Ejira 8:18 - Acoli Baibul

¹⁸ Pi Rwot Lubaŋawa ma onoŋo tye ka konyowa omiyo gucwalo botwa Cerebia dano ma ŋeyo piny, ma en tye i kin likwayo pa Makali ma en lakwar pa Levi dok lakwar Icrael bene; en obino ki litinone kacel ki utmegine, gin ducu apar wiye aboro;

Ejira 8:18 Iomraidhean Croise

1 Tekwaro 6:1

Litino awobe pa Levi gin aye Gercom, Kokat ki Merari.

1 Tekwaro 6:19

Litino awobe pa Merari aye Makali ki Muci. Magi aye doggola pa jo Levi, ma lubo kwarogi.

1 Tekwaro 6:4

Eleajar onywalo Finekaci, Finekaci onywalo Abicua,

2 Tekwaro 30:22

Kejekia oloko lok me cuko cwiny bot Lulevi ducu ma gunyuto diro maber i tic pa Rwot. Kit meno lwak gubedo ka cam me kwero nino madito pi nino abiro, kun gityero gityer lakwecwiny-gu, ma gimiyo pwoc bot Lubaŋa pa kwarigi.

Ejira 7:28

Dok onyuto bota mar mere ma pe lokke i nyim kabaka kacel ki lumi-tamme ducu, ki i nyim ludito ma gin twoni oteka pa kabaka. Abedo ki tekcwiny pien Rwot Lubaŋana onoŋo tye ka konya dok abito ludito wi kaka pa jo Icrael adwogo kacel kwedgi.

Ejira 7:6

En aye Ejira ma yam obedo karan dok laryeko i cik pa Moses ma con Rwot Lubaŋa pa Icrael omiyo ki Moses; kabaka omiye jami ducu ma yam en olego, pien Rwot Lubaŋane onoŋo tye ka konye,

Ejira 7:9

Gua woko ki i lobo Babilon i nino dwe acel me dwe me acel bene, ci guo i Jerucalem i dwe me abic ninone acel, pien Rwot Lubaŋane onoŋo tye ka konye.

Ejira 8:16

Ka dok acwalo kwena me lwoŋo jo magi, Eliejer, Ariel, Cemaya, Elnatan, Jarib, Elnatan, Natan, Jekaria, ki Meculam, gin aye ludito wi lwakgi dok alwoŋo Joyarib ki Elnatan ma yam gin jo ma fye ki niaŋ matut,

Ejira 8:19

ka dok gucwalo Kacabia ki Jecaya ma gitye i kin likwayo pa Merari, kacel ki utmegigi, ki litinogi gin ducu pyeraryo.

Ejira 8:22

Kono nene apenyo kabaka ni omiya lwak askari ki wegi aguragura me gwokowa i kom lumerokwa ma iyo, lewic onoŋo twero maka; pien onoŋo doŋ watito bot kabaka woko ni, “Lubaŋawa bibedo ki jo ma giyenye pi konyogi, ki tek me akemone bedo i kom jo ducu ma gibwoto en woko.”

Ejira 8:24

Ka dok aketo ludito magi apar wiye aryo ma giloyo ajwagi: Cerebia, Kacabia, ki jo apar mukene ma gin utmegigi kacel kwedgi.

Nekemia 10:12

Jakur, Cerebia, Cebania,

Nekemia 12:24

Lulevi onoŋo giribogi woko gubedo i dul mapatpat ma lulocgi i dog tic obedo Kacabia, Cerebia, ki Yecwa wod pa Kadmiel. Dul aryo gipako Lubaŋa ki wer lawaŋacel kun giloco wer aloca, ma gimiyo pwoc bot Lubaŋa, kun gilubo cik ma kabaka Daudi ma en dano pa Lubaŋa yam ociko,

Nekemia 2:8

Dok apenyo kabaka bene ni myero oco waraga omiya ater bot Acap, ma lagwok buŋa pa kabaka, wek omiya yadi wek giti ki bao pi dogcel me gogo ma gwoko ot pa Lubaŋa, ki pi cel ma orumo gaŋ, ki pi ot ma an abibedo iye.” Kabaka oye ci omiya gin ducu ma alege pire, pien Lubaŋa onoŋo tye ka konya.

Nekemia 8:7

Ka dok lwak gucuŋ i kabedogi, ci Lulevi magi: Yecwa, Bani, Cerebia, Jamin, Akub, Cebetai, Kodia, Maceya, Kelita, Ajaria, Jojabad, Kanan, ki Pelaya, gukonyo lwak me niaŋ te cik maber, kun onoŋo lwak gubedo i kabedogi mot.

Carolok 24:3

Gitwero gero ot pi ryeko, dok pi niaŋ matut miyo cuŋ matek likiŋ;

Carolok 3:6

I kit kwoni ducu wii myero opo i kom Rwot, ci en bitiro yo ma iwoto iye bedo atir.

Jeremia 3:15

“‘Abimiyo botwu bene lukwat ma yomo cwinya, wek gukwawu, ma gipitowu kun gitye ki ŋec wa ki niaŋ maber.

Daniel 1:20

Doŋ i kwa lok ducu ma kabaka openyogi kwede, onoŋo ni gikato lutyet ki lukor tipo ducu ma tye i te kerre tyen apar kulu.

Buk me Aŋwen pa Moses ma Gilwoŋo Wel 3:20

Awobe pa Merari kun lubo doggolagi gin aye Makali ki Muci. Meno aye doggola pa Lulevi, kun lubo dog odi pa kwarogi.

1 Jo Korint 14:20

Utmegina, pe wubed calo litino i tamwu. Wubed litino i timo gin marac, ento i tamwu myero wubed jo muteggi.