Ejira 9:10 - Acoli Baibul

¹⁰ “Kombeddi ai Lubaŋawa, wan dok wawaco aao ki i ŋe lok man mutyeko timme-ni? Doŋ wabwoto lubo cikki woko ducu,

Ejira 9:10 Iomraidhean Croise

Acakki 44:16

Juda ogamo kun waco ni, “Wan wabidok iye lok aŋo, ladit? Wabigamo lok aŋo kono? Wabikwanyo bal i komwa kekenwa niŋniŋ? Lubaŋa otyeko noŋo bal i komwa; nen, wan wadoko opiini, laditwa, wan ducu kacel ki ŋat ma ginoŋo kikopo bote-ni.’

Ejira 9:11

gin cik ma yam iciko dok imiyo owok ki i dog luticci ma lunebi, kun iwacci, ‘Lobo ma wubidonyo iye ka camone me bedo mewu matwal-li, en aye lobo pa jo ma komgi ki keni, pien jo ma gibedo iye gupoŋo lobo meno woko ki tim me kipyeda nia tuŋcel nio kwede i agik lobo tuŋcel dok gubedo jo ma komgi ki keni.

Ejira 9:9

Onoŋo wan opii, ento in Lubaŋawa pe yam iwekowa ata i kare ma watye i opii, Dok inyuto mar meri ma pe lokke i nyim luker me Percia, omiyo guwekowa makwo dok guye ni wager ot pa Lubaŋawa odoco, ki yubo jami muballe i oburre, gumiyo gigwokowa bene maber i Judaya ki i Jerucalem.

Nekemia 9:30

Ibedo ka jukogi pi mwaka mapol, kun ijukogi ki Cwiny meri ma con otiyo i i lunebini; ento gin pe guwinyo. Omiyo iwekogi gubedo i te loc pa lwak me lobo me rok mukene.

Nekemia 9:34

Lukerwa, rwodiwa, kacel ki ajwagiwa, ki kwarowa ducu yam pe gugwoko cikki, dok, pe gulubo gin ma iciko kadi wa jukki ducu ma onoŋo ijukogi kwede.

Jabuli 106:6

Wan kacel ki kwarowa ducu watyeko timo bal; wan watyeko timo roc, watimo gin maraco adada.

Koko 3:22

Mar pa Rwot ma pe lokke bedo matwal pe gik, ki kicane bene pe gik.

Jo Roma 3:19

Waŋeyo ni gin ma cik oloko, loko bot jo ma tye i te cik, wek dano ducu guliŋ woko pe guŋam doggi ka lok, ki wi lobo ducu myero obed i tye ŋolo kop pa Lubaŋa.

Yocwa 7:8

Ai Rwot, ka man dok awaco lok aŋo, ma jo Icrael doŋ gutyeko loko ŋegi woko i nyim lumerokgi-ni?