Jabuli 99:3 - Acoli Baibul

³ Wek gin ducu gipak nyiŋi madit me deyo ma kelo lworo! En ŋat Maleŋ!

Jabuli 99:3 Iomraidhean Croise

Icaya 6:3

Onoŋo gitye ka wer ma ŋat acel acel gamo dog lawote ni, “Rwot me mony leŋ, leŋ dok leŋ; lobo ducu opoŋ ki deyone.”

Nwoyo Cik 28:58

“Ka pe wugwokke ka lubo lok ducu ma i cik man ma gicoyo i buk man wek wubed ka lworo nyiŋ me deyo ki mapek pa Rwot, Lubaŋawu,

Jabuli 111:9

En okelo lar bot jone, dok oketo gicikkene kwedgi me bedo matwal. En leŋ dok myero gilwore!

Niyabo 4:8

Doŋ lee makwo aŋwen-ni onoŋo lee acel acel bwome tye abicel, ma waŋgi noŋo pol ata, muromo komgi woko ducu ki yo tuŋ woko wa ki yo tuŋ i iye bene. Dyeceŋ ki dyewor pe giweko wer ni, “Rwot Lubaŋa Matwero-ducu leŋ, leg dok leŋ, en ŋat ma yam tye con, koni tye, dok bibino!”

Jiri Ma Jon Ocoyo 17:11

An pe dok abedo i lobo, ento gin gitye i lobo, an abino boti. Won Maleŋ, gwokgi i nyiŋi ma con imiya, wek gibed acel macalo wan acel.

Jabuli 145:17

Gin ducu ma Rwot tiyo tye atir, gin ma en timo ducu tiyo ki mar.

Jabuli 66:3

Wuwac bot Lubaŋa ni, “Gin me aura ducu ma itiyo ma kelo lworo ditte rom mene! Tweroni giri dit mada, miyo lumoneni ducu gimwolle amwola i nyimi.

Nekemia 4:14

Aneno gin ma tye ka timme, ci aa malo awaco bot ludito ma gin lutel wic, ki ludito ma giloyo lwak, ki bot lwak ducu ni, “Pe wubed ki lworo mo i kom lukworwa. Wupo ni Rwot dit dok gilworo; pienno wun wulweny matek pi jo me lobowu, pi litinowu, pi monwu, ki pi pacowu.”

Nekemia 1:5

Alego kun awacci, “Ai Rwot Lubaŋa me polo, in idit, dok wabedo ki lworo i nyimi. In Lubaŋa me ada dok igwoko gicikkeni ki mar meri ma pe lokke pi jo ma gimari dok ma gilubo cik meri.

Yocwa 24:19

Ento Yocwa dok owaco bot lwak ni, “Pe wutwero tiyo bot Rwot, pien en Lubaŋa maleŋ, en Lubaŋa ma lanyeko. Pe bitimowu kica i kom tim aranyiwu ki balwu,

Nwoyo Cik 7:21

Pe atiba omaki i komgi, pien Rwot Lubaŋawu tye i kinwu, ma en Lubaŋa madit ma ryaŋo kom dano.

Jabuli 76:1

Dano giŋey Lubaŋa maber twatwal i Juda, nyiŋe bene dit i Icrael.

1 Camuel 2:2

“Pe tye ŋatti mo maleŋ macalo Rwot, ŋatti mo pe, kono in keken; got mo pe ma rom ki Lubaŋawa.

Jeremia 20:11

Ento in, Rwot, it ye kweda, in oteka lweny ma gilworo, pi meno jo ma giketo ayelayela i koma gibiyokke atata; pe gibiloya kadi matidi mo. Lewic bimakogi matek mada, pien pe doŋ gitwero loyo. Lewic ma bimakogi-ni bedo matwal, wi dano pe biromo wil i kome wacel.

Jabuli 76:12

pien en dwoko rwodi ma luwakke woko piny, dok miyo luker me lobo gibedo ki lworo madwoŋ.

Nekemia 9:32

“Kombeddi, ai Lubaŋawa madit, ma won twero, dok in Lubaŋa ma gilworo, pien igwoko gicikkeni ki mar meri ma pe lokke, can mapek twatwal-li pe iwek obed gin matidi mo ki tuŋ boti, can meno opoto i komwa, ki i kom lukerwa, ki i kom rwodiwa, ki i kom ajwagiwa, ki i kom lunebiwa, ki i kom kwarowa, ki i kom lwakki ducu, nia wa i kare pa luker me Aciria nio kwede wa onyoo.

Nekemia 9:5

Dok gin Lulevi magi, Yecwa, Kadmiel, Bani, Kacabneya, Cerebia, Kodia, Cebania ki Petakia guwacci, “Wua malo wupak Rwot Lubaŋawu; wupake nakanaka. Wek dano acel acel opak nyiŋi me deyo makato ducu, ai Rwot, kadi bed pwoc ki pak pa dano pe rom ki ditti.”

Jabuli 100:4

Wudony i dog gaŋ mere ki pwoc, ki i dyekal mere kun wupake, wupwoye, wupwo nyiŋe!

Jabuli 103:1

Pwo Rwot, in tipona; kwona ducu myero opak nyiŋ Rwot maleŋ!