Ejira 9:6 - Acoli Baibul

⁶ kun awacce ni, “Ai Lubaŋa, lewic maka mada me ilo wiya ka atye i nyimi, ai Lubaŋana, pien bal ma wan watimo odurre madit lipim ma kato wiwa woko, ki alii mewa otorre madit lipim malo oo wa i polo.

Ejira 9:6 Iomraidhean Croise

Acakki 13:13

Jo ma i Codom onoŋo jo maraco, balgi dwoŋ twatwal i nyim Rwot.

1 Luker 8:47

Ka cwinygi otamo lok ki i lobo ma giterogi iye i opii-ni, ce guŋut ci gubako doggi boti ki i lobo ma gitye iye i ciŋ luyakgi, kun gikok ni, ‘Wabalo, wanak woko ata, wati yo lwak bal-gu mapol’,

2 Tekwaro 28:9

Ento lanebi pa Rwot onoŋo tye kunnu, ma nyiŋe Oded; en ocito ka rwatte ki mony ma onoŋo ocito i Camaria, ci owaco botgi ni, “Nenu, kiniga omako Rwot Lubaŋa pa kwariwu i kom jo Juda ci omiyogi i ciŋwu, ento wun wunekogi ki akemo madwoŋ mada ma pire owinnye wa i polo.

Ejira 9:13

Lacen i ŋe lok magi ducu ma opoto i komwa pi balwa ma watimogi ki pi alii madit ma watiŋo, kadi bed in, ai Lubaŋawa ineno maber, ci doŋ iketo can i komwa manok ma pe oporo lwak bal ma watimo, dok ikonyowa omiyo wabwot watye makwo-ni.

Ejira 9:15

Ai Rwot Lubaŋa pa Icrael, in iporre, pien imiyo wabwot ki i lak to. Nen, watuco bal aliiwa boti, pe watye ki kit twero mo me cuŋ i nyimi pi bal man.”

Nekemia 1:6

Rwot, nen an, dok iwiny legana, ma atye ka legone dyeceŋ ki dyewor pi luticci, lwak me Icrael. Atuco balwa i nyimi ni, wan jo Icrael, watyeko timo bal i nyimi. Iyo, an ki jo me doggola pa kwara watimo bal.

Yubu 40:4

“Nen ba, an pe a gin mo ada, ci abigamo lokki niŋniŋ? Pe doŋ abiŋamo doga ka lok.

Yubu 42:6

Pi meno acane kekena, aŋut ma abuku koma woko ki apwa ki buru.”

Jabuli 38:4

Balla doŋ oketo koma woko; gipek calo yec ma pe aromo tiŋone,

Jabuli 38:5

Waŋ burra kwok maŋwe pi minona,

Buk me Aryo pa Moses ma Gilwoŋo Nia 32:31

Kit meno Moses odok bot Rwot, owaco ni, “Maa do, lwak man gutimo bal, madit; gutimo lubaŋa me jabu pigi kengi.

Icaya 1:18

“Wubin koŋ kombeddi, wek walar lok kacel, Rwot ma owaco; kadi bed doŋ balwu kwar ma rom mene, bidoko matar calo pee; kadi bed kwar calo pala, bidoko calo yer romo matar.

Icaya 59:12

Pien balwa doŋ odurre mapol i nyimi, roc ma watimo aye doŋ obedo caden i komwa; pud wapo i kom bal wa, waŋeyo gin marac ma watimo.

Jeremia 3:3

Mumiyo kadi kot bene doŋ ojukke woko, ki kot me oro ma onoŋo myero ocwer bene doŋ pe; ento tarwaŋ pud omoro waŋi i tim me kwele, ikwero woko ni lewic pe omaki.

Jeremia 31:19

Onoŋo walokke wabwoti woko, ento i ŋeye cutcut waŋut wabedo ki cwiny me dwogo cen. I kare ma doŋ ityeko keto can i komwa, wakulo wiwa woko ki cwercwiny me can. Lewic omakowa mada dok alee otwodowa woko, pien watimo bal i kare ma onoŋo pud watino.’

Jeremia 51:9

Lurok ma onoŋo gibedo kunnu guwacci, ‘Watemo konyo Babilon ki yat wek ocan, ento onoŋo doŋ pe twero larre. Wubwote, wek wacitu wadoku cen paco, Lubaŋa doŋ otyeko keto can i kom Babilon ki tekke ducu, ci ojwero obalo woko adada.’’’

Jeremia 6:15

Tika yam lewic omakogi i kare ma gutiyo gin me kwer? Pe gire, lewic mo pe omakogi wacel; pe gumiyo waŋgi omyeno wacel ki lewic. Pi meno gin gibipoto calo jo mukene ma doŋ gibipoto-ni i kare ma abiketo can i’ komgi gibitum woko ducu.” Man Rwot ma owaco.

Jeremia 8:12

Tika yam lewic omakogi i kare ma gutiyo gin me kwer? Pe gire, lewic mo pe omakogi wacel; pe gumiyo waŋgi omyeno wacel ki lewic. Pi meno gin bene gibipoto calo jo mukene ma gibipoto; kare ma abiketo can i komgi gibitum woko ducu.” Man Rwot ma owaco.

Koko 3:42

“Waŋ doŋ wabalo dok wajemo, in bene pe iweko bal wa.

Ejekiel 16:63

I kare ma abiweko bal ducu ma yam itimo, ibipo i komgi ci lewic bimaki matek mada ma pe bene doŋ ibinamo dogi ka lok.” Man Rwot Lubaŋa ma owaco.

Lulevi 26:40

“Ento ka gibituco balgi ki bal pa kwarogi pi tim roro ma gutimo i koma, dok pi kemo an marac,

Luka 15:21

Wode owacce ni, ‘Aba, doŋ abalo bot polo ki i nyimi, pe doŋ amyero gilwoŋa ni an a wodi.’

Luka 18:13

Ento lajog-mucoro ocuŋ ka mabor, onoŋo pe mito ilo waŋe malo i plo, ento en odoŋo kore, kun waco ni, ‘Lubaŋa, tima kica, pien an labalo!’

Jo Roma 6:21

Yam wunoŋo gin aŋo i gin ma lewicce kombeddi tye ka makowu-ni? Agikki pa jami macalo meno ducu aye to.

Niyabo 18:5

Pien balle doŋ odurre malo lipim, oo wa i polo, Lubaŋa doŋ opo i kom tim maraco ducu ma yam en otimo.