Ejira 9:8 - Acoli Baibul

⁸ Ento pi kare manok keken Rwot Lubaŋawa, kica omaki i komwa, ci imiyo jo mukene ki i kinwa gubwot dok gubedo i kabedo maleŋ-ŋi mot maber. Lubaŋawa iweko wabwot ki i opii dok imiyowa kwo manyen.

Ejira 9:8 Iomraidhean Croise

2 Luker 19:4

Gwok nyo Rwot Lubaŋani doŋ otyeko winyo lok pa Lara bcake ducu, ma laditte kabaka me. Aciria ocwale kwede ka nywaro Lubaŋa makwo-ni, ci bimiyo lokke, ma Rwot Lubaŋani owinyo-ni, bedo me ajuya. Pienno, tin legani malo pi jo ma gubwot, ma gudoŋ-ŋi.”

Ejira 9:9

Onoŋo wan opii, ento in Lubaŋawa pe yam iwekowa ata i kare ma watye i opii, Dok inyuto mar meri ma pe lokke i nyim luker me Percia, omiyo guwekowa makwo dok guye ni wager ot pa Lubaŋawa odoco, ki yubo jami muballe i oburre, gumiyo gigwokowa bene maber i Judaya ki i Jerucalem.

Nekemia 1:11

Ai Rwot, kombeddi winy legana ki lega pa luticci mukene-gu ma gitye ki cwiny me woro in, Mina gum tin, imi kica omak kabaka i koma.” I kare meno onoŋo an abedo ladit ma loyo lok i kom kono yino ma kabaka mato.

Nekemia 9:31

Ento pi kicani madwoŋ omiyo pe ityekogi woko, dok bene pe ibwotogi ata; pien onoŋo in Lubaŋa ma i won kica madwoŋ, ma kica maki twatwal.

Yubu 33:30

pi miyo en odwog cen, wek pe olor i bur, ento onen ceŋ me kwo.

Jabuli 13:3

Nen tuŋ bota ci igam doga, ai Rwot Lubaŋana. Meny waŋa, wek pe anin nino me to,

Jabuli 13:4

miyo lukworra giwacci, “Watyeko loyo en woko!” Dok pe iwek lukworra gubed ki yomcwiny ni pien doŋ apoto i can,

Jabuli 138:7

Kadi bed awoto ma can oruma woko dyere, in pud igwoko kwona; iryeyo ciŋi me juko akemo pa lukworra, ci ilara ki ciŋ i ma lacuc.

Jabuli 34:5

Wuŋen bote, wek wanwu oryeny ma noŋo cwinywu yom, wek lewic pe omakwu.

Jabuli 85:6

Pe ibidwoko cwinywa i komi doki aye, wek wan lwakki wabed ki yomcwiny piri?

Carolok 29:13

Rwot aye ma omiyo waŋ bot gin aryo-ni me neno piny, bot dano ma lacan ki bot ŋat ma uno eno

Latitlok 12:11

Lok ma dano maryek waco ducu obedo macalo dim, dok calo cumar ma giguro odonyo matek, en gin lok ma Lakwat acel loko.

Icaya 1:9

Kono nene Rwot me mony pe oweko dano mogo gudoŋ, kono wabedo calo Codom, kono doŋ wadoko calo Gomora.

Icaya 14:3

Kare ma Rwot bimiyowu iye yweyo i kom can mewu, ki i kom myelcwiny ma wubedo kwede ki tic mapek ma wubedo ka tiyone,

Icaya 56:5

abimiyo botgi gin mo me po nyiŋgi ma bibedo i ot ka ma giwora iye i dye gaŋŋa, maber makato bedo ki litino awobe nyo litino anyira; abimiyo botgi nyiŋ ma bedo matwal, ma pe birwenyo kadi ki acel.

