Ejira 7:8 - Acoli Baibul

⁸ En oo i Jerucalem i dwe me abic, me mwaka me abiro me loc pa kabaka.

Ejira 7:8 Iomraidhean Croise

Ejira 10:9

Cutcut jo Juda ki jo Benjamin ducu gucokke i Jerucalem i kin nino adek-ki, i nino dwe pyeraryo me dwe me aboŋwen, Lwak ducu gubedo i dyekal ma i nyim ot pa Lubaŋa. Onoŋo kot obedo ka cwer matek; pi lok man ma pire tek ki pi ŋico, omiyo kom dano acel acel obedo ka myel amyela,

Ejira 7:7

Jo ma gucito kwede i Jerucalem bene i mwaka me abiro me loc pa Aritakcec, obedo ajwagi ki Lulevi, luwer, lugwok-doggola, ki lutic i ot pa Lubaŋa.

Ejira 7:9

Gua woko ki i lobo Babilon i nino dwe acel me dwe me acel bene, ci guo i Jerucalem i dwe me abic ninone acel, pien Rwot Lubaŋane onoŋo tye ka konye.

Ejira 8:32

Ka wao i Jerucalem, ci wabedo kunnu pi nino adek.

Ejira 9:9

Onoŋo wan opii, ento in Lubaŋawa pe yam iwekowa ata i kare ma watye i opii, Dok inyuto mar meri ma pe lokke i nyim luker me Percia, omiyo guwekowa makwo dok guye ni wager ot pa Lubaŋawa odoco, ki yubo jami muballe i oburre, gumiyo gigwokowa bene maber i Judaya ki i Jerucalem.

Esta 2:16

I kare ma gitero Esta bot kabaka Akacwero i gaŋ kai kerre i dwe me apar, ma en aye dwe me Tebet, i mwaka me abiro me loc pa kabaka,

Daniel 9:25

Doŋ amito iŋe dok iniaŋ maber ni, nia i kare ma lok man cito kwede woko pi roco ki pi gero Jerucalem odoco, nio wa i bino pa dano ma giwiro ma en laker, bibedo mwaka pyeraŋwen wiye aboŋwen. Ci gaŋ bibedo mwaka miya aŋwen ki pyeradek wiye aŋwen ma doŋ gigero odoco ki dyekalle ki cel lobo ma gitoro atora, ento meno bibedo i kare ma noŋo ayelayela dwoŋ adada.