, ma ŋut bene i cwinye, dok ma kome myeli lok ma an awaco.

Icaya 66:5

Wuwiny lok pa Rwot, wun jo ma komwu myel i lokke, “Utmegiwu ma gidagwu, ma guryemowu wucito woko cen pi nyiŋa, doŋ giwaco ni, ‘Koŋ wumi doŋ deyo bot Rwot wek koŋ wanen yomcwinywu’; ento gin aye gigi ma gibiweko lewic makogi kekengi.

Jeremia 16:10

“Ka doŋ itito lok magi ki lwak man, ce gupenyi ni, ‘Piŋo Rwot kono otimo gin marac macalo man i komwa? Wabalo aŋo? Kit bal aŋo ma waŋ watimo i kom Rwot Lubaŋawa?’

Jeremia 16:7

Pe tye ŋat mo ma binywako cam kacel ki dano ma tye ki kumo, wek okwe cwinye pi dano muto ca. Dano mo bene pe bimiyo ginamata mo ma nyuto cwiny me kica bot ŋat ma wonne nyo minne oto.

Jeremia 4:5

Wutit lok man i Juda, kun wutuco pire bene i Jerucalem, ma wuwacci, “Wukut tum wek kokone orom i lobo woko ducu; wudaŋŋe matek kunwuwacci, ‘Wucokke kacel wek wacitu i gaŋi me cel gogo-gu!’

Jeremia 5:22

Pe wulwora? Man Rwot ma owaco. Komwu bene pe myel i nyi ma? Aketo kweyo obedo waŋ apokki pi nam, apokki ma ri nakanaka ma en pe twero kato ki iye; kadi bed biamwonyi me nam twagge, pe bibalo woko, kadi piine mor, pe biromo kato ki i wiye.

Ejekiel 12:23

Kombeddi doŋ itit botgi gin ma an Rwot Lubaŋa amito wacone pi lok man. Abigiko tic ki carolok meno woko. Pe dok gibibedo ka tic kwede i Icrael matwal. Ento tit botgi ni, ‘Kare doŋ oo, ki ginanyuta ducu doŋ bicobbe kakare.’

Ejekiel 21:12

Wod pa dano, daŋŋe matek kun ikok kwede, pala lucwan man gimiyo pi neko jona, ki pi neko rwodi ducu me Icrael. Gibinekogi woko kacel ki jona ma gudonne-gu ducu. Mumiyo myero idoŋ emi pi gen ma doŋ orwenyo woko!’

Ejekiel 30:3

Ninone doŋ cok, en nino ma Rwot bitic iye-ni, Man bibedo nino ma opoŋ ki pol keken, en aye bene kare ma can bipoto kwede i kom rok ducu.

Ejekiel 33:3

Ka ce oneno lukwor gibino i lobo, ci kutotum wek dano guŋe komgi;

Ejekiel 33:6

Ento ka ce lakur-piny oneno lukwor bino ce pe ‘okuto tum, wek otit bot dano guŋe komgi, ce lukwor gubino guneko ŋat mo ki i kingi; doŋ dano ma ‘kit meno bito i balle, mumiyo abidwoko alii me tone i wi lakur-piny.

Ejekiel 7:10

“Nen, nino tye ka bino! Topinywu doŋ obino woko. Tim bwami tye ka medde ameda, ki wakke bene doŋ omedde adada.

Ejekiel 7:12

Kare doŋ oo, nino doŋ onyiko cok. Lawil jami myero cwinye pe obed yom, kadi lacat jami bene pe myero obed ki kumo, pien akemo pa Lubaŋa bipoto i komgi ducu maromrom.

Daniel 6:26

Aketo kombeddi cik ni, i kabedo ducu ma i te locca madit-ti dano ducu myero komgi omyel dok gubed ki lworo i nyim Lubaŋa pa Daniel, pien en aye Lubaŋa makwo, ma bedo nakanaka; kerre bene pe gituro, locce bene pe bigik.

Daniel 9:16

Ai Rwot, kit macalo gin ducu ma itiyo tye atir, jwa kinigani ki akemoni woko ki i kom Jerucalem ma en aye gaŋ kaili ki gotti maleŋ, pien pi bal mewa aye, ki pi bal mapol ma yam kwarowa gutimo, omiyo Jerucalem kacel ki lwakki gudoko lok aboka i kin rok ducu ma gibedo ka netwa ma gurumowa dyere,

Daniel 9:20

Kumeno abedo ka lok kun alego, atuco balla ki pa lutuwa jo Icrael, kun bene akelo lega me bako doga i nyim Rwot Lubaŋana pi got mere maleŋ.

Kocea 5:8

Wukut bi la i Gibea, wukut gwara i Rama. Wugo oduru i Bet-awen; komi omyel, in Benjamin!

Kocea 8:1

Wukut gwara! Pien acut tye malo i wi ot pa Rwot; pien guturo gicikkena, gukalo wi cikka.

Joel 1:15

Oyi, nino-ni do! Pien nino pa Rwot doŋ cok, bino macalo to-piny ma Won Twer Ducu ocwalo.