Icaya 57:15

Lubaŋa ma en ŋat Mamalo Twal, ma bedo nakanaka i kabedo ma otiŋŋe malo, ma bedo matwal, ma nyiŋe len-ni, owaco ni, “An abedo i kabedo maleŋ ma otiŋŋe malo, dok bene abedo kacel ki ŋat mamwol, ma cwinye cwer, dok ma ŋut, pi miyo kwo manyen bot jo ma cwinygi cwer dok ma giŋut,

Icaya 6:13

Kadi bed acel me apar pa jo ma onoŋo gubedo kenyo gudoŋ iye, pud dok gibiwaŋogi woko aye, calo kworo nyo opok, ma ajutte odon, ma noŋo doŋ gityeko toŋo kom vat woko piny.” Ajutte aye bedo kodi maleŋ.

Jeremia 42:2

ci guwaco bot lanebi Jeremia ni, “Tim gin ma waŋ wabako dogwa boti pire! Leg Rwot Lubaŋawa piwa. Leg pi waŋ ducu ma wadon ‘lam onoŋo wadwoŋ, ento kit macalo ineno, kombeddi doŋ wadon jo manok keken.

Jeremia 44:14

Pe tye ŋat mo ki i kom jo Juda ma gudoŋ ma gubino ka bedo i Ejipt ma bibwot dok bedo kwo. Dano mo acel i kingi pe bidok cen i Juda, ka ma gitye ka tamo ni myero gidok cen gicibed iye-ni. Ŋat mo ma bidok cen pe, kono luriŋ ayeta mogo manok keken aye gibidok kunnu.”

Ejekiel 14:22

Ka ce inen ŋat mo obwot obedo kwo ce olaro litinone, ka gubino botwu myero wunengi. Ci wubineno kit ma kitgi ki gin ma gitimo ducu rac kwede, man miyo wubiye ni can ma abiketo i kom Jerucalem tye kakare.

Kocea 6:2

Ka nino okato aryo, en bicerowa woko, i nino me adekke bimiyowa kwo, wek dok wabed ma komwa yot i nyime.

Kabakuk 3:2

Rwot, atyeko winyo pi gin ma itiyo, tic ma itiyo omiya lworo ki myel kom. Dok iti aye i karewa tic madito ma yam ibedo ka tiyogi i kare mukato, wek ticci onene i dye mwaka ducu; bed lakica kadi bed kiniga maki.

Jepania 3:12

Jo mamwol ma lucan abiweko doŋ i kinwu, Gin jo ma gudoŋ i Icrael,

Jekaria 10:4

“Got me twoke bia i kingi, teke me guro kema bene bia ikomgi, atum me lweny bene bia i komgi, dok luloc ducu bene gibia i komgi.

Jekaria 8:12

An abimiyo kuc romo kabedo ducu, olok binyako nyige, lobo biceko cam, ki polo bene bimiyo toyo luk i kome; abimiyo jo ma gudoŋ-ŋi camo jami magi ducu.

Jekaria 8:6

Rwot me mony owaco kuman ni, Ka ce lokke obedo me aura i nyim jo ma gudoŋ i kare man, myero lokke obed me aura wa i nyima bene? Man lok pa Rwot me mony kikome,

Jo Roma 9:27

Icaya bene yam okok ki dwan maloŋo i kom Icrael ni, “Kadi wel jo Icrael obed rom ki kweyo me dog nam, jo mogo manok ki i kingi ma gudoŋ aye gibibwot;

Niyabo 3:12

Ŋat ma oloyo, abimiyo doko wir i ot pa Lubaŋana, pe bia kato woko ki iye. Abicoyo nyiŋ Lubaŋana, ki nyiŋ gaŋ pa Lubaŋana i kome, Jerucalem manyen ma bia ki i polo bot Lubaŋana bibino piny, dok bene ki nyiŋa kikome manyenne.

1 Camuel 14:27

Ento Yonacan onoŋo pe owinyo ka wonne kwoŋo kwoŋ kun ciko ki dano. Kit meno en oluto iye wi odoo ma onoŋo tye i ciŋe, ci orwako i peda kic, orwako ciŋe i doge; ci waŋe ocako gony woko.

1 Camuel 14:29

Yonacan ogamo ni, “Wora okelo can i lobo. Nen kit ma waŋa ogony kwede pien atyeko bilo moo kic man manok.