Joel 1:2 - Acoli Baibul

² Wuwiny lok man, wun ludoŋo muteggi, wuter itwu, wun jo ducu ma wubedo i lobo man, Gin macalo man yam otimme i karewu, nyo i kare pa kwarowu?

Joel 1:2 Iomraidhean Croise

Yubu 12:12

Ryeko bedo bot jo muti, ri i wi lobo miyo dano niaŋ i te lok mapol.

Yubu 15:10

Dano muti ki dano ma wiye ki lwar gitye i kinwa, gin aye guri i wi lobo makato woru,

Yubu 21:7

Piŋo jo maraco gibedo kwo, giri dok tekogi woto ki medde?

Yubu 8:8

“Pienno alegi, peny kwarowa macon, ci it am ni gin aŋo ma yam kwarogi gubedo ka yenyo;

Jabuli 49:1

Wuwiny lok man, wun lwak me rok ducu! Wuwiny, wun jo ducu ma wubedo i wi lobo,

Icaya 34:1

Wubin wunyik cok, wun rok ducu wek wucik itwu wuwiny! Jo ducu ma bedo i lobo, myero gubin guwiny.

Icaya 7:17

Rwot bimiyo kare mo bino i komi ki i kom lwakki, ki i kom jo me doggola me ot pa kwaru ma yam peya onen cakke ma jo Epraim gupokke woko ki jo Juda; en bikelo kabaka me Aciria.”

Jeremia 30:7

Maa do! Nino marac tye ka bino, pe tye nino mo ma rom kwede; en aye nino me can bot likwayo pa Yakobo; kadi bed kumeno gibilarogi ki i can meno.”

Jeremia 5:21

“Wuwiny lok man, wun lumiŋ ki jo ma wiwu odiŋ, ma wanwu tye, ento pe wuneno, ma itwu tye, ento pe wuwinyo.

Daniel 12:1

“I kare meno Mikael bibino, ma en rwot madit ma loyo rokwu. Dok kare me can bibedo tye, kit can macalo man peya onen cakke wa con i kare pa rok mo-ni nio kwede wa i kare meno. I kare meno aye gibilaro iye rokwu, jo ma gibinoŋo yam gicoyo nyiŋgi i buk.

Kocea 4:1

Wuwiny lok pa Rwot, wun jo Icrael; pien Rwot tye ki da i kom jo ma bedo i lobo man; pien ada pe, mar pe, ki ŋec mo i kom Lubaŋa bene pe i lobo.

Kocea 5:1

Wuwiny lok man, wun ajwagi pa Lubaŋa, wuket cwinywu, wun ot pa Icrael. Wucik itwu, wun ot pa kabaka. Pien kop ma giŋolo otiko komwu; pien wun wubedo owic i Mijpa, ki obwo ma giciko i wi Tabor.

Joel 1:14

Wukwer kare me ri kec, wulwoŋ cokke madit me woro Lubaŋa, Wucok ludoŋo ki jo ducu ma gibedo i lobo man, gubin i ot pa Rwot Lubaŋawu, gukok bot Rwot.

Joel 2:2

nino me colpiny ki me mutu, nino me pol ki mutu macol licuc. Rok madit, ma jone tego, gumone i wi got macalo piny macollicuc; rok mo macalo man peya onen nia wa con, dok pe binen i anyim i kare pa yalwak ducu.

Amoc 3:1

Wuwiny lok ma Rwot doŋ oloko i komwu, wun jo Icrael, i kom kaka ducu ma yam akwanyogi woko ki i lobo Ejipt:

Amoc 4:1

“Wuwiny lok man, wun dyaŋi me Bacan, ma bedo i wi got me Camaria. Wun mon ma wuburo lucan, ma wuninyo jo ma piny obwoyogi, wun ma wuwaco bot cogwu ni, ‘Kel, wek wamati!’

Amoc 5:1

Wuwiny lok man ma awero i komwu macalo wer kumo, wun jo me ot pa Icrael:

Mika 1:2

Wuwiny, wun rok, wun ducu; cik iti in lobo, ki gin ducu ma tye iye, wek Rwot Lubaŋa obed caden ma nyuto bal i komwu, kun lokke winnye ki i ot mere maleŋ,

Mika 3:1

Awacci, Wuwiny, wun ludito ma telo wi jo pa Yakobo ki wun luloc me ot pa Icrael! Pe ticwuaye me ŋeyo ŋolokop atir?

Mika 3:9

Wuwiny man, wun lutel wi jo pa Yakobo ki wun luloc me ot pa Icrael, ma wudag ŋolo kop atir kun wubalo te kop ducu ma tye atir,

Matayo 13:9

Ŋat ma tye ki it me winyone owiny.”

Matayo 24:21

Pien i kare meno twon can madit atika bitimme iye, ma yam peya onen i lobo, nia wa i acakki lobo nio kwede wa onyoo, dok pe bene binen.

Niyabo 2:7

Ŋat ma ite tye myero owiny lok ma Cwiny Maleŋ oloko bot lwak ducu ma guye an. Abimiyo ŋat ma oloyo camo yat me kwo ma tye i poto pa Lubaŋa.’