Ejira 8:15 - Acoli Baibul

¹⁵ An yam acokogi kacel i dog kulu ma mol dok yo tuŋ Akava, wagony iye wabedo kunnu pi nino adek. Ka abedo ka ŋiyo dano anoŋo ni ajwagi gitye, ento Lulevi pe gitye kadi ki acel mo.

Ejira 8:15 Iomraidhean Croise

Ejira 7:24

Dok bene wagenowu ni pe myero wujog lim me mucoro mo ki bot ajwagi, Lulevi, luwer, lugwok-doggola, ki lutic ma gitiyo i ot pa Lubaŋa, nyo lutic mukene ma gitiyo i ot pa Lubaŋa.

Ejira 7:28

Dok onyuto bota mar mere ma pe lokke i nyim kabaka kacel ki lumi-tamme ducu, ki i nyim ludito ma gin twoni oteka pa kabaka. Abedo ki tekcwiny pien Rwot Lubaŋana onoŋo tye ka konya dok abito ludito wi kaka pa jo Icrael adwogo kacel kwedgi.

Ejira 7:7

Jo ma gucito kwede i Jerucalem bene i mwaka me abiro me loc pa Aritakcec, obedo ajwagi ki Lulevi, luwer, lugwok-doggola, ki lutic i ot pa Lubaŋa.

Ejira 8:14

Utai ki Jakur, ki i kin likwayo pa Bigvai, kacel ki jo megi pyerabiro.

Ejira 8:16

Ka dok acwalo kwena me lwoŋo jo magi, Eliejer, Ariel, Cemaya, Elnatan, Jarib, Elnatan, Natan, Jekaria, ki Meculam, gin aye ludito wi lwakgi dok alwoŋo Joyarib ki Elnatan ma yam gin jo ma fye ki niaŋ matut,

Ejira 8:2

ma gicoyo nyiŋgi i buk me tekwarogi: Gercom, ki i kin likwayo pa Finekaci. Daniel, ki i kin likwayo pa Itamar. Katuc, ki i kin likwayo pa Daudi,

Ejira 8:21

An dok aciko pi ri kec kunnu, ki i dog kulu Akava, wek wamwolle kenwa i nyim Lubaŋawa, wek waleg en omiwa wawot maber, wan kikomwa, litinowa, kacel ki jamiwa ducu.

Ejira 8:31

Lacen wacako wot ki i dog kulu Akaya i nino me apar wiye aryo me dwe me acel, me cito i Jerucalem; Lubaŋawa aye obedo ka konyowa, dok ogwokowa ki i ciŋ lumerok ki i ciŋ luli bo ma gubuto ka kiyowa iyo.

Jabuli 137:1

Wabedo piny i ŋet kulu me Babilon, ci wakok matek i kare ma wapo pi Cion.

Ejekiel 1:1

I nino dwe abic me dwe me aŋwen i mwaka pyeradek noŋo, onoŋo atye abedo kacel ki Lujudaya ma gin opii i ŋet kulu Kebar i lobo Babilon, Ci aneno polo oyabbe, cut atugi neno Lubaŋa i ginanyuta,

Ejekiel 3:15

Acito i Tel Abib, ka ma onoŋo jo ma giterogi i opii gibedo iye, i ŋet kulu Kebar. Abedo kunnu i kingi pi nino abiro kun atye ki ur madit atikatika pi gin ma onoŋo aneno otimme i koma ca.

Tic Pa Lukwena 16:13

I ceŋ cabit wacito woko i ŋe doggaŋ i kabedo mo ma i dog kulu, ma watamo ni gwok nyo ka lega tye kunnu; ci wabedo piny ka lok mon ma gugurre.