Joel 2:11

Dwan Rwot mwoc, winnye ki i nyim monnye; monnye tek makato, ŋat ma cobo lok ma en oloko noŋo tek twatwal. Pien nino pa Rwot dit, kelo atiba i kom dano; aŋa mono ma twero ciro?

Joel 2:15

Wukut gwara i Cion, wukwer kare me ri kec; wulwoŋ cokke madit me woro Lubaŋa,

Joel 2:31

Cen bicido woko macol, dwe bidoko remo ma noŋo nino pa Rwot madit ma kelo lworo peya oo.

Joel 3:14

Lwak madwoŋ, lwak madwoŋ gucokke, i nota me moko tam. Pien nino pa Rwot doŋ tye cok, i nota me moko tam.

Joel 3:17

“Kit meno wubiŋeyo ni an a Rwot Lubaŋawu, ma abedo i Cion ma got mera maleŋ, Jerucalem bene bibedo maleŋ, ci lurok doŋ pe gibibaro dyere matwal.

Amoc 3:6

Obute ka gikuto i gaŋ, lworo pe mako dano? Gin marac poto i gaŋ, ma Rwot aye pe otiyo?

Amoc 5:18

Wun jo ma wumito nino pa Rwot komwu kec! Piŋo wumito nino pa Rwot? Piny bibedo col i nino meno laboŋo leŋo mo.

Amoc 8:2

Ci owacca ni, “Amoc, ineno gin aŋo?” Agamo ni, “Aduku ma tye iye nyig yadi me acama ma gicek i agikki mwaka.” Rwot dok owacca ni, “Agikki doŋ oo i kom jona jo Icrael; pe dok abikato ki ka ŋetgi.

Obadia 1:15

Pien nino pa Rwot doŋ cok bino i kom rok ducu. Gin ma wun doŋ wutyeko timo, gibitimo i komwu bene, tim mewu bidwogo i wiwu gire.

Jepania 1:14

Nino madit pa Rwot tye cok, tye cok dok tye ka bino oyotoyot; dwan me nino pa Rwot, dwan magwar, dano matek kok iye ki dwan maloŋo.

Jepania 1:16

nino me koko gwara ki woo me lweny i kom gaŋi ma gicelo matek ki i kom cel ma gigero maboco.

Jepania 1:7

Wuliŋ mot i nyim Rwot Lubaŋa! Pien nino pa Rwot doŋ tye cok; Rwot doŋ otyeko yubo gitum, dok olonyo welene.

Jepania 3:11

“I nino meno pe gibiketo lewic i komi pi tim ma ijemo kwede i koma; i ka re meno abikwanyo woko ki i kinwu jo ma yam giŋatte ma gikette malo; pe dok wubimedde ki lyerre i wi gotta maleŋ.

Jekaria 14:1

Nen ba, nino pa Rwot tye obebino, ma jami ma onoŋo giyako ki botwu gibipokogi woko i kinwu.

Jekaria 8:3

Rwot owaco kuman ni, Abidwogo wa i Cion, ci abibedo wa i dye Jerucalem, pienno Jerucalem gibilwoŋo ni gaŋ me agena, got pa Rwot me mony, got maleŋ.

Malaki 4:1

“Pien nen, nino bibino ma waŋ calo keno ma mac tye iye; jo ma wakke, ki lutim maraco ducu gidoko macalo ren kal; nino ma bino-ni biwaŋogi woko, pe dok biwekogi lwite kadi jaŋe, man lok ma Rwot me mony owaco.

Buk me Aŋwen pa Moses ma Gilwoŋo Wel 10:2

“Yub tum aryo me ryal ma ibitetogi ki nyol, ci ibitic kwedgi me lwoŋo lwak ki pi cako wot.

Buk me Aŋwen pa Moses ma Gilwoŋo Wel 10:3

Ka gikuto tum aryo ducu, ci lwak ducu gibicokke kacel boti i doggola kema me rwatte,

1 Jo Korint 14:8

Buriji bene ka pe gikuto i dwan me lwoŋo kikome, ci aŋa ma biyubbe pi cito i lweny?

Jo Pilipi 2:12

Pi meno, wun ma amaro, macalo yam wuwinyo lokka i kare ducu ma onoŋo pud atye botwu, myero wubed ki winy makato kare kombeddi ma doŋ atye bor kwedwu-ni. Wuti tic me cobo larwu kenwu kenwu ki lworo kacel ki myelkom,

1 Jo Tecalonika 5:2

pien wun kikomwu doŋ wuŋeyo maber ni, nino pa Rwot bibino macalo lakwo ma bino i dyewor.

Yakobo 5:8

Wun bene wudi cwinywu, wucuŋ matek, pien dwogo pa Rwot doŋ cok.

1 Petero 4:7

Agikki me jami ducu doŋ cok; pi meno wugwok kitwu, kun wuloyo mitiwu kenwu, wek wumine i lego Lubaŋa.

Niyabo 6:17

pien nino madit me akemogi doŋ oo, ci aŋa ma bitwero cuŋ iye?”