Ejira 9:13 - Acoli Baibul

¹³ Lacen i ŋe lok magi ducu ma opoto i komwa pi balwa ma watimogi ki pi alii madit ma watiŋo, kadi bed in, ai Lubaŋawa ineno maber, ci doŋ iketo can i komwa manok ma pe oporo lwak bal ma watimo, dok ikonyowa omiyo wabwot watye makwo-ni.

Ejira 9:13 Iomraidhean Croise

Nekemia 13:18

Lubaŋawa mo no pe okelo can man i komwa ki i kom gaŋ man ni pien kwarowa bene yam gutiyo kit meno? Wun dok wutye ka medo akemo pa Lubaŋa ni obin i kom jo Icrael pi pyedo cen cabit.”

Nekemia 9:32

“Kombeddi, ai Lubaŋawa madit, ma won twero, dok in Lubaŋa ma gilworo, pien igwoko gicikkeni ki mar meri ma pe lokke, can mapek twatwal-li pe iwek obed gin matidi mo ki tuŋ boti, can meno opoto i komwa, ki i kom lukerwa, ki i kom rwodiwa, ki i kom ajwagiwa, ki i kom lunebiwa, ki i kom kwarowa, ki i kom lwakki ducu, nia wa i kare pa luker me Aciria nio kwede wa onyoo.

Yubu 11:6

En kono oyabo boti muŋ mapol me ryekone, pien tim mua ki i ryekone bedo me aura, Koŋ iŋe ni can ma Lubaŋa oketo i komi pe oporo balli ducu.

Jabuli 103:10

En pe timowa kun poro bal ma watimo, dok pe culo kwor i komwa kun poro kit roc ducu ma watimo.

Koko 3:22

Mar pa Rwot ma pe lokke bedo matwal pe gik, ki kicane bene pe gik.

Kabakuk 3:2

Rwot, atyeko winyo pi gin ma itiyo, tic ma itiyo omiya lworo ki myel kom. Dok iti aye i karewa tic madito ma yam ibedo ka tiyogi i kare mukato, wek ticci onene i dye mwaka ducu; bed lakica kadi bed kiniga maki.

Jo Galatia 3:4

Gin jami mapol madoŋo macalo meno otimme botwu nono? I adane onoŋo otimme ki tyen lok!