Ejira 9:7 - Acoli Baibul

⁷ Cakke i kare pa kwarowa nio wa kombeddi wan ki lwakki wabedo ka timo lwak bal mapol, Doŋ pi balwa, omiyo wan ki lukerwa, ki ajwagiwa yam gimiyowa i Ciŋ luker ma i lobo pa lurok, ginekowa ki pala lucwan, ki i rok kunnu giyakowa, dok gitimowa ki tim me lewic, macalo watye i kare man.

Ejira 9:7 Iomraidhean Croise

1 Luker 8:47

Ka cwinygi otamo lok ki i lobo ma giterogi iye i opii-ni, ce guŋut ci gubako doggi boti ki i lobo ma gitye iye i ciŋ luyakgi, kun gikok ni, ‘Wabalo, wanak woko ata, wati yo lwak bal-gu mapol’,

2 Tekwaro 29:6

Kwariwu guŋayo waŋ Rwot woko. Gubedo ka timo gin ma nen marac i waŋ Rwot Lubaŋawa: gutyeko bwoto en woko, ma guloko wangi ka mukene ma cwinygi pe i kom Rwot.

2 Tekwaro 30:7

Pe wubed macalo kwariwu ki utmegiwu, ma guŋayo waŋ Rwot Lubaŋa pa kwarigi-ni, pi meno Lubaŋa omiyo lobogi odoko obur kit macalo wutye ka nenone.

2 Tekwaro 34:24

Rwot owaco kuman ni, Nen ba, abikelo gin marac poto i kom kabedo man, ki i kom jo ma gibedo iye, pi co bo lok ducu ma giceno ki dano ina gicoyoi buk ma gikwano i nyim kabaka me Juda.

Ejira 9:13

Lacen i ŋe lok magi ducu ma opoto i komwa pi balwa ma watimogi ki pi alii madit ma watiŋo, kadi bed in, ai Lubaŋawa ineno maber, ci doŋ iketo can i komwa manok ma pe oporo lwak bal ma watimo, dok ikonyowa omiyo wabwot watye makwo-ni.

Nekemia 9:30

Ibedo ka jukogi pi mwaka mapol, kun ijukogi ki Cwiny meri ma con otiyo i i lunebini; ento gin pe guwinyo. Omiyo iwekogi gubedo i te loc pa lwak me lobo me rok mukene.

Icaya 64:4

Cakke yam con ŋat mo gire pe owinyo, ŋat mo pe ma owinyo ki ite, ŋat mo bene pe oneno Lubaŋa mapat kono in keken, Lubaŋa ma tiyo tic pi jo ducu ma tye ka kure.

Jeremia 25:18

Jerucalem ki gaŋi ducu me Juda, kacel ki lukergi ki rwodigi ducu gumato; pi meno lobogi doŋ bidoko tim aroo ma iye odoŋ noŋo, bimiyo dano gijwat kun giuru, miyo dano gibitic ki nyiŋgi macalo lok lacen dano kit macalo tye kwede wa onyoo-ni.

Jeremia 3:25

Weku doŋ wabutu piny ki lewicwa-ni, wek tim maraco me lewic ma watimo aye oum komwa woko; pien doŋ watyeko timo bal i kom Rwot Lubaŋawa, waŋ kacel ki kwarowa, cakke wa ka tinowa o kwede wa onyoo. Dok bene pe wabedo ka lubo lok pa Rwot Lubaŋawa.”

Jeremia 32:23

Ento i kare ma doŋ gubino gudonyo i lobo man dok gucamo obedo megi, pe gulubo gin ma icikogi kwede dok bene pe gulubo pwonnyi wacel, pe gutiyo gin mo kadi ki acel i kom gin ma yam icikogi ni guti-ni. Pi meno en aye mumiyo ikelo can man iketo i komgi.

Jeremia 32:32

pi gin marac ma jo magi gutimo: jo Icrael ki jo Juda, kacel ki lukergi, ki lutel megi, ajwagigi ki lunebigi, jo Juda ki jo Jerucalem.

Jeremia 44:22

I kare-ni lobowu doŋ odoko obur laboŋo dano mo ma bedo iye. Odoko gin ma kelo lworo madwoŋ bot dano, ma dano gitiyo ki nyiŋe macalo gin me ceno dano, pien Rwot doŋ onoŋo pe twero ciro gin maraco ki gin me kwer ma wubedo ka timone.

Jeremia 44:9

Wiwu mono doŋ owil woko i kom gin maraco ma gitimo i gaŋi me Juda ki I yo me Jerucalem, ma kwarowu gutimo, dok luker me Juda kacel ki mongi, ki wun bene kacel ki monwu wutimo?

Koko 5:7

Kwarowa yam gubalo, ci guto woko matwal; balgi aye ma doŋ okelo can i komwa.

Ejekiel 11:9

Abikwanyowu ki i dye gaŋ akelowu woko, ci amiyowu i ciŋ lurok. Doŋ atyeko ŋolo kop me to i wiwu;

Ejekiel 39:23

Lurok doŋ gibigeyo ni jo Icrael yam giterogi i opii pi balgi, pien onoŋo gutimo bal maraco atika i koma, mumiyo aloko geya woko botgi ci amiyo Lukworgi gumakogi ka gunekogi ducu ki pala lucwan.

Buk me Aŋwen pa Moses ma Gilwoŋo Wel 32:14

Ci nen, wun bene dok wua malo kun wuleyo ka wegiwu, wun litino pa lubalo, miyo wubimedo dok kiniga pa Rwot doko mager t kom jo Icrael!

1 Camuel 12:15

Ento ka’ ce pe wubiwinyo dog Rwot, nyo wujemo ma wukwero cik pa Rwot woko, ci ciŋ Rwot bipoto i komwu ki i kom kabakawu,