Ejira 8:22 - Acoli Baibul

²² Kono nene apenyo kabaka ni omiya lwak askari ki wegi aguragura me gwokowa i kom lumerokwa ma iyo, lewic onoŋo twero maka; pien onoŋo doŋ watito bot kabaka woko ni, “Lubaŋawa bibedo ki jo ma giyenye pi konyogi, ki tek me akemone bedo i kom jo ducu ma gibwoto en woko.”

Ejira 8:22 Iomraidhean Croise

1 Tekwaro 28:9

“In woda Solomon bene, ber iŋe Lubaŋa pa wora, iti ki en ki cwinyi ducu ki kero komi ducu; pien Rwot niyo cwiny dano ducu, dok ŋeyo gin ma cwiny dano yubo ducu ki tamme ducu. Ka ce iyenyo en, ci in ibinoŋo kome; ento ka ce ibwoto en woko, en bitenyi woko matwal.

2 Tekwaro 15:2

omiyo en ocito orwatte ki Aca, ci otitte ni, “Winy an, Aca, ki jo Juda ki Benjamin ducu. Rwot tye kwedwu, ka ce wun wutye kwede. Ka wuyenyo en, ci wubinoŋo en, ento ka wubwoto en, en bene bibwotowu.

2 Tekwaro 16:9

Pien wan Rwot neno lobo ducu, me nyuto tekke bot jo ma gibedo ki leŋic i kome. In itimo lok me miŋo mada i lok man; pienno cakke tin in ibibedo ki lweny.”

Ejira 7:28

Dok onyuto bota mar mere ma pe lokke i nyim kabaka kacel ki lumi-tamme ducu, ki i nyim ludito ma gin twoni oteka pa kabaka. Abedo ki tekcwiny pien Rwot Lubaŋana onoŋo tye ka konya dok abito ludito wi kaka pa jo Icrael adwogo kacel kwedgi.

Ejira 7:6

En aye Ejira ma yam obedo karan dok laryeko i cik pa Moses ma con Rwot Lubaŋa pa Icrael omiyo ki Moses; kabaka omiye jami ducu ma yam en olego, pien Rwot Lubaŋane onoŋo tye ka konye,

Ejira 7:9

Gua woko ki i lobo Babilon i nino dwe acel me dwe me acel bene, ci guo i Jerucalem i dwe me abic ninone acel, pien Rwot Lubaŋane onoŋo tye ka konye.

Ejira 8:31

Lacen wacako wot ki i dog kulu Akaya i nino me apar wiye aryo me dwe me acel, me cito i Jerucalem; Lubaŋawa aye obedo ka konyowa, dok ogwokowa ki i ciŋ lumerok ki i ciŋ luli bo ma gubuto ka kiyowa iyo.

Nekemia 2:9

Kabaka ocwalo an kacel ki ludito me mony ki dul pa wegi aguragura, ci acito i lobo ma tye Loka Kulu tuŋ potoceŋ, ci amiyo waraga pa kabaka bot luloc me lobo.

Jabuli 20:8

Gibiyokke ci gipoto woko piny; ento wan wabia malo wacuŋ atir.

Jabuli 34:22

Rwot koko kwo pa luticce; en pe miyo pwod bot ŋat mo i kom jo ma giriŋo gilaro bote.

Jabuli 90:11

Aŋa ma paro pi tek me akemoni, ki pi lworo ma kinigani kelo?

Koko 3:25

Rwot ber bot jo ma kure, ki bot dano ma yenye ki i cwinye.

Jo Roma 8:28

Waŋeyo ni i gin ducu Lubaŋa tiyo pi kelo gin maber ki jo ducu ma gimare jo ma en olwoŋogi kit macalo en oyubo.

1 Jo Korint 9:15

Ento an pe atiyo ki twero macalo meno wacel. Dok bene pe acoyo lok man ni kono wutima kit meno. Bedo ber ka ato, kato ma dano mo loko wakkena doko gin ma ka cuŋone pe.

2 Jo Korint 7:14

Kadi bed yam awakke i nyime piwu, lewic pe omaka; ento kit macalo yam lok ducu ma wabedo ka Tito botwu obedo lok me ada, kit meno wakkewa bene i nyim Tito obedo me ada.

Jo Ibru 10:38

Doŋ danona ma kite atir bibedo kwo pi niye; ento ka odok woko cen, cwinya pe bibedo yom i kome.”

Yocwa 22:16

“Lwak pa Rwot ducu guwaco botwu kit man ni, ‘Man kit robo dog aŋo ma wutimo i kom Lubaŋa pa Icrael-li, mumiyo wulokke woko wuweko lubo kor Rwot, wucano keno tyer piwu kenwu, wucako jemo woko i kom Rwot?

Yocwa 23:16

ka ce wuturo gicikke pa Rwot Lubaŋawu ma yam ocikowu kwede kun wucito ka woro lubaŋa mogo mukene, wuryebbe i nyimgi. Kiniga bimako Rwot i komwu, ci wubito wutum woko oyotoyot ki i lobo man maber ma en omiyo botwu.”

1 Petero 3:12

Pien Rwot neno jo ma kitgi atir, dok ciko ite, winyo legagi; ento dag neno jo ma lutim maraco.”