Ejira 9:12 - Acoli Baibul

¹² Mumiyo wun pe wumi litinogi gunyom anyirawu, ki litinowu bene pe gunyom anyiragi, wun pe myero wuyeny kuc ki lonyogi ma gitye kwede; wek wubed jo matego, ki dok wucam gin maber ma i lobo, ma wubiweko bene bot litinowu me bedo ginaleyagi matwal.’

Ejira 9:12 Iomraidhean Croise

1 Tekwaro 28:8

Doŋ acikowu i nyim jo Icrael ducu, ki i nyim lwak pa Rwot ducu, ma kun Lubaŋa bene winyo, wun wubed ka gwoko ki ka yenyo cik pa Rwot Lubaŋawu ducu, wek wubed wegi lobo man maber-ri, ci wuwek obed ginaleya matwal bot likwayowu ma gibilubo newu.

2 Tekwaro 19:2

Ento Yeko wod pa Kanani ma lanen-piny aye ocito ka rwatte kwede, ci owaco bot kabaka Yekocapat ni, “In imyero ka konyo jo maraco, ki maro jo ma gidag Rwot? Akemo pa Rwot doŋ otyeko bino ka lweny i komi.

Ejira 9:2

Co ma gin Lujudaya gubedo ka nyomo anyiragi mogo gubedo mongi kikomgi ki mon pa litinogi; omiyo kwa jo maleŋ pa Lubaŋa guribbe woko kacel ki jo mukene ma gibedo i lobo-nu ma gin jo maraco. Ludito ma giloyo lwak kacel ki rwodi aye gubedo lubal madoŋo i lok man.”

Buk me Aryo pa Moses ma Gilwoŋo Nia 23:32

Pe wuket gicikke mo kwedgi, kadi bot lubaŋagi.

Carolok 13:22

Dano ma kite ber weko lonyone bot likwaye macalo ginaleyagi, kun noŋo ŋat ma labal kano mere lonyone pi ŋat ma kite at ir.

Carolok 20:7

Likwayo pa dano ma cwinye leŋ dok ma tiyo gin ma tye atir, gitye ki gum!

Icaya 1:19

Ka ce wuye lok, ma wutye ki winy, ci wubicamo gin mabeco ma ocek i lobo.

Nwoyo Cik 23:6

Pe wutim gin mo ma kelligi kuc ki berbedo matwal, pi kare me kwo mewu ducu.

Nwoyo Cik 23:7

“Pe ii okwer Laedom mo, pien en omeru. Pe ii okwer Laejipt mo, pien yam in labedo i lobone.

Nwoyo Cik 7:3

Pe wunyomme kwedgi kun wumiyo anyirawu bot awobegi nyo wunyomo anyiragi ki awobewu.