Jabuli 99:1 - Acoli Baibul

¹ Rwot tye ka loc, wek rok ducu komgi omyel! En obedo i WI komker mere ma gicibo i wi lukerubi; wek lobo oyeŋŋe!

Jabuli 99:1 Iomraidhean Croise

Jabuli 97:1

Rwot tye ka loc; wek lobo obed ki yomcwiny; wek lobo ma i dog nam ducu cwinygi obed yom!

Buk me Aryo pa Moses ma Gilwoŋo Nia 25:22

An abirwatte kwedi kunnu, ci abilok kwedi ki malo i wi kom me kica, ki i kin lukerubi ma gitye malo i wi canduk lok me caden-ni, kun aloko kwedi i kom cik ducu ma abimiyi pi jo Icrael.

Jabuli 97:4

Lutkotte mil menyo lobo; lobo neno ci yeŋŋe.

Jabuli 93:1

Rwot tye ka loc, orukke ki deyo me twer; Rwot orukke, ma otweyo pyere ki tek. Iyo, lobo doŋ ocuŋ matek, pe giromo dirone;

Niyabo 20:11

Dok aneno komker mo madit matar, ki ŋat ma obedo i wiye. Lobo ki polo gua ki i nyime guriŋo woko, ento pe dok ginoŋo kabedo mo pigi.

Jabuli 80:1

Winywa, in lakwat pa jo Icrael, in ma itelo wi jo pa Yucepu macalo itelo wi lwak romi! In ma ibedo i wi komkerri i kom lukerubi, ryeny menypiny

Niyabo 11:17

kun giwacci, “Wamiyo pwocwa boti, in Rwot Lubaŋa Matwero-ducu, in ma itye dok ma yam ibedo tye wa con, pien doŋ imako tekoni madit ci icako loc.

Niyabo 6:14

Ci polo bene orwenyo woko liweŋ calo karatac ma gidolo, kadi ki got ki cula nam gikobogi woko ducu ki ka-kargi.

Jo Pilipi 2:12

Pi meno, wun ma amaro, macalo yam wuwinyo lokka i kare ducu ma onoŋo pud atye botwu, myero wubed ki winy makato kare kombeddi ma doŋ atye bor kwedwu-ni. Wuti tic me cobo larwu kenwu kenwu ki lworo kacel ki myelkom,

Luka 19:27

Ento lukworra magi, ma gin gukwera ni pe alogi-ni, wukelgi kany, wunekgi ki pala lucwan i nyima.’ ”

Luka 19:14

Ento dano me lobone gukwere, gucwalo lukwena i kore ki lok ni, ‘Pe wamito dano man olowa.’

Luka 19:12

Pi meno owaco ni, “Yam tye wod ker mo ma oa ocito i lobo mabor ka limo twerone me loc ka doŋ odwog cen.

Jeremia 50:46

Ka Babilon opoto, ci morre bimiyo lobo yeŋŋe, ki koko oduru ma gigoyo pire bene biwinnye wa i kin rok mukene ducu.”

Jeremia 49:21

Ka Edom opoto ci morre bimiyo lobo yeŋŋe, ki koko oduru bene biwinnye ka mabor wa i Nam Makwar.

Jeremia 5:22

Pe wulwora? Man Rwot ma owaco. Komwu bene pe myel i nyi ma? Aketo kweyo obedo waŋ apokki pi nam, apokki ma ri nakanaka ma en pe twero kato ki iye; kadi bed biamwonyi me nam twagge, pe bibalo woko, kadi piine mor, pe biromo kato ki i wiye.

Jeremia 4:24

Aneno wi godi, ci aneno gitye ka yeŋŋe ayeŋa ni yegeyege, cere-gu noŋo tye ka wirre liwir ma gigwennye agweriya,

Icaya 19:14

Rwot doŋ oketo cwiny me adwala i igi; omiyo jo Ejipt doŋ gicatte acata i gin ducu ma gitiyo, kit macalo lamero cato kwede i nokke.

Jabuli 96:10

Dano guwac i kin lurok ni, “Rwot tye ka loc! Ada, lobo ocuŋ matek ma pe yeŋŋe; en biŋolo kop i kom dano maromrom.”

Jabuli 18:10

Oito i wi lakerubi ci otuk kwede, oriŋo madwir i dye yamo.

Jabuli 2:6

“An doŋ atyeko keto kabakana i wi Cion, ma en got mera maleŋ.”

Jabuli 82:5

Pe gitye ki ŋec, dok niaŋ mo bene pe, giwoto megi ata i colpiny; te guti me lobo ducu tye ka yeŋŋe.

2 Camuel 6:2

Ci Daudi ocako a ki jone ducu ma gitye kwede, gucito i Baale-juda ka omo canduk pa Lubaŋa, ma gilwoŋo ki nyiŋ Rwot me mony ma bedo wi komkerre malo ka wi lukerubi,

1 Tekwaro 16:30

komwu omyel i nyime, wun lobo ducu; ada, lobo ocuŋ matek ma pe yeŋŋe.

Jabuli 80:2

I nyim kaka pa Epraim, pa Benjamin ki pa Manace! Nyut tekki, ci ibin ilarwa!

Jabuli 96:9

Wuwor Rwot ki, boŋo maleŋ; komwu omyel i nyime, wun lobo ducu!

Ejekiel 43:7

kun wacca ni, “Wod pa dano, man aye kabedo ka ma komkerra bedo iye, dok bene en aye kabedo ka ma ateno iye tyena; en aye ka ma abibedo iye i kin jo Icrael matwal. Doŋ jo Icrael, nyo lukergi, pe gibimedde ki balo nyiŋa maleŋ-ŋi, kun giwoi o lubaŋa mukene nyo gucibo gin me po lukergi mogo ma doŋ guto woko-gu,