Joel 1:11 - Acoli Baibul

¹¹ Lewic omakwu, wun lupur, wukok matek, wun lupur olok pi naŋo ki cayiri; pien cam me poto doŋ olal woko.

Joel 1:11 Iomraidhean Croise

Icaya 17:11

kadi wumi gutwi i nino meno ma wupitogi iye-ni, dok kadi wumiyo gituru woko i odiko ma gipitogi iye, ento pe wubikayo iye gin mo, wubibedo ki can ki arem ma pe gik keken.

Jeremia 14:2

“Juda tye ka kumo gaŋine bene tye ka to woko. Jo Juda ducu gibuto piny ki twon cwercwiny mo ma pe wacce; ma noŋo jo Jerucalem gitye ka kok matek adada pi kony.

Jeremia 50:16

Pe myero wuwek lucoc guco kodi i Babilon, ki jo ma gimako pala me kayo kac bene obed pe. Larok mo keken ma bedo kunnu bibedo ki lworo i kom mony ma tye ka lweny ci bimiyo dok cen i lobone kikome.

Jeremia 9:12

Dano mene maryek ma wacci etwero niaŋ lok man? Rwot mono oloko lok magi bot aŋa, ni wek otit lokke? Pmo lobo doŋ oballe woko odoko wi obur calo tim ma iye odoŋ nono, ma dano mo pe wok kato ki iye?

Ejekiel 30:2

Owacci, “Wod pa dano, tit lok kun iwaco gin ma an a Rwot Lubaŋa atye ka lokone kuman ni, “Wukok ni, ‘Tin aye nino ma kelo lworo!’

Amoc 5:16

Pi meno Rwot, Lubaŋa me mony ma en Rwot, owaco kuman ni, “Koko bibedo i dyekal ducu; i waŋa yo ducu dano bikok ni, ‘Aya! Aya!’ Gibilwoŋo lupur ni gubin ka kumo, ki jo ma ŋeyo wer lyel wek gubin, gukoki.

Jo Roma 5:5

Genwa meno pe kelo botwa cwercwiny, pien Cwiny Maleŋ doŋ omiyo gionyo mar pa Lubaŋa woko i cwinywa.