Ejira 9:3 - Acoli Baibul

³ Ka awinyo lok meno, ci ayeco ginarukana woko, ka aputo yer wiya ki i wiya ki dok aputo yer tika ki i tika bene, acako bedo ma piny orem kweda woko.

Ejira 9:3 Iomraidhean Croise

2 Camuel 1:11

Daudi ocako mako boŋŋine kene, oyecogi woko pi cwercwiny ma omake, Jo ma gitye kwede bene gutimo kit meno.

2 Luker 18:37

Eliakim wod pa Ilkia ma en aye ladit ma loyo jami ma i ot pa kabaka, kacel ki Cebna ma karan, ki Joa wod pa Acap ma laco lok matimme guyeco boŋŋigi, gucito kwede wa bot Kejekia gutitte lok ducu ma Rabcake owaco.

Nekemia 1:4

Ka awinyo lok meno ducu, ci abedo piny akok matek. Abedo ka kumo pi nino mapol; kun ari kec ma pe acamo cam ento abedo ka lego Lubaŋa me polo.

Nekemia 13:25

Akeco i komgi omiyo acenogi woko kun apwodo jo mogo ki i kingi, dok aputo yer wigi woko; amiyo gukwoŋo kwoŋ i nyiŋ Lubaŋa, kun awacci, “Wun pe wubimiyo anyirawu bot awobegi ni gunyom, dok gin bene pe gukwany anyirawu me anyoma pi awobegi kadi wun pe myero wunyomme kwedgi.

Yubu 1:20

Yubu oa malo, oyeco jorre, olyelo wiye, opoto piny i ŋom, oworo Lubaua.

Jabuli 119:53

Akemo malyet omaka woko pi jo maraco, pien gibwoto cikki pe gilubo.

Jabuli 143:4

Pi meno cwinya doŋ ool woko, gen bene doŋ orwenyo woko ki i cwinya.

Jabuli 66:3

Wuwac bot Lubaŋa ni, “Gin me aura ducu ma itiyo ma kelo lworo ditte rom mene! Tweroni giri dit mada, miyo lumoneni ducu gimwolle amwola i nyimi.

Icaya 15:2

Jo Dibon doŋ gucito malo i wan jogigi ka koko kunnu; jo Moab tye ka kok pi Nebo ki pi Medeba, Wi dano ducu doŋ otal woko, yer tik-gu ducu bene doŋ gilyelo woko.

Jeremia 36:24

Ento ŋat mo kadi kabaka nyo luticce ma guwinyo lok magi ducu pe gubedo ki lworo, dok bene pe guyeco boŋŋigi,

Jeremia 7:29

Wulyel yer wiwu ci wubol yerre woko; wucak wo ki koko i kabedo ma odoŋ nono ma i wi godi, pien Rwot doŋ otyeko kwero dok obwoto jo me yalwak man ma akemo omake i komgi-ni.’

Ejekiel 3:15

Acito i Tel Abib, ka ma onoŋo jo ma giterogi i opii gibedo iye, i ŋet kulu Kebar. Abedo kunnu i kingi pi nino abiro kun atye ki ur madit atikatika pi gin ma onoŋo aneno otimme i koma ca.

Ejekiel 7:18

Gibiruko boŋo cola i pyergi, ki lworo madwoŋ bimakogi; lewic bimakogi ducu, gin ducu gibilyelo wigi woko,

Daniel 4:19

Daniel ma nyiŋe mukene Beltecajar koŋ dok cwinye oballe woko pi cawa mo manok, ki tamme ducu opoyo tipo kome woko. Ci kabaka owacce ni, “Beltecajar, pe iwek lek man nyo gonyo tere opo tipo komi.” Beltecajar odokke iye ni, “Rwoda, lek man myero obed pi jo ma gidagi, ki te lokke bene obed pilukworri!

Daniel 8:27

Dok an Daniel, ryeko onoŋo orwenyo woko ki bota, omiyo two omaka abuto kwede pi nino mapol manoknok; ka lacen aa acito ka tiyo tic pa kabaka; ento abedo ka uro ginanyuta meno ma aneno i waŋ lek-ki, dok pe amedo ki niaŋ iye wacel.

Lulevi 21:5

Ajwagi pe gulyel wigi, pe gulyel teŋ yer t ikgi, pe guton komgi.

Mika 1:16

Wulyel yer wiwu woko, wek wiwu obed maleŋ, pi litino ma yomo cwinywu; wuwek wiwu otal woko macalo wi acut, pien litino gibiwekowu, gibiterogi woko i opii.

Yocwa 7:6

Yocwa oyeco boŋone woko, opoto piny aryeba cwiny i nyim canduk pa Rwot nio wa otyeno, en ki Ludoŋo pa jo Icrael, kun gionyo apwa i wigi